استانا. 31 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 31 ناۋرىز، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«كەشە اقوردادا ەلباسى نۇرسۇلتان نازارباەۆ پولشا رەسپۋبليكاسىنىڭ، ءۇندىستان رەسپۋبليكاسىنىڭ، اۋعانستان يسلام رەسپۋبليكاسىنىڭ، لاتۆيا رەسپۋبليكاسىنىڭ قازاقستان­داعى توتەنشە جانە وكىلەتتى ەلشىلەرى ياتسەك كليۋچكوۆسكي، اشوك كۋمار شارما، سوحراب الي سافاري، يۋريس ماكلاكوۆستان، سونداي-اق بۇۇ دامۋ باعدارلاماسىنىڭ تۇراقتى وكىلى ستيۆەن تۋللدان سەنىم گراموتالارىن قابىلدادى»، - دەپ جازادى «ەگەمەن قازاقستان» گازەتى. گراموتالاردى قابىلداۋ ءراسى­مىندە ءسوز سويلەگەن ەلباسى: «ءبىز ءوز تاۋەلسىزدىگىمىزدىڭ جي­ىر­ماسىنشى جىلىنا اياق باس­تىق. بۇل جىلدار ءبىزدىڭ قوعا­مى­مىزعا جانە بارشا قازاق­ستان­دىقتارعا ۇلكەن وزگەرىستەر مەن تولىمدى تابىستار اكەلدى. بۇگىن ءبىز وسى زامانعى، جاڭارعان مەملەكەتتە ءومىر ءسۇرىپ جاتىرمىز»، - دەپ اتاپ كورسەتكەن.

استانا. 31 ناۋرىز. قازاقپارات - قازاق اقپارات اگەنتتىگى رەسپۋبليكالىق باسىلىمداردا 31 ناۋرىز، بەيسەنبى كۇنى شىققان وزەكتى ماتەريالدارعا شولۋدى ۇسىنادى.

***

«كەشە اقوردادا ەلباسى نۇرسۇلتان نازارباەۆ پولشا رەسپۋبليكاسىنىڭ، ءۇندىستان رەسپۋبليكاسىنىڭ، اۋعانستان يسلام رەسپۋبليكاسىنىڭ، لاتۆيا رەسپۋبليكاسىنىڭ قازاقستان­داعى توتەنشە جانە وكىلەتتى ەلشىلەرى ياتسەك كليۋچكوۆسكي، اشوك كۋمار شارما، سوحراب الي سافاري، يۋريس ماكلاكوۆستان، سونداي-اق بۇۇ دامۋ باعدارلاماسىنىڭ تۇراقتى وكىلى ستيۆەن تۋللدان سەنىم گراموتالارىن قابىلدادى»، - دەپ جازادى «ەگەمەن قازاقستان» گازەتى. گراموتالاردى قابىلداۋ ءراسى­مىندە ءسوز سويلەگەن ەلباسى: «ءبىز ءوز تاۋەلسىزدىگىمىزدىڭ جي­ىر­ماسىنشى جىلىنا اياق باس­تىق. بۇل جىلدار ءبىزدىڭ قوعا­مى­مىزعا جانە بارشا قازاق­ستان­دىقتارعا ۇلكەن وزگەرىستەر مەن تولىمدى تابىستار اكەلدى. بۇگىن ءبىز وسى زامانعى، جاڭارعان مەملەكەتتە ءومىر ءسۇرىپ جاتىرمىز»، - دەپ اتاپ كورسەتكەن.

قازاق «ءوز ءۇيىم، كەڭ سارايداي بوز ءۇيىم» دەپ بەكەر ايتپاسا كەرەك. ويتكەنى باسپانا ماسەلەسى قاي ۋاقىتتا بول­ما­سىن ۇلكەن ءرول اتقارادى. اق­پان ايىندا ۇكىمەتتە ەلدىڭ ەرتەڭى سانالاتىن جاستار مەن قاراپايىم بۇقارا قول جەتكىزە الاتىن، باعاسى ءتيىمدى ءۇي­لەر­دى سالۋعا بايلانىستى جاڭا باعدارلاما قابىل­دانعان بولاتىن. مىنە، وسىعان وراي كەشە ەلباسى نۇرسۇلتان نازارباەۆ  تۇرعىن ءۇي قۇرىلىسىن دامىتۋدىڭ 2011-2014 جىلدارعا ارنالعان جاڭا باعدارلاماسى جانە جاڭا ەرەجە بويىنشا سالىنىپ جاتقان «جاعالاۋ-3» تۇرعىن ءۇي كەشەنىندە بولدى. بۇل جايىندا «ەگەمەن قازاقستان» گازەتىنىڭ بەيسەنبىلىك سانىنداعى «قولجەتىمدى ۇيلەر كوبەيە تۇسپەك» دەگەن ماقالادان ەگجەي-تەگجەيلى بىلە الاسىزدار.

***

سوڭعى كەزدەگى الەمدىك باق حابارلارىنىڭ وزەگىنە اينالعان ەكى تاقىرىپ بولسا، ءبىرى - جاپونياداعى، ەكىنشىسى - سولتۇستىك افريكا ەلدەرىندەگى جاعداي. سولتۇستىك افريكا ەلدەرى قيىنشىلىقتى «وزدەرى قالاپ العاندار» بولسا، ال جاپونيا تابيعاتتىڭ توسىن مىنەزىمەن «كۇرەستى». وسى ورايدا «ايقىن» گازەتى تاعدىردىڭ ءدال وسى سىنى «نارىقتىق قوعامداعى ۇلت، جەكە تۇلعا قانداي بولۋى كەرەك» دەگەن سۇراققا جاۋاپ بەرگەندەي بولعاندىعىن ەسكەرىپ، جاپونداردىڭ قانداي ىستەرىنەن، قاسيەتتەرىنەن ەرەكشەلەنگەندىگى تۋراسىندا اڭگىمە وربىتكەن. نازار سالىڭىز، ماقالا «جاپون ساباعى» دەگەن تاقىرىپپەن بەرىلگەن.

ورتالىق ازيا تاقىرىبى قا­زىر قىزىعۋشىلىق تۋدىرىپ وتىر. وعان ايماقتىق گەوساياسي جانە گەوستراتەگيالىق ورنا­لاسۋى ءبىر جاعىنان، ال الەمنىڭ وزگە تارا­پىنداعى احۋال ەكىنشى جاعىنان ىقپال ەتۋدە. تاياۋ شىعىس وقي­عاسى، اراب الەمىنە تونگەن زۇلمات قازاقستانعا، جالپى ورتالىق ازيا ايماعىنىڭ الداعى دامۋىنا قالاي اسەر ەتپەك؟ ءدال وسى ساۋالعا ەلىمىزدىڭ بىرقاتار ساراپشىلارى «ايقىن» گازەتى ارقىلى ءوز پىكىرلەرىن بىلدىرگەن. ماسەلەن، ساياساتتانۋشى ءازىمباي عالي بىرقاتار باق-تا ور­تالىق ازيا مەملەكەتتەرى ءبىر­تۇتاس ينتەگراتسياعا بىرىكپەيدى دە­گەن پىكىر بەلەڭ الۋدا ەكەندىگىن ايتا كەلە: «ولار ورتالىق ازيانىڭ نەگىزگى مەملەكەتتەرى اقش پەن قىتايدىڭ ىقپالىندا كەتەدى، ال قازاقستان رەسەيدىڭ ىقپالداستىق ايماعىنا اينالادى دەپ ساۋە­گەي­لەندى. ءبىزدىڭ ويىمىزشا، بۇل پىكىر­لەر قاتە اي­تىلعان، مۇمكىن، قازىرگى كەزەڭدەگى ەكونوميكالىق-الەۋمەتتىك جاعداي­دى پايدالانىپ قالۋ ءۇشىن جورتا شىعارىلعان تەرىس كوزقاراس بولۋى مۇمكىن»، - دەيدى. ماقالا «بەستىكتىڭ» تاۋەلسىزدىك تاريحى بىرىگۋدەن باستالادى!» دەگەن تاقىرىپپەن بەرىلگەن.

***

«كەشە ۇكىمەت ۇيىندە اتوم ەنەرگياسىن بەيبىت پايدالانۋ ماقساتىنداعى قازاقستان مەن رەسەيدىڭ بىرلەسكەن كەشەندى باعدارلاماسى راسىمدەلدى»، - دەپ جازادى «الاش ايناسى» گازەتى بۇگىنگى نومىرىندەگى «قازاق دالاسىندا اەس سالىنسا، رەسەي كومەك قولىن سوزۋعا دايىن» دەگەن ماقالادا. باسىلىمنىڭ بايانداۋىنشا، باعدارلاماعا قول قويعان «روساتومپروم» مەملەكەتتىك كورپوراتسياسىنىڭ باس ديرەكتورى سەرگەي كيريەنكو بۇل قۇجاتتىڭ اتوم ەنەرگياسىن بەيبىت ماقساتقا پايدالانۋ ءۇشىن قولعا الىنعان كەشەندى باعدارلامانىڭ ەكىنشى كەزەڭى ەكەندىگىن باسا ايتقان. «وسى ۋاقىتقا دەيىن ءبىز قازاقستاندا تابيعي ۋراندى گەولوگيالىق زەرتتەۋ جانە ءوندىرۋ بويىنشا بىرقاتار كاسىپورىنداردى قۇردىق. ەندى رەسەيدە تابيعي حالىقارالىق ۋران بايىتۋ ورتالىعىن اشىپ وتىرمىز»، - دەپ اتاپ وتكەن س.كيريەنكو.

«الاش ايناسى» گازەتىنىڭ جازۋىنشا، ءماجىلىستىڭ كەشەگى سارسەنبىلىك وتىرىسىندا دەپۋتاتتار ءۇش كەلىسىمدى ماقۇلداپ، سەناتقا اتتاندىردى. بۇنىڭ ەكەۋى بىرىڭعاي ەكونوميكالىق كەڭىستىكتەگى مۇناي مەن گاز ماسەلەسىن قامتىسا، سوڭعىسى قىلمىستىق ارەكەتتەن تۇسەتىن تابىستاردى زاڭداستىرۋدىڭ جولىن كەسەتىن كونۆەنتسيا. بۇل جايىندا ەگجەي-تەگجەيلى باسىلىمنىڭ بەيسەنبىلىك نومىرىندەگى «جانارماي باعاسىنىڭ شەگى بەلگىلەنەدى» دەگەن ماقالادان بىلە الاسىزدار.

***

«كازاحستانسكايا پراۆدا» گازەتىنىڭ جازۋىنشا، كەشە مەملەكەتتىك حاتشى - سىرتقى ىستەر ءمينيسترى قانات ساۋداباەۆ قازاقستاننىڭ كەزەكتەن تىس پرەزيدەنتتىك سايلاۋىن باقىلاۋ ءجو­نىن­دەگى ەقىۇ ميسسياسىنىڭ ۇيلەستىرۋشىسى، ەقىۇ پارلامەنتتىك اسسامبلەياسىنىڭ بايقاۋشىلار دەلەگاتسياسىنىڭ جەتەكشىسى تونينو پيتسۋلامەن كەزدەستى. كەزدەسۋدە ق.ساۋداباەۆ ەقىۇ پا مۇشە مەملەكەتتەردىڭ ارا­سىن­داعى قارقىندى دامىپ كەلە جاتقان ءوزارا تۇسىنىستىك پەن ىن­تىماقتاستىقتى ايتا كەلىپ، ءوت­كەن جىلعى ەقىۇ-داعى توراعا­لى­عى كەزىندە ەلىمىزدىڭ باستا­ما­لا­رىنا بارىنشا قولداۋ كور­سەت­كەنى ءۇشىن جانە ەكى جاقتى مۇددەلى بايلانىس ورناتۋعا ءجار­دەم­دەسكەنى ءۇشىن العىسىن ءبىلدىردى.