جۇما, 29 ناۋرىز 2024
3143 0 پىكىر 19 قىركۇيەك, 2018 ساعات 13:16

استانادا اراعا 45 جىل سالىپ، ەۋرازيالىق ادەبي فورۋم وتپەك

قازاقستان جازۋشىلار وداعى باسقارماسىنىڭ باستاماسىمەن قر مادەنيەت جانە سپورت مينيسترلىگىنىڭ قولداۋىمەن ەلباسىمىزدىڭ «رۋحاني جاڭعىرۋ» باعدارلاماسى اياسىندا 2018 جىلدىڭ 20-21 قىركۇيەك ارالىعىندا «قازىرگى زامانعى ءسوز ەنەرگياسى» اتتى ەۋرازيالىق ادەبي فورۋم وتەدى، - دەپ حابارلايدى اباي-اقپارات.

اتالعان فورۋم ەلورداسى –استانانىڭ 20 جىلدىعىنا ارنالادى.

بۇل شاراعا ەۋرازيا قۇرلىعىنىڭ تۇكپىر-تۇكپىرىنەن  شەت ەل قالامگەرلەرى قاتىسادى. ءدال وسىنداي اۋقىمدى فورۋم 1973 جىلدان بەرى اراعا 45 جىل سالىپ ەلوردامىز استانا قالاسىندا وتپەكشى.

20 قىركۇيەك كۇنى ساع.10.00 دە تاۋەلسىزدىك سارايىندا  فورۋمنىڭ سالتاناتتى اشىلۋ ءراسىمى مەن «زاماناۋي ەۋرازيالىق ادەبيەت» كىتاپ كورمەسى جانە «ادەبيەت جانە جاھاندىق ماسەلەلەر» مەن «ايماقتىق ادەبيەتتەردىڭ دامۋى» اتتى ەكى بولىمنەن تۇراتىن پلەنارلىق وتىرىس بولادى.

21 قىركۇيەك كۇنى ساع.10.00 مەن 13.00 ارالىعىندا «Hilton Garden Inn Astana»  قوناق ۇيىندە 4 سەكتسيا بويىنشا: «جاڭا زامان پوەزياسى: كوتەرەتىن نەگىزگى تاقىرىپتار مەن ماسەلەلەر»، «جاڭا زامان پروزاسى: كوتەرەتىن نەگىزگى تاقىرىپتار مەن ماسەلەلەر»، «دراماتۋرگيانىڭ وزەكتى ماسەلەلەرى»، «قازىرگى زامانعى اۋدارما ءىسىنىڭ حال-احۋالى» تاقىرىپتارىندا باسقوسۋلار وتەدى.

ادەبي فورۋم اياسىندا قازاقستان جازۋشىلار وداعى مەن يران جازۋشىلار قاۋىمداستىعى اراسىندا ىنتىماقتاستىق مەموراندۋمعا قول قويىلادى. سونداي-اق، قر ۇلتتىق اكادەميالى كىتاپحاناسىندا قازاقستان – رەسەي قالامگەرلەرىنىڭ كەزدەسۋى وتەدى.

بۇل فورۋم بيىلعى جىلدىڭ ينتەللەكتۋالدىق رەسۋرستاردى جيناقتايتىن جانە حالىقارالىق ىنتىماقتاستىق پەن مادەني سۇحباتتاردى دامىتۋعا ارنالعان ەڭ ءىرى ادەبي جوبا بولماق.

XXI عاسىرداعى جاھاندىق مادەنيەتتىڭ كۇن تارتىبىندەگى ماسەلەلەرى ءسوز بولاتىن فورۋمعا ەۋرازيا قۇرلىعىنىڭ تۇكپىر-تۇكپىرىنەن شەت ەل قالامگەرلەرى (ۇلىبريتانيا، گەرمانيا، قىتاي، رەسەي، تۇركيا، لاتۆيا، ۆەنگريا، پولشا، مولدوۆا، ارمەنيا، ۋكراينا،  بولگاريا، موڭعوليا، ازەربايجان جانە وزگە دە مەملەكەتتەر) قاتىسادى.

ادەبيەت تىنىسىن زەردەلەۋگە ارنالعان فورۋمدى وتكىزۋ ەلىمىزدىڭ الەمدىك ادەبي كەڭىستىكتەگى ينتەگراتسياسىنا مول سەپتىگىن تيگىزىپ، مادەني بايلانىستىڭ ورىستەۋىنە جول اشپاق.

 Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3579