«اقش پرەزيدەنتىن سىناۋشىلار ترامپتىڭ "رەسەي پرەزيدەنتى ۆلاديمير پۋتينگە ءوز بارلاۋشىلارىمنان قاراعاندا كوبىرەك سەنەمىن" دەگەنىن جاپپاي سىنعا العان.

17 شىلدەدە ترامپ جۋرناليستەردى اق ۇيگە جيناپ، "امەريكانىڭ ارنايى قىزمەتىنە رەسەي پرەزيدەنتىنە قاراعاندا كوبىرەك سەنەتىنىن" ايتتى"

18 شىلدەدە ترامپ حەلسينكيدە "سوزدەن جاڭىلعانىن" مويىندادى

اقش پرەزيدەنتى د.ترامپتىڭ رەسەي پرەزيدەنتى ۆ. ءپۋتيننىڭ الدىندا سالماعىنان ايرىلىپ، ەلپەڭدەي قالعانىن الەم اقپاراتى جارىسا جازۋدا.

ترامپتىڭ رەسەي پرەزيدەنتى پۋتينگە دەگەن ەرەكشە «سۇيىسپەنشىلىگى مەن زور ماحابباتىنىڭ» سىرىن كوپشىلىگى ىشتەي سەزگەندەرىمەن، سىرتتاي ايعايلاپ ايتا الىپ جاتقان  جوق.

سونىمەن بىرگە ترامپتىڭ «ەۋرووداقتى تاراتۋ كەرەك»، تەرەزە مەيگە «ەۋرو وداقتى سوتقا بەر» دەپ اقىل ايتۋى، ت.ب. قىزىق-قىزىق مىنەزدەرىنە بىرەۋلەر كۇلىپ، ەندى بىرەۋدىڭ جىلاعىسى كەلەدى. سونداي-اق، ترامپتىڭ ەكى ءسوزىنىڭ ءبىرى «اقشا، پايدا تابۋ». سوندا مەملەكەتتىك ساياسات قايدا قالادى؟

ترامپتىڭ ءپۋتيننىڭ الدىندا ءوز سالماعىنان ايرىلىپ قالاتىنىڭ سىرى نەدە ەكەن وسى؟

جالپى ساياساتتا جەكە باستىڭ مۇددەسى دەگەن بولامايدى. الەمدىك تاجىريبە تەك مەملەكەتتىك دەڭگەيدە عانا ويلاۋدى، سويلەۋدى، ءوزىن ۇستاۋدى تالاپ ەتەدى.

ال مىنا زامان نە بولىپ بارا جاتىر؟ كىم ۇساقتاپ بارا جاتقان؟ كىمدى الجىعانعا جاتقىزۋعا بولادى؟

جالپى، مەملەكەتتىك ساياسات – ەشكىمگە دە ويىنشىق ەمەس!

شىنىندا دا ۆ. پۋتين ترامپتىڭ اقش پرەزيدەنتتىگىنە سايلاۋ كەزىندە باسەكەلەسى حيللاري كلينتوندى قالاي، كىمنىڭ «زور كومەگى» ارقاسىندا جەر سوقتىرىپ كەتكەنىن، ونىڭ قۇپياسىن بىلەتىن جالعىز ادام سياقتى.

اقش پرەزيدەنتى رەسەي پرەزيدەنتىمەن ەش كۋاسىز وڭاشادا ۇزاق سويلەسۋلەرىنىڭ دە سىرى سول جۇمباق كۇيىندە قالۋدا.

سونىمەن د. ترامپ ءپۋتيننىڭ الدىندا نەگە ەلپىلدەپ قالادى ەكەن؟

جۇماش كوكبورى

Abai.kz