«New York Times» گازەتى «XXI عاسىرداعى ەڭ ەرجۇرەك بالا» دەگەن اتپەن كەرەمەت ماقالا جاريالادى. امەريكانىڭ سپەتسنازى سونداعى ناۆۆافا زەيدان دەيتىن شەيحتىڭ سارايىن باسىپ الماق بولىپ شابۋىل جاساعان عوي. ساددام حۋيسەيننىڭ 14 جاستاعى نەمەرەسى مۇستاپا ساددام حۋسەين وسى كەزدە ۇيدە جالعىز ءوزى عانا ءتىرى قالىپ، الگىلەرمەن اتىسا جونەلىپتى. اعاسىنا، اكەسى مەن قورعاۋشىسىنا وق ءتيىپ، ۇشەۋى دە كوز الدىندا قازا تابادى.

سوسىن سولداتتار ۇيگە ەندى ەنتەلەپ كىرە بەرگەندە، مۇستاپا ولارعا اۆتوماتتان وق جاۋدىرعان. امەريكانىڭ 400 سولداتى ءۇيدى اينالا قورشاپ الادى. بالا دا بەرىسپەي، مەرگەندەردىڭ مىلتىعىمەن 23 ادامدى جەر جاستاندىرىپ، ەكى جاق التى ساعات بويى اتىسىپتى. «اينالدىرعان جاۋ الماي قويمايدى» دەمەكشى، ەڭ سوڭىندا امەريكالىقتار ەبىن تاۋىپ، مۇستاپانى ءمۇلت كەتىرەدى. كەيىن، التى ساعات بويى ءبىر-اق اداممەن، ونىڭ وزىندە جاس بالامەن اتىسقانىن كورگەن امەريكالىق سولداتتار ءوز كوزىنە ءوزى سەنبەي، كادىمگىدەي ەسەڭگىرەپ قالعان كورىنەدى.

ماقالانىڭ سوڭىنا قاراي «New York Times» گازەتىنىڭ ءجۋرناليسى روبەرت ەيسك بىلاي دەپ جازعان ەكەن: «ەگەر بىزدەن تۋرا وسىنداي باتىر بالا شىعاتىن بولسا، ءار قالادان ەسكەرتكىش اشىپ، ونىڭ ەرلىگىن وسكەلەڭ ۇرپاققا ۇلگى قىلىپ ايتاتىن ەدىك!»

جولىمبەت ماكىشءتىڭ پاراقشاسىنان

Abai.kz