بەيسەنبى, 28 ناۋرىز 2024
ساڭلاق 3925 0 پىكىر 13 قىركۇيەك, 2018 ساعات 11:26

جانىبەك ءالىمحانۇلىنىڭ قارسىلاسى انىقتالدى

قازاقستاندىق كاسىپقوي بوكسشى جانىبەك ءالىمحانۇلىنىڭ (2-0, 1 كو) اقش تورىندە وتكىزەتىن جەكپە-جەگىندەگى قارسىلاسى انىقتالدى.

بۇل تۋرالى بوكسشىنىڭ باسپاسوز حاتشىسى بەرىك سۇلتان ءوزىنىڭ Facebook-دەگى پاراقشاسىندا مالىمدەدى.

بۇعان دەيىن وتانداسىمىزدىڭ 28 قىركۇيەك وكلەندتەگى (كاليفورنيا شتاتى، اقش) بوكس كەشىندە شارشى الاڭعا شىعاتىنىن حابارلاعان ەدىك. بۇگىن بەلگىلى بولعانىنداي، اتالعان بوكس كەشىندە جانىبەك ءالىمحانۇلى 24 جەكپە-جەك وتكىزىپ، 16-ىن جەڭگەن كولۋمبيالىق كارلوس گالۆانمەن جۇدىرىقتاساتىن بولدى. بۇل جانىبەكتىڭ بوب ارۋم باسقاراتىن Top Rank پروموۋتەرلىك كومپانياسى قاتارىنا قوسىلعاننان كەيىنگى اقش-تاعى العاشقى جەكپە-جەگى بولماق.

Berik Sultan суреті.

ەستەرىڭىزدە بولسا، جانىبەك ءالىمحانۇلى بيىل ماۋسىم ايىندا الەمگە ايگىلى پروموۋتەر بوب ارۋممەن كەلىسىمشارتقا قول قويعان بولاتىن.

اقش تورىندە ونەر كورسەتىپ جۇرگەن قازاقستاندىق كاسىپقوي بوكسشىلار از ەمەس. الايدا، جانكۇيەرلەر ءالى دە گەننادي گولوۆكيننىڭ ورنىن باساتىن بىلعارى قولعاپ شەبەرىن بايقاي العان جوق. قانات يسلامنان كۇدەر ۇزگەن كوپشىلىك جاڭا ەسىم ىزدەي باستادى. كاسىپقوي بوكستاعى جولىن جاڭا باستاپ جاتقان جاستاردى ايتپاعاندا، اۋەسقوي بوكستا ءتاپ-ءتاۋىر جەتىستىككە جەتكەن جانىبەك ءالىمحانۇلى قازاق جانكۇيەرلەرىنىڭ ءۇمىتىن اقتاۋعا ءبىر تابان جاقىن دەپ ەسەپتەيمىز.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531