جۇما, 29 ناۋرىز 2024
جاڭالىقتار 2639 0 پىكىر 28 شىلدە, 2018 ساعات 14:24

الماتىدا 101 كوشەنىڭ جوندەۋ جۇمىستارى اياقتالعان

قالالىق اكىمدىكتىڭ مالىمەتى بويىنشا، بيىل الماتىدا 157 كوشە جوندەلەدى دەپ جوسپارلانسا، وسى كۇنگە دەيىن ولاردىڭ 101-ىندە جوندەۋ جۇمىستارى اياقتالىپ ۇلگەرگەن. سونداي-اق، قازىرگى تاڭدا قالاداعى تيميريازەۆ كوشەسى بويىندا دا جوندەۋ جۇمىستارى قايناپ جاتىر. ويتكەنى، وندا ۇستىمىزدەگى جىلى العاشقى جۇيرىك اۆتوبۋستار جەلىسى ءوز جۇمىسىن باستايتىن بولادى.

وسىعان وراي، الماتى قالاسى جولاۋشىلار كولىگى باسقارماسىنىڭ حابارلاۋىنا سۇيەنسەك، جاڭارتىلعان جەلىمەن اۆتوبۋستار سول جاق شەتكى جولاقپەن جۇرەدى ەكەن. ال باسقا اۆتوكولىكتەر ءۇشىن وڭ جاقتاعى شەتكى جولاق ءبولىنىپ بەرىلەدى دەپ جوسپار­لانىپ وتىر. سونداي-اق، العاشقى ءجۇي­رىك جەلىنىڭ ازىرشە جالپى ۇزىن­دىعى 8,7 شاقىرىمعا سوزىلاتىن بولسا، وسى كۇنگە دەيىن ونىڭ 2 شاقىرىمنان استام بولىگى جاسالىپ قويىلعان كورىنەدى.

جالپى، الداعى ۋاقىتتا برت مۇستافين، سۇلەيمەنوۆ، جاندوسوۆ، تي­ميريازەۆ كوشەلەرىمەن ءجۇرىپ وتى­رىپ، جەلتوقسان كوشەسىمەن اياقتالا­تىن بولادى. بۇل رەتتە بۇكىل باعىتتاعى ايالدامالار جاڭارتىلىپ، تەك قانا روزىباقيەۆ جانە ماناس كوشەلەرىن­دەگى ايالدامالار بۇزىلادى دەپ جوسپارلانىپ وتىر.

قىسقاسى، بۇل جاڭا جەلىمەن اۆتوبۋستار اعىمداعى جىلدىڭ قالا كۇنى­ مەرەكەسىندە نەمەسە قىركۇيەك ايىنىڭ اياعىندا جۇرە باستايدى دەپ كۇتىلۋدە. ال ونىڭ قۇرىلىس جۇمىستا­رىنا 4 ملرد. تەڭگەدەي قارجى جۇمسا­لاتىن بولادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532