الماتى وبلىسى قاراساي اۋدانى المالىباق اۋىلىنىڭ جاستارى الماتىدا بوي كوتەرگەن الىپ ءتيىننىڭ 5,5 مەترلىك كوشىرمەسىن جاسادى. ءتيىندى جاساۋعا ءۇش كۇن كەتىپتى.

بۇل تۋرالى قۋات احمەتجانوۆ Facebook الەۋمەتتىك جەلىسىندەگى پاراقشاسىندا "ستۋدەنتتەر 23 ميلليون تەڭگەنى شىعىنداماي-اق تەگىن ءتيىندى سالدى", - دەپ جازدى. قىزۋ تالقىعا تۇسكەن ىسكە تاڭدانىس بىلدىرگەندەر دە، قولداۋشىلار دا كوپ بولدى.

"مىنە، ساۋلەت قۇرىلىسىن كىمگە تابىستاۋ كەرەك. قازىنانى دا ساقتايدى، جاستار دا وزىنە ءبىراز تابىس كوزىن تاۋىپ قالار. الە! تاعى كىمنىڭ قالاسىن بەزەندىرۋ كەرەك؟", "جاستار جارادىڭدار! وتە كەرەمەت! شىنىمەن دە، سابان اۋىلدا كوپ ەمەس پە، ءال-فارابي داڭعىلىن تۇگەل تيىندارمەن تولتىرىپ تاستاسا بولادى", "قالا اكىمشىلىگىنە ايتار ءسوزىم: سونشا اقشا شىعىنداماي-اق، وسىلاي جاساسا دا بولار ەدى. جاستاردىڭ ءىسى ارتىق بولماسا، كەم تۇسپەيدى", "دەرەۋ استاناعا اپارىڭدار سارىشۇناقتى قويماي تۇرىپ".

جالپى ەلدىڭ پىكىرى وسى. العاشىندا، ء"تيىن كوشىرمەسىنىڭ قۇرىلىسىنا 230 000 تەڭگە جۇمسالدى" دەگەن اقپارات تاراعان بولاتىن. كەيىن بۇل ءتيىننىڭ قۇرىلىسىنا ءبىر تيىن دا جۇمسالماعانى انىقتالدى.

ەستەرىڭىزگە سالا كەتەيىك، جاقىندا الماتىداعى "اتاكەنت" ساۋدا ورتالىعىندا ۇزىندىعى 12 مەتر، سالماعى 12 توننا بولاتىن ءتيىن بوي كوتەرگەن. سابان، مەتالل مەن اعاشتان جاسالعان ارت-قۇرىلىستى سالۋ ءۇشىن بيۋدجەتتەن 23 ميلليون تەڭگە ءبولىنىپتى.

جانار ادىرباي

Abai.kz