عىلىمي-تەحنيكالىق پروگرەستىڭ الەمدىك ترەندتەرى ەلىمىزدىڭ قارجىلىق، الەۋمەتتىك-ەكونوميكالىق جانە رۋحاني دامۋىنا كوپتەگەن مىندەتتەردى جاڭاشا قويادى.
جولداۋدا «مۇعالىم مارتەبەسى تۋرالى» زاڭدى ازىرلەۋ جانە قابىلداۋ قاجەتتىگى تۋرالى ايتىلعان.
بۇل ۋاقىتىلى ايتىلعان جانە وتە ماڭىزدى اسپەكت.
ۇستازدىڭ بەدەلى مەن مارتەبەسىن ارتتىرۋ جۇمىستارى بۇرىننان قولعا الىنۋى ءتيىس بولاتىن!
ەگەر دە ءبىز ەلىمىزدىڭ تۇراقتى دامۋىن قالاساق، ءبىرىنشى كەزەكتە ۇستازداردىڭ كاسىبي دەڭگەيىنە، الەۋمەتتىك سيپاتىنا، ءال-اۋقاتىنا نازار اۋدارىمىز ءتيىس.
سانا-سەزىمى، رۋحاني الەمى جوعارى جانە فيزيكالىق جانە پسيحيكالىق دەنساۋلىعى قالىپتاسقان ادام عانا جاس بۋىندى الەۋمەتتەندىرۋمەن اينالىسا الادى.
ەلباسى ەلىمىزدىڭ رۋحاني جاڭعىرۋ ۇردىسىندە ۇستازداردىڭ باستى ءرولىن جانە مۇعالىمدەردىڭ ۇلت كەلەشەگىن تاربيەلەۋدەگى ورنىن ناقتى تۇسىنەدى.
الەۋمەتتىك تۇراقتى دامۋ دۇنيەجۇزىلىك وندىرىستىك كلاستەرلەر قاتارىنا قوسىلۋ دارەجەسىنە بايلانىستى.
يننوۆاتسيالىق جانە سەرۆيستىك سەكتورلاردىڭ دامۋىنا ەرەكشە نازار اۋدارىلادى. بارىنەن بۇرىن، بالاما ەنەرگەتيكا، جاڭا ماتەريالدار، بيومەديتسينا، زاتتار عالامتورى، جاساندى ينتەللەكت، بلوكچەين سىندى «بولاشاق ەكونوميكاسىنىڭ» باعىتتارىنىڭ دامۋىن قامتاماسىز ەتۋ قاجەت.
الەمدە قالىپتاسقان مەملەكەتتىڭ ورنى مەن ءرولى وسىلارعا تىعىز بايلانىستى.
ءسوز سوڭىندا مەملەكەت باسشىسىنىڭ قازاقستان حالقىنا جولداۋى ەلىمىزدىڭ جاسامپاز بولاشاق جولىنا دايىن ەكەندىگىنىڭ ايقىن دالەلى بولارى حاق.

ەرلان سايىروۆتىڭ facebook پاراقشاسىنان

Abai.kz