سارسەنبى, 11 جەلتوقسان 2019
914 0 پىكىر 29 قازان, 2018 ساعات 11:15

تاجىكستاندا ءىىم بۇرىنعى ءبولىم باستىعى 28 جىلعا سوتتالدى

تاجىكستاننىڭ جوعارى سوتى ىشكى ىستەر مينيسترلىگىنىڭ زاڭسىز ەسىرتكى اينالىمىمەن كۇرەس ءبولىمىنىڭ بۇرىنعى باستىعى فايزۋللو گادوەۆتى 28 جىلعا سوتتادى.

ازاتتىقتىڭ تاجىك قىزمەتىنىڭ حابارلاۋىنشا، سوت ۇكىمى 15 قازاندا شىققان. گادوەۆقا “زاڭسىز ەسىرتكى اينالىمىنا قاتىسى بار”، ء"ىرى كولەمدە پارا الدى", "قىزمەتتىك وكىلەتىن اسىرا پايدالاندى" جانە تاعى ەكى باپ بويىنشا ايىپ تاعىلعان.

تاجىكستاننىڭ جوعارى سوتى ەكس-شەنەۋنىكتىڭ مۇلكىن تاركىلەپ، مەملەكەتكە بەرۋ تۋرالى شەشىم شىعارعان. ول مەملەكەتتىك ناگرادالارىنان دا ايىرىلعان.

گەنەرال-مايور فايزۋللو گادوەۆ بەس جىلدان استام ۋاقىت بويى ىشكى ىستەر مينيسترلىگىندەگى زاڭسىز ەسىرتكى اينالىمىمەن كۇرەس ءبولىمىن باسقارعان. 2007 جىلى باسقا قىزمەتكە اۋىسۋىنا بايلانىستى ءبولىم جەتەكشىسى قىزمەتىنەن كەتكەن. ىشكى ىستەر مينيسترلىگىندە 1982 جىلدان بەرى قىزمەت ەتكەن.

Abai.kz

 

0 پىكىر