ەردوعاننىڭ ەر ەكەنىن ەرتەدەن ءبىلۋشى ەدىك. بۇل جولعى باتىرلىعىنا تۇرەگەپ تۇرىپ سول سوعۋعا بولادى. 28 اقپان كۇنى گەرمانياعا بارعان ءىس-ساپارىندا قالىڭ نەمىستىڭ ورتاسىندا تۇرىپ-اق وتانداستارىن ۇلتتىق بىرلىككە شاقىردى.
تۇرىكتەر ەڭ كوپ شوعىرلانعان ديۋسسەلدورف قالاسىندا لەبىزىن ەستۋگە كەلگەن ونداعان مىڭ قانداستارىنىڭ الدىندا تۇرىپ ولاردى نەمىس جۇرتىمەن ەتەنە بولۋعا، بىراق اسسيميلياتسياعا ءتۇسىپ كەتپەۋگە شاقىردى. بالالارعا ءبىرىنشى كەزەكتە تۇرىك ءتىلىن، سونان كەيىن عانا نەمىس ءتىلىن ۇيرەتىڭدەر دەگەندى باسا ايتتى. ول ءوزى قوناق بولىپ وتىرعان نەمىس جۇرتىنىڭ تۇرىكتەر مەن وزگە دە مۇسىلماندارعا دەگەن جەككورۋشىلىكتەرىن سىنادى. ول مۇنى انتيسەميتيمز دەپ سانايتىنىن ايتقانىمەن قازىرگى نەمىس ۇكىمەتىنىڭ «ادامزاتقا قارسى جاسالعان» ناقتى قىلمىسىن اشكەرەلەپ ايتپادى.
ول تۇركيا ءوزىنىڭ شەتەلدەگى وتانداستارىن قورعايتىنىن، ولاردىڭ مۇددەسى مەن كوزقاراستارىن ساقتاۋعا اتسالىساتىنىن بىرنەشە قايتالادى. ول گەرمانياداعى تۇرىكتەردى وتانىنا قايتۋعا دا شاقىردى.
ەردوعاننىڭ «ەر مىنەزى» تۇركيانىڭ ەۋرووداققا ەنۋىنە ءبىرىنشى بولىپ قارسى شىعىپ جۇرگەن نەمىس شەنەۋنىكتەرىنىڭ شابىنا وت ءتۇسىردى. گەرمانيا سىرتقى ىستەر ءمينيسترى گۆيدو ۆەستەرۆەللە تۇرىك پرەمەرىنىڭ ءسوزىن سىناپ، جەرگىلىكتى تۇرىكتەردى ءبىرىنشى كەزەكتە نەمىس ءتىلىن ۇيرەنۋگە شاقىردى.

ەردوعاننىڭ ەر ەكەنىن ەرتەدەن ءبىلۋشى ەدىك. بۇل جولعى باتىرلىعىنا تۇرەگەپ تۇرىپ سول سوعۋعا بولادى. 28 اقپان كۇنى گەرمانياعا بارعان ءىس-ساپارىندا قالىڭ نەمىستىڭ ورتاسىندا تۇرىپ-اق وتانداستارىن ۇلتتىق بىرلىككە شاقىردى.
تۇرىكتەر ەڭ كوپ شوعىرلانعان ديۋسسەلدورف قالاسىندا لەبىزىن ەستۋگە كەلگەن ونداعان مىڭ قانداستارىنىڭ الدىندا تۇرىپ ولاردى نەمىس جۇرتىمەن ەتەنە بولۋعا، بىراق اسسيميلياتسياعا ءتۇسىپ كەتپەۋگە شاقىردى. بالالارعا ءبىرىنشى كەزەكتە تۇرىك ءتىلىن، سونان كەيىن عانا نەمىس ءتىلىن ۇيرەتىڭدەر دەگەندى باسا ايتتى. ول ءوزى قوناق بولىپ وتىرعان نەمىس جۇرتىنىڭ تۇرىكتەر مەن وزگە دە مۇسىلماندارعا دەگەن جەككورۋشىلىكتەرىن سىنادى. ول مۇنى انتيسەميتيمز دەپ سانايتىنىن ايتقانىمەن قازىرگى نەمىس ۇكىمەتىنىڭ «ادامزاتقا قارسى جاسالعان» ناقتى قىلمىسىن اشكەرەلەپ ايتپادى.
ول تۇركيا ءوزىنىڭ شەتەلدەگى وتانداستارىن قورعايتىنىن، ولاردىڭ مۇددەسى مەن كوزقاراستارىن ساقتاۋعا اتسالىساتىنىن بىرنەشە قايتالادى. ول گەرمانياداعى تۇرىكتەردى وتانىنا قايتۋعا دا شاقىردى.
ەردوعاننىڭ «ەر مىنەزى» تۇركيانىڭ ەۋرووداققا ەنۋىنە ءبىرىنشى بولىپ قارسى شىعىپ جۇرگەن نەمىس شەنەۋنىكتەرىنىڭ شابىنا وت ءتۇسىردى. گەرمانيا سىرتقى ىستەر ءمينيسترى گۆيدو ۆەستەرۆەللە تۇرىك پرەمەرىنىڭ ءسوزىن سىناپ، جەرگىلىكتى تۇرىكتەردى ءبىرىنشى كەزەكتە نەمىس ءتىلىن ۇيرەنۋگە شاقىردى.
قازىر گەرمانيادا 3 ملن-نان استام تۇرىك تۇرىپ جاتىر. ولاردىڭ ءبىر دەمدە تۇركياعا كوشىپ كەتۋى، ارينە ەكىتالاي. دەگەنمەن، مۇنشاما حالىق ەلدىڭ ساياسي دامۋىنا ءوز ۇلەسىن قوسۋعا ۇمتىلارى ءسوزسىز.
ەڭ باستىسى ەردوعاننىڭ كوزسىز ەرلىگى بولىپ تۇر. تاۋەلسىزدىگىم تاعدىرىم دەپ سانايتىن ەلدەردىڭ قاي باسشىسى ءوزى مەملەكەتتىك ساپارمەن بارعان الپاۋىت ەلدەگى قانداساتارىنا وسىنداي ۇران تاستاپ ەدى؟

www.masa.kz ينتەرنەت گازەتى