جانار مامىروۆانىڭ ايتۋىنشا، مەكتەپتەگى جوعارعى سىنىپتاردا وقيتىن 203 وقۋشى قىزدىڭ 10-ى ورامالىن شەشۋدەن باس تارتىپ وتىر. جاڭا وقۋ جىلى باستالعالى ورامالىن شەشۋگە كەلىسپەگەن جەتى قىزدىڭ اتا-اناسى مەكتەپتەن قىزدارىنىڭ قۇجاتتارىن الىپ، باسقا وقۋ ورنىنا ورنالاستىرعان.
- ورامالىن شەشۋگە كەلىسپەي ساباققا كەلمەگەن 10 وقۋشىنىڭ ەكەۋى اۋىرىپ جاتقانى بەلگىلى بولدى. بىرەۋى باسقا مەكتەپكە اۋىسۋىنا بايلانىستى قۇجاتتارىن راسىمدەپ وتىر. تورتەۋىنىڭ اتا-اناسىنا تۇركىستان وبلىستىق ءبىلىم سالاسىنداعى باقىلاۋ دەپارتامەنتى ايىپپۇل سالعان. قالعان ءۇش وقۋشى جانە ولاردىڭ اتا-اناسىمەن جۇمىس جۇرگىزىلىپ جاتىر، - دەيدى مەكتەپ ديرەكتورى.
تۇركىستان وبلىستىق ءبىلىم باسقارماسى "فەرداۋسي مەكتەبىندەگى جاعداي بىرقالىپقا تۇسكەنىن" جانە ءالى دە ءتۇسىندىرۋ جۇمىستارى جۇرگىزىلىپ جاتقانىن مالىمدەدى.
قىركۇيەكتىڭ 6-سى كۇنى فەرداۋسي اۋىلىندا مەكتەپكە ورامالىن شەشىپ بارۋدان باس تارتقان 13 وقۋشى قىزدىڭ اتا-اناسىنا بەس ايلىق ەسەپتىك كورسەتكىشكە ء(بىر ايلىق ەسەپتىك كورسەتكىش - 2405 تەڭگە) تەڭ ايىپپۇل سالىنعان.
Abai.kz
