ىستامبۇل. 24 ناۋرىز. قازاقپارات /يرينا دىننيكوۆا/ - تۇركىسوي حالىقارالىق ۇيىمىنىڭ شاقىرۋىمەن كەلىپ، تۇركيانىڭ ىستامبۇل، انكارا  قالالارىندا ناۋرىز مەرەكەسىنە قاتىسقان تۇركىتىلدەس ەلدەردىڭ ونەر ۇجىمدارى كەشە اقش-تى بەتكە الدى.

جىلداعى ءداستۇر بويىنشا تۇركىتىلدەس ەلدەردەن كەلگەن 170-تەن استام ونەرپاز اۋەلى ىستامبۇلعا جينالىپ، 19 ناۋرىزدا ايۋب اۋدانىنىڭ ستاديونىندا  ونەر كورسەتتى.  ءىس-شارالار 20-21 ناۋرىزدا انكارادا  كەچورەن اۋدانىندا، انكارا قالالىق تەاترىندا، گازي ۋنيۆەرسيتەتىندە  جالعاسىن تاپتى. ءبىر قۋانارلىعى، كونتسەرتتەردىڭ بارلىعى قازاقشا «ناۋرىز» انىمەن اشىلىپ، ساحنا جابىلاردا دا وسى ءاندى بۇكىل تۇركى حالىقتارىنىڭ ونەرپازدارى قازاقشا قوسىلىپ شىرقادى.  تۋىس ەلدەردەن كەلگەن ونەر توپتارىن تۇركيانىڭ مادەنيەت جانە تۋريزم ءمينيسترى ەرتوعرۋل گۇناي قابىلداپ، ىستىق ىقىلاسىن ءبىلدىردى.

ىستامبۇل. 24 ناۋرىز. قازاقپارات /يرينا دىننيكوۆا/ - تۇركىسوي حالىقارالىق ۇيىمىنىڭ شاقىرۋىمەن كەلىپ، تۇركيانىڭ ىستامبۇل، انكارا  قالالارىندا ناۋرىز مەرەكەسىنە قاتىسقان تۇركىتىلدەس ەلدەردىڭ ونەر ۇجىمدارى كەشە اقش-تى بەتكە الدى.

جىلداعى ءداستۇر بويىنشا تۇركىتىلدەس ەلدەردەن كەلگەن 170-تەن استام ونەرپاز اۋەلى ىستامبۇلعا جينالىپ، 19 ناۋرىزدا ايۋب اۋدانىنىڭ ستاديونىندا  ونەر كورسەتتى.  ءىس-شارالار 20-21 ناۋرىزدا انكارادا  كەچورەن اۋدانىندا، انكارا قالالىق تەاترىندا، گازي ۋنيۆەرسيتەتىندە  جالعاسىن تاپتى. ءبىر قۋانارلىعى، كونتسەرتتەردىڭ بارلىعى قازاقشا «ناۋرىز» انىمەن اشىلىپ، ساحنا جابىلاردا دا وسى ءاندى بۇكىل تۇركى حالىقتارىنىڭ ونەرپازدارى قازاقشا قوسىلىپ شىرقادى.  تۋىس ەلدەردەن كەلگەن ونەر توپتارىن تۇركيانىڭ مادەنيەت جانە تۋريزم ءمينيسترى ەرتوعرۋل گۇناي قابىلداپ، ىستىق ىقىلاسىن ءبىلدىردى.

تۇركيادا باستالعان شەرۋ ەندى مۇحيتتىڭ ارعى جاعىنداعى امەريكادا تويلاناتىن بولدى. شىعىس حالىقتارىنىڭ ورتاق مەيرامى - ناۋرىز مەرەكەسىن دۇنيەجۇزىلىك دەڭگەيگە شىعارۋدى، ۇلىستىڭ ۇلى كۇنىن ادامزاتتىڭ ورتاق  مەيرامىنا اينالدىرۋدى ماقسات ەتكەن تۇركىسوي ۇيىمى تاريحتا تۇڭعىش رەت بىرىككەن ۇلتتار ۇيىمىنىڭ شتاب-پاتەرىندە كوكتەم مەرەكەسىنە قاتىستى تۇركى حالىقتارىنىڭ   مادەني داستۇرلەرىن ساحنالايتىن بولادى. ءدۇبىرلى شاراعا تۇركيا، ءازىربايجان، قازاقستان، تۇرىكمەنستان، قىرعىزستان، باشقۇرتستان، التاي، تىۆا، حاكاسيا، گاگاۋز جەرى مەن قىرىمنان 130-دان استام ونەرپاز قاتىسادى.  العاشقى تەاترلاندىرىلعان كونتسەرت 24 ناۋرىز كۇنى اقش-تىڭ نيۋ-يورك قالاسىندا بىرىككەن ۇلتتار ۇيىمىنىڭ شتاب-پاتەرىندە وتكىزىلەدى. كەلەسى كۇنى گارۆارد ۋنيۆەرسيتەتىندە كونفەرەنتسيا ۇيىمداستىرىلىپ، 26 ناۋرىزدا - نيۋ-يوركتا توۋن حوللدا، 28 ناۋرىزدا - ۆاشينگتوندا لينكولن تەاترىندا كونتسەرتتەر قويىلادى.

اقش-تاعى ناۋرىز تويىنا قازاق ەلىنىڭ اتىنان «ۇلىتاۋ» توبى، «گۇلدەر» بي ءانسامبلى جانە ءبيشى انەل نۇرسەيىتوۆا قاتىسادى.