تۇرماعانبەت كەنجەباەۆ. قۇبىلا
كەنجەباەۆ تۇرماعانبەت ەردەشۇلى
كەنجەباەۆ تۇرماعانبەت ەردەشۇلى 1961 جىلى 12 اقپاندا وڭتۇستىك قازاقستان وبلىسى، سوزاق اۋدانى، قىزىلكول اۋىلىندا دۇنيەگە كەلگەن. اباي اتىنداعى قازپي-ءدىڭ فيلولوگيا فاكۋلتەتىن بىتىرگەن. «تارتۋ»، «كۇمىس بۇلاق»، «جانىمنىڭ جارىق ساۋلەسى» كىتاپتارىنىڭ اۆتورى. «باياناۋىل باسىنان...»، «اللاعا ماداق» جانە ت.ب. جىر جيناقتارىنا ولەڭدەرى كىرگەن. بىرنەشە جىر ءمۇشايرالارىنىڭ جۇلدەگەرى. قازاقستان جازۋشىلار جانە جۋرناليستەر وداعىنىڭ مۇشەسى.
قازىر «قازاقستان» ۇلتتىق ارناسىندا قىزمەت ەتەدى.
«...كىمنىڭ بولسا دا بەت قاراتاتىن
ءبىر قۇبىلاسى بار...»
باقارا سۇرەسى، 148 ايات
جارىق كۇندە اداسىپ،
تاۋعا دا ۇردىم باسىمدى!
جوق نارسەگە تالاسىپ
تاسقا دا ۇردىم باسىمدى!..
جانتالاستىم جەتسەم دەپ،
جەتە المادىم نە شارا؟
جولبيكەلەر كەس-كەستەپ
قالا بەردىم تاسادا!..
ەرەگىسىپ سوندا دا
ءتۇستىم قانشا دوداعا!..
تۇك شىقپادى، تەك قانا -
جارا قوستىم جاراما!..
ۇكىلەگەن ءۇمىتىم
تالاي، ءسۇيتىپ، تاس قاپتى...
امال قانشا، جىگىتىم -
ات شاپپادى - باق شاپتى!..
قازىنالى كومبەنى
قانشا ىزدەدىم تابام دەپ...
التىن دەپ ەم - جەز بولدى
بۇيىرماسا امال جوق!..
كەنجەباەۆ تۇرماعانبەت ەردەشۇلى
كەنجەباەۆ تۇرماعانبەت ەردەشۇلى 1961 جىلى 12 اقپاندا وڭتۇستىك قازاقستان وبلىسى، سوزاق اۋدانى، قىزىلكول اۋىلىندا دۇنيەگە كەلگەن. اباي اتىنداعى قازپي-ءدىڭ فيلولوگيا فاكۋلتەتىن بىتىرگەن. «تارتۋ»، «كۇمىس بۇلاق»، «جانىمنىڭ جارىق ساۋلەسى» كىتاپتارىنىڭ اۆتورى. «باياناۋىل باسىنان...»، «اللاعا ماداق» جانە ت.ب. جىر جيناقتارىنا ولەڭدەرى كىرگەن. بىرنەشە جىر ءمۇشايرالارىنىڭ جۇلدەگەرى. قازاقستان جازۋشىلار جانە جۋرناليستەر وداعىنىڭ مۇشەسى.
قازىر «قازاقستان» ۇلتتىق ارناسىندا قىزمەت ەتەدى.
«...كىمنىڭ بولسا دا بەت قاراتاتىن
ءبىر قۇبىلاسى بار...»
باقارا سۇرەسى، 148 ايات
جارىق كۇندە اداسىپ،
تاۋعا دا ۇردىم باسىمدى!
جوق نارسەگە تالاسىپ
تاسقا دا ۇردىم باسىمدى!..
جانتالاستىم جەتسەم دەپ،
جەتە المادىم نە شارا؟
جولبيكەلەر كەس-كەستەپ
قالا بەردىم تاسادا!..
ەرەگىسىپ سوندا دا
ءتۇستىم قانشا دوداعا!..
تۇك شىقپادى، تەك قانا -
جارا قوستىم جاراما!..
ۇكىلەگەن ءۇمىتىم
تالاي، ءسۇيتىپ، تاس قاپتى...
امال قانشا، جىگىتىم -
ات شاپپادى - باق شاپتى!..
قازىنالى كومبەنى
قانشا ىزدەدىم تابام دەپ...
التىن دەپ ەم - جەز بولدى
بۇيىرماسا امال جوق!..
و، ءتاڭىرىم - جاراتقان!..
نەدەن سونشا تارىلدىڭ؟
قايدا مەنىڭ سىباعام -
قايدا كورەر جارىعىم؟!
ساراي بىتكەن تارس جابىق،
قالمادى ەشبىر امالىم.
كۇدەر ۇزەر قوشتاسىپ -
سايتان ەمەس اداممىن!..
و، جاراتقان - ءتاڭىرىم!..
مەن دە سەنىڭ قۇلىڭمىن...
...قۇبىلانى بەتكە الىپ -
كوكبورىدەي ۇلىيمىن!..
«... عاسىر اتىمەن انت ەتەمىن!..»
عاسىر سۇرەسى، 1 ايات.
* * *
...وكىنىشتى!
مىناۋ دۇلەي عاسىردىڭ بەتى كۇشتى.
ادىلدىكتىڭ كىسەندەپ اياق-قولىن
توبەسىنە كوتەرگەن وتىرىكتى!..
وكىنىشتى!..
جەركەنىشتى...
تانىمايتىن توپاستار وڭ-تەرىستى،
تالاپايعا ءتۇسىرىپ، توز-توز ەتىپ
تۇگەسۋگە اينالدى جەر - كەنىشتى
...جەركەنىشتى!
جاراتقان-اي!..
جالماۋىزعا كۇنىمدى قاراتقان-اي!..
بارىڭدى العان، بويداعى ءنارىڭدى العان
باسقا شىقتى قانسورعىش بالاقتاعى-اي!..
...جاراتقان-اي!
كىم كىنالى؟!.
...ءتۇن وتكەن سوڭ كۇمانسىز كۇن شىعارى!
سەرگەلدەڭگە سالعاندار سەندەردىڭ دە -
باستارىڭا تۋادى بۇل كۇن ءالى!..
...كىم كىنالى؟!
«...اللا شەكتەن شىققانداردى ۇناتپايدى...»
باقارا سۇرەسى، 190 ايات.
* * *
...كوز جاسىنا قاراماي توككەن جاس پەن كارىنىڭ،
جانتالاسقان، قۇداي-اي، بۇل نە تىرلىك ءتاڭىرىم؟!.
بارار جەرى بىرەۋ-اق اسىققانمەن ءبارىنىڭ،
جەتە الماستى قۋالاپ قاجەتى نە، جارىعىم؟!.
سۇرىنگەندى قۇلاتىپ، قۇلاعاندى ۇراتىن،
جازىقسىزدى جىلاتىپ تاپقان كىم بار مۇراتىن؟..
جەلىككەننىڭ ءبارىنىڭ شىڭى بىرەۋ شىعاتىن -
جىن قۋعانداي جانىعىپ كەرەگى نە، قۋاتىم؟!.
قۇتىرعان اش قاسقىرداي تالاعان ءوز بالاسىن.
تويىمسىزدىڭ تۇبىندە بەرەر قۇداي جازاسىن!..
جۇمىر باستى پەندەنىڭ تۇراعى ءبىر باراتىن
وعان سونشا قۇمارتىپ نە قىلاسىڭ، قاناتىم؟!.
