شاكەن كەنجەتايۇلى ايمانوۆتىڭ اتى ارقىلى – ۇلى قازاق اكتەرى، قازاقستاننىڭ تەاتر جانە كينو رەجيسسەرى، قازاق كينوسىنىڭ "التىن عاسىرى" دەگەن تۇسىنىك قالىپتاستى.

كەڭەستىك كەزەڭدە تۇسىرىلسە دە، بارشا قازاقستاندىقتار «تاقيالى پەرىشتە»، «اتاماننىڭ اقىرى»، «الدار كوسە» سەكىلدى فيلمدەردى ءالى قىزىعا كورەدى.  ولار اتاقتى رەجيسسەر گايداي، ريازانوۆ نەمەسە دانەليا فيلمدەرىنەن ءبىر مىسقال دا كەم ەمەس. ەگەر شاكەن اتامىزدىڭ قىسقا عۇمىرى مەن ابسۋرد ءولىمى بولماسا، وندا ول جوعارىدا اتالعان كەڭەس پەن رەسەيلىك ارىپتەستەرى سىندى تاعى بىرنەشە كازاق كينوشەدەۆرىن تۋعىزار ەدى.

رەجيسسەر رەتىندە شاكەن ايمانوۆ جالپى - 11 فيلم تۇسىرگەن ەكەن. ولاردىڭ ىشىندە - «اكەلەر جەرى»، «ءبىز وسىندا تۇرامىز»، «اتاماننىڭ اقىرى»، «تاقيالى پەرىشتە»، «الدار كوسە» بار.

تانىمال شىعارماشىلىق تۇلعالارمەن بىرگە ايمانوۆ بەس ءفيلمنىڭ ستسەناريىن جازعان. سولاردىڭ ءبىرى - بەلگىلى كومەديا «تاقيالى پەرىشتە».

قىسقا عۇمىرىندا شاكەن ايمانوۆ قازاق كينوسىنىڭ العاشقى رەجيسسەرى اتاندى. 1950 - 1970 جج. قازاق تەاتر مەن كينو سالاسىندا بىرنەشە باستى رولدەردى سومدادى.

قازىر ايمانوۆتىڭ اتىمەن قازاقستان ۇلتتىق كينوستۋديا، الماتىداعى كوشە اتالادى. شاكەن ايمانوۆ اتىنداعى ورتالىق ازياداعى ەڭ ءىرى كينوفەستيۆال ءوز جۇمىسىن جۇرگىزەدى. شاكەن ايمانوۆتىڭ شىعارماشىلىق تاعدىرى - قازاق كەڭەس مادەنيەتىنىڭ تاماشا ەرەكشەلىگى سانالادى. بۇل تۇلعا كەڭەستىك جانە قازىرگى قازاقستاننىڭ ماقتانىشى.

شاكەن ايمانوۆ كەڭەس قازاقستاننىڭ رۋحاني جاڭعىرۋ دامۋىنا ۇلكەن ۇلەس قوسقان ادام دەپ تولىق ايتۋعا بولادى (1950-1970). بۇگىنگى كۇنى ونىڭ شىعارماشىلىق جەتىستىكتەرىنىڭ ماڭىزى مەن قۇندىلىعىنا كۇمان جوق. ۋاقىتتىڭ ءوزى قازاقستاننىڭ مادەني ءومىرىنىڭ تاريحىندا ايمانوۆتىڭ اتىن جازدى جانە ونى حالىق تانۋ مەن سۇيىسپەنشىلىگى نۇرىمەن جاراتتى. كسرو حالىق ءارتىسى، «قازاقفيلم» ستۋدياسىنىڭ مەملەكەتتىك ديرەكتورى، رەجيسسەر جانە اكتەر شاكەن ايمانوۆ ءوزىنىڭ شىعارماشىلىعىن جانە ءومىرىن ءوز حالقىنا ارناعان شىنايى پاتريوتى جانە تالانتى زور تۇلعا دەپ تانيمىز.

كەرىمسال جۇباتقانوۆ، قازاق-ورىس حالىقارالىق ۋنيۆەرسيتەتىنىڭ «رۋحاني جاڭعىرۋ» عىلىمي-زەرتتەۋ ورتالىعىنىڭ جەتەكشىسى

Abai.kz