جانات Əسكەربەكقىزى، اقىن. ايعا ۇشۋدى ارماندايمىن
Abai.kz اقپاراتتىق پورتالىنىڭ "پۋرۋست ساۋالناماسى" ايدارىنىڭ بۇگىنگى قوناعى - اقىن جانات Əسكەربەكقىزى.
- ءسىزدىڭ ويىڭىزشا، ەڭ قاتەرلى جاعداي دەگەنىمىز نە؟
- ەشقانداي مۇمكىندىك قالماعان جاعداي.
- ءسىزدىڭ قاي جەردە ءومىر سۇرگىڭىز كەلەدى؟
- تابيعاتتا، اسىرەسە، تاۋلى جەردە.
- ءسىز ءۇشىن ەڭ ءمىنسىز باقىت دەگەن نە؟
- باقىت دەگەن ۇعىمنىڭ ءوزى ءمىنسىز. ءار ادام نەنى ەڭ باستى باقىتىم دەسە، سول ءمىنسىز بولار.
- ءسىز قانداي قاتەلىكتەردى كەشىرىم ەتۋگە لايىقتى دەپ ەسەپتەيسىز؟
- قاتەلەسپەيتىن ادام جوق. ءبارى كەشىرىمدى.
- ءسىزدىڭ ەڭ سۇيىكتى ادەبي كەيىپكەرلەرىڭىز؟
- قىزىر ع.س.، قورقىت اتا، كورول ارتۋر، اۋليەلەر.
- ءسىزدىڭ ەڭ سۇيىكتى تاريحي كەيىپكەرىڭىز؟
- اسان قايعى، سالقام جاڭگىر.
- ءسىزدىڭ شىنايى ومىردەگى ەڭ سۇيىكتى كەيىپكەرىڭىز؟
- انام جانە ناعاشى اپام.
- ءسىزدىڭ ەڭ سۇيىكتى سۋرەتشىڭىز؟
- لەونار دو ۆينچي.
- ءسىزدىڭ ەڭ سۇيىكتى مۋزىكانتىڭىز؟
- بەتحوۆەن.
- ءسىز ەر ادامنىڭ بويىنداعى قانداي قاسيەتىن جوعارى باعالايسىز؟
- سوزىندە تۇرۋ.
- ءسىز ايەل زاتىننىڭ بويىنداعى قاي قاسيەتتەردى جوعارى باعالايسىز؟
- مەيىرىمدىلىك.
- ادام بويىنداعى ىزگى قاسيەتتەردىڭ قايسىسى ءسىز ءۇشىن تارتىمدى؟
- ادالدىق.
- ءسىزدىڭ مىنەزىڭىزدىڭ باستى ەرەكشەلىگى قانداي؟
- قىزبالىق.
- ءسىزدىڭ ەڭ سۇيىكتى ەرمەگىڭىز؟
- كىتاپ.
- تانىمال ادامداردىڭ ىشىندە ءوزىڭىزدىڭ كىم بولعىڭىزدى قالار ەدىڭىز؟
- شىعارماشىلىق ادامى.
- دوستارىڭىزدىڭ قانداي قاسيەتىن جوعارى باعالايسىز؟
- ادالدىق، قايىرىمدىلىق.
- ءسىزدىڭ ەڭ باستى كەمشىلىگىڭىز؟
- شىدامسىزدىق، اشۋلانشاقتىق
- ءسىزدىڭ باقىت تۋرالى ارمانىڭىز قانداي؟
- ويلاعان ىستەردىڭ جۇزەگە اسۋى.
- ءسىز ءۇشىن ەڭ ۇلكەن باقىتسىزدىق نە بولار ەدى؟
...
- ءسىز قانداي بولۋدى ارمانداعان ەدىڭىز؟
- ايعا ۇشۋدى ارماندايمىن.
- ءسىزدىڭ سۇيىكتى ءتۇسىڭىز؟
- اشىق، القىزىل، جاسىل، قىزىل، اق.
- ءسىز ۇناتاتىن گۇل؟
- دالا گۇلدەرى، راۋشان گۇلى.
- ءسىزدىڭ سۇيىكتى قۇسىڭىز؟
- سۇڭقار، سامۇرىق.
- ءسىزدىڭ سۇيىكتى جازۋشىلارىڭىز؟
- ت.ابدىك، ءا.كەكىلباي، ش.ايتماتوۆ، ك.پاۋستوۆسكي، وسكار ۋايلد، اكۋتاگاۆا ريۋنوسكە.
- ءسىزدىڭ سۇيىكتى اقىندارىڭىز؟
- اباي، قازاق جىراۋلارى، سايگە، ن.گۋميلەۆ، س.ەسەنين، ا.احماتوۆا، گەتە، شەللي، شيللەر، ماعجان، ءىلياس، قاسىم، سىرباي، مۇقاعالي، تولەگەن.
- سۇيىكتى كومپوزيتورىڭىز؟
- ءمادي ءباپيۇلى.
- سۇيىكتى سۋرەتشىڭىز؟
- لەونار دو ۆينچي.
- شىنايى ومىردەگى ەڭ سۇيىكتى تاريحي ايەل كەيىپكەرىڭىز؟
- توميريس
- سۇيىكتى ەسىمدەرىڭىز؟
- ءدىلشات، ايىم.
- بارىنەن دە بەتەر نە نارسەنى جەك كورەسىز؟
- ۇيلەسىمدىلىكتى.
- ءسىز جەك كورەتىن تاريحي كەيىپكەرلەر؟
...
- ءسىز قايران قالاتىن اسكەري وقيعا?
- وربۇلاق شايقاسى.
- ءسىز جوعارى باعالايتىن رەفورما؟
- ەشقانداي.
- قانداي قاسيەتتى بويىڭىزعا دارىتقىڭىز كەلەدى؟
- پاراساتتىلىقتى.
- قالاي ولگىڭىز كەلەدى؟
- ەشكىمدى اشۋلاندىرماي.
- ءدال قازىرگى كوڭىل كۇيىڭىز؟
- ورتاشا
- ءسىزدىڭ ۇرانىڭىز؟
- ەشكىمگە قيانات جاساماۋ.
ءسوز سوڭى
"اباي پورتالى" زامانداستارىمىزدى، جاس عالىمدار، جۋرناليستەر مەن قالامگەرلەردى مارسەل پرۋستتىڭ ساۋالناماسىنا جاۋاپ بەرىپ، سايتقا جىبەرۋگە شاقىرادى. ادام مەن ونىڭ كوزقاراسى وزگەرمەي تۇرمايدى. تاعى دا جىلدار وتكەننەن كەيىن ءوز جاۋاپتارىڭىزعا ءوزىڭىز تاڭ قالاتىن كەز تۋى دا ىقتيمال. امان بولساق، سول ساۋالداردى ون، جيىرما جىل وتكەن سوڭ قايتالاپ قوياتىن بولامىز.
قازىرگە دەيىن پرۋست ساۋالناماسىنا جاۋاپ بەرگەن ازاماتتار:
دايىنداعان تىلەك ىرىسبەك، باۋىرجان مايتاي
Abai.kz
