اقتوبە وبلىسىندا مال تۇقىمىن اسىلداندىرۋ جولعا قويىلماق. وڭىردە وسى ماقساتتا 4 ءىرى شارۋاشىلىق قۇرىلىپ، 170 شارۋا قوجالىعىنا قارجىلاي كومەك كورسەتىلەدى. بۇل «ءىرى قارا مال ەتىنىڭ ەكسپورتتىق الەۋەتىن دامىتۋ» جوباسى اياسىندا جوسپارلانعان ءىس. ونى جۇزەگە اسىرۋ ءۇشىن اۋىل شارۋاشىلىعىن قولداۋ قورلارى شارۋالارعا تومەن پايىزبەن نەسيە بەرۋگە دايىن. الايدا، شالعايداعى قوجالىق باسشىلارى قارىزعا اقشا الۋعا قۇلىقسىز. سەبەبى، كەپىلگە قوياتىن مۇلكى جوق نەمەسە ونىڭ قۇنى وتە تومەن.   ءاليا تالاسوۆا، ءتىلشى: قويشان تەمىرعاليەۆ كانىگى شارۋا. 10 جىلدان بەرى مال باسىن كوبەيتۋدى جولعا قويعان ول بار ءىستىڭ قارجىعا تىرەلەتىنىن ايتادى. ءتورت تۇلىكتى تەڭ ورگىزۋ قويشاننىڭ كوپتەن ويعا العان شارۋاسى. ول ءۇشىن تالاي بانكتىڭ ەسىگىن توزدىردى. كەپىلدىككە سالعان ءۇيى تۇككە تۇرعىسىز بولىپ شىقتى. ال مال باسى از. ونى كوبەيتۋگە شارۋا ءالى قول جەتكىزە الماي كەلەدى. قويشان تەمىرعاليەۆ، شارۋا قوجالىعىنىڭ يەسى: وعان نەسيە ارقىلى قول جەتكىزە الامىز. جوعارىداعىلار جاردەم ەتىپ،جەردى زالوگقا العىزۋ كەرەك بانك باسقا ەشتەنە المايدى. اۋىلداعى سامان ۇيلەر وتپەيدى. تەحنيكالار كونە. تراكتور، ول تراكتور باياعى كوممۋنيستتىك پارتيانىڭ ۋاقىتىنان قالعان. ونىڭ دا قۇنى تومەن. سوندىقتان تەك قانا جەر. كوپ پايىزدى نەسيە، قۇجاتباستىلىق، كەپىلدىكتىڭ جوقتىعى. بۇل بارشاعا ورتاق ماسەلە. شارۋالاردى مۇنداي تىعىرىقتان شىعارۋ ءۇشىن ۇكىمەت جەڭىلدەتىلگەن نەسيە ۇسىنىپ وتىر.

اقتوبە وبلىسىندا مال تۇقىمىن اسىلداندىرۋ جولعا قويىلماق. وڭىردە وسى ماقساتتا 4 ءىرى شارۋاشىلىق قۇرىلىپ، 170 شارۋا قوجالىعىنا قارجىلاي كومەك كورسەتىلەدى. بۇل «ءىرى قارا مال ەتىنىڭ ەكسپورتتىق الەۋەتىن دامىتۋ» جوباسى اياسىندا جوسپارلانعان ءىس. ونى جۇزەگە اسىرۋ ءۇشىن اۋىل شارۋاشىلىعىن قولداۋ قورلارى شارۋالارعا تومەن پايىزبەن نەسيە بەرۋگە دايىن. الايدا، شالعايداعى قوجالىق باسشىلارى قارىزعا اقشا الۋعا قۇلىقسىز. سەبەبى، كەپىلگە قوياتىن مۇلكى جوق نەمەسە ونىڭ قۇنى وتە تومەن.   ءاليا تالاسوۆا، ءتىلشى: قويشان تەمىرعاليەۆ كانىگى شارۋا. 10 جىلدان بەرى مال باسىن كوبەيتۋدى جولعا قويعان ول بار ءىستىڭ قارجىعا تىرەلەتىنىن ايتادى. ءتورت تۇلىكتى تەڭ ورگىزۋ قويشاننىڭ كوپتەن ويعا العان شارۋاسى. ول ءۇشىن تالاي بانكتىڭ ەسىگىن توزدىردى. كەپىلدىككە سالعان ءۇيى تۇككە تۇرعىسىز بولىپ شىقتى. ال مال باسى از. ونى كوبەيتۋگە شارۋا ءالى قول جەتكىزە الماي كەلەدى. قويشان تەمىرعاليەۆ، شارۋا قوجالىعىنىڭ يەسى: وعان نەسيە ارقىلى قول جەتكىزە الامىز. جوعارىداعىلار جاردەم ەتىپ،جەردى زالوگقا العىزۋ كەرەك بانك باسقا ەشتەنە المايدى. اۋىلداعى سامان ۇيلەر وتپەيدى. تەحنيكالار كونە. تراكتور، ول تراكتور باياعى كوممۋنيستتىك پارتيانىڭ ۋاقىتىنان قالعان. ونىڭ دا قۇنى تومەن. سوندىقتان تەك قانا جەر. كوپ پايىزدى نەسيە، قۇجاتباستىلىق، كەپىلدىكتىڭ جوقتىعى. بۇل بارشاعا ورتاق ماسەلە. شارۋالاردى مۇنداي تىعىرىقتان شىعارۋ ءۇشىن ۇكىمەت جەڭىلدەتىلگەن نەسيە ۇسىنىپ وتىر. قارجى 7 جىلعا، ونىڭ ىشىندە 2 جىل جەڭىلدىكپەن بەرىلەدى.   بوتاش كۇزەمباەۆ، «قازاگروونىم» اق اتقارۋشى ديرەكتورى: اگرارلىق نەسيە كورپوراتسياسى فەرمەرلەردى جەڭىلدەتىلگەن نەسيەمەن قارجىلاندىراتىن بولادى. 7 جىلعا 6 پايىزدىق ۇستەمەاقىمەن بەرىلەدى. قۇجاتتارى تۇگەل بولسا بولعانى، كەپىلدىككە ساتىپ العان مال باسى قويىلادى. ول ءۇشىن شارۋاشىلىقتىڭ مال باسى 100-بەن 200 ارالىعىندا بولۋى كەرەك. جەڭىلدەتىلگەن نەسيە مال باسىن كوبەيتۋگە باعىتتالادى. سونداي-اق، ءىرى قارا تۇقىمىن اسىلداندىرۋ جولعا قويىلىپ وتىر. ەلباسى ەلدە مال شارۋاشىلىعىن دامىتىپ، ەتىن كورشى ەلدەرگە شىعارۋدى مىندەتتەگەن بولاتىن. ەكسپورتقا جەتۋ ءۇشىن اقتوبەلىك شارۋالارعا كەمىندە 5-6 جىل قاجەت.   ساعيدوللا قاۋقاقوۆ، «قازاگروونىم» اق ايماقتىق مەنەدجەرى: سىرتقا شىعارىلاتىن 1 سيىردىڭ جارتى ەتى كەمىندە 120-150 كەلى، ال بىزدە 80-90-نان اسپايدى. ول سوندىقتان كونكۋرەنتسياعا جارامايدى. باسقا ەلدەر العىسى كەلمەيدى. سوندىقتان مالدىڭ سالماعىن ارتتىرۋىمىز كەرەك. جازعىتۇرىم قازاقستانعا كانادادان 8 مىڭ گەرەفورد بۇقاسى اكەلىنبەك. اقتوبەلىك شارۋالارعا دا ۇلەستىرىلەدى. مال تۇقىمىن اسىلداندىرۋ ءۇشىن سالماقتى ءىرى قارانى كوبەيتۋ كوزدەلىپ وتىر. اقتوبە وبلىسىندا وسى باعىتتا جۇمىس يستەيتىن 4 ءىرى شارۋاشىلىق قۇرىلادى. 60 مىڭ سيىر بورداقىلايتىن تاعى 4 الاڭ اشىلماق. جوبا وڭ ناتيجەسىن بەرسە  ەكسپورتتىق الەۋەتتى ارتتىرۋعا مۇمكىندىك تۋادى.  

ءاليا تالاسوۆا