بۇگىندە الماتىداعى كولىكتىڭ قوسالقى بولشەكتەرىن ساتاتىن دۇڭگىرشەكتەردىڭ ءبارى ءسۇرىلدى. سوندا، سونىڭ اينالىسىندا جۇمىس ىستەپ جۇرگەن جاستاردىڭ ءبارى جۇمىستان ايرىلىپ، ۇرىلاردىڭ سانىن كوبەيتۋدە. بۇگىن سونىڭ تاقسىرەتىن تارتتىق.

ايدىڭ كۇننىڭ امانىندا دەنيس تەننەن ايىرىلىپ، قايعىدان قان جۇتىپ وتىرعان جايىمىز بار. نەتكەن وكىنىشتى.

بۇگىندە كارسيتيدىڭ اينالاسىندا كولىك جوندەپ ناپاقاسىن تاۋىپ جۇرگەن اۋىلدىڭ بالالارىنا پوليتسيا قىرعيداي تيەتىنىنىن جاقىندا كولىگىمدى جوندەتۋگە بارعاندا ءبىر جىگىت ايتىپ بەردى. وزدەرىن جۇمىسپەن قامتىپ، ۇكىمەتكە سالماق سالماي جۇرگەن جاستاردا ساقشىلاردىڭ نەسى بار ەكەن، ا؟

قايتا اكىمدىك پەن بازار قوجايىندارى سول جەرگە ىستىق كۇندە كولىكتى كولەڭكەدە جوندەيتىن «ناۆەس» سالىپ بەرسە، جاستار الدەكىمدەرگە بەرگەن اقشالارىن مەملەكەت قازىناسىنا سالىپ، زاڭدى جولمەن جۇمىس ىستەر ەدى عوي. امال نە، ءبىزدىڭ بۇل ويىمىز ارمان كۇيىندە قالىپ تۇر.

نۇرلان جۇماحاننىڭ Facebook-تەگى پاراقشاسىنان

Abai.kz