بەيسەنبى, 28 ناۋرىز 2024
2591 1 پىكىر 14 تامىز, 2018 ساعات 10:00

تۇركيا وب: قارجىلىق جاعدايدى تۇراقتاندىرامىز

تۇركيانىڭ ورتالىق بانكى ۇلتتىق ۆاليۋتا - ليرا قۇنسىزدانعاننان كەيىن قارجىلىق احۋالدى تۇراقتاندىرۋدىڭ "بارلىق شاراسىن" جاساۋعا دايىن ەكەنىن مالىمدەدى.

ورتالىق بانك (وب) 13 تامىز كۇنى تاراتقان مالىمدەمەسىندە بانكتەرگە ءتيىستى قولداۋ كورسەتۋگە ۋادە بەردى. كەشە تۇركيا قارجى ءمينيسترى بەرات البايراك ۇكىمەت نارىقتاعى جاعدايدى تۇراقتاندىراتىن ءىس-قيمىل جوسپارىن دايىنداعانىن ايتقان.

تۇركيادا ەكونوميكالىق داعدارىس بولىپ، اقش-پەن قارىم-قاتىناس شيەلەنىسۋى مۇمكىن دەگەن قاۋىپتەن 13 تامىزدا ازيا قور نارىقتارىندا تۇرىك ليراسىنىڭ دوللارعا شاققانداعى باعامى كۇرت تومەندەگەن.

10 تامىزدا اقش پرەزيدەنتى دونالد ترامپ تۇركيالىق بولات پەن اليۋمينيگە باج سالىعى ءتاريفىن ەكى ەسەگە ۇلعايتۋدى قولداعانىن ايتقان. بۇل جاعداي دا تۇرىك ليراسىنىڭ قۇلدىرۋىنا اسەر ەتكەن. تۇركيا بيلىگى اقش-تىڭ بۇل ارەكەتىنە جاۋاپ شارالارىن قولداناتىنىن مالىمدەگەن.

ناتو-عا مۇشە تۇركيا مەن اقش بىرقاتار ماسەلەدە، ونىڭ ىشىندە انكارانىڭ رەسەيلىك زىمىراننان قورعانىس جۇيەسىن ساتىپ الۋ جوسپارىنا قاتىستى دا كەلىسە الماي ءجۇر. تاياۋدا ترامپ انكارادان تۇركيادا تەرروريزمگە قاتىستى ايىپتالعان پاستور ەندريۋ برانسوندى بوساتۋدى تالاپ ەتكەن.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3522