قاپىلىستا جەمتىك بولىپ قاسقىرعا،
سۇم اجالعا قۇشاعىڭدى اشتىڭ با؟
قارا مۇزدا سىرعاناۋشى ەڭ ءماز بولىپ،
نەڭ بار ەندى قارا جەردىڭ استىندا ؟

جۇرەكتەردەن مۇز بوپ بۇگىن ەريسىڭ،
كوك تۋىڭدى جەلبىرەتەم دەمەيسىڭ.
ۇلتىڭ وزگە بولعانىمەن قازاقتىڭ،
ۇلى ەدىڭ اردا تۋعان دەنيسىم.

جوقتاۋىمەن ايتىپ جاتىر ايدىن ءان،
قارا بۇلتتىڭ قاباعىنان قايمىعام.
بوتادايىن بوزداپ جاتىر بوز دالا،
قاراعاندى قان جۇتادى قايعىدان.

كەلەر ۇرپاق جىر عىپ ايتار ءبىر كۇندەر،
ۇل ەدىڭ عوي ءور قازاقتى ۇلتىم دەپ.
وبالىڭا قالدى -اۋ ءسىرا قايتەيىن،
ىشتەن شىققان شۇبار جىلان شىركىندەر....

قوش بول ەندى ءبىزدىڭ باتىر بالامىز،
ءبىر اللادان يمان سۇراپ قالامىز.
جانكۇيەر بوپ وتىرۋشى ەدىك قوي،
جانازاڭا قالاي عانا بارامىز؟.

اتىڭ سەنىڭ بولار بىزگە ءالى اڭىز.
سەنى جوقتاپ جاتىر مىنە بار حالىق،
سارعايۋدا سارىارقاداي دالامىز ....
قوش بول ەندى ءبىزدىڭ دەنيس بالامىز!

اينۇر جاپپارقۇلوۆا

Abai.kz