ءمينيستردىڭ سوزىنشە، ەلەكتروندىق راسىمدەۋ ۆيزا الۋ مەرزىمىن بەس كۇنگە دەيىن قىسقارتادى. "جىل سوڭىنا دەيىن استانا مەن الماتى اۋەجايلارىندا 128 ەلدىڭ، ونىڭ ىشىندە ءۇندىستان، قىتاي، يران مەن پارسى شىعاناعى ەلدەرىنىڭ ازاماتتارىنا ەلەكتروندىق ۆيزا بەرۋ مەحانيزمى سىناق تۇرىندە ىسكە قوسىلادى" دەدى مۇحامەديۇلى.
ونىڭ سوزىنشە، قازىر ساياسي تۇراقتى جانە دامىعان 64 ەلدىڭ ازاماتتارى قازاقستانعا تۋريستىك جانە باسقا دا ماقساتتا ۆيزاسىز كىرە الادى. 2018 جىلدىڭ سوڭىنا دەيىن الماتى مەن استانا قالالارىنان ترانزيتپەن وتەتىن قىتاي مەن ءۇندىستان ازاماتتارىنا 72 ساعاتقا دەيىن ۆيزاسىز رەجيم ورناتىلعان.
Abai.kz
