الماتى قالاسىنىڭ اكىمى باۋىرجان بايبەك اقش-تىڭ باس كونسۋلى ەريك مايەرمەن كەزدەستى. كەزدەسۋ كەزىندە تاراپتار ساۋدا-ەكونوميكالىق، ينۆەستيتسيالىق، مادەني-گۋمانيتارلىق ىنتىماقتاستىقتىڭ كەڭ سپەكترلى ماسەلەلەرىن تالقىلادى.

كەزدەسۋ بارىسىندا اقش-تىڭ باس كونسۋلى قازاقستاننىڭ ىسكەرلىك، مادەني، ءبىلىم جانە عىلىم ورتالىعى بولىپ تابىلاتىن الماتىنىڭ ەكى جاقتى بايلانىس ءۇشىن ماڭىزدى ەكەنىن اتاپ ءوتتى.

«الماتى – امەريكا كونسۋل­دىعى جانە قازاقستاندا بيزنەس اشۋعا ىنتالى اقش كومپا­نيا­لارى جۇگىنەتىن امەريكا ساۋدا پالاتاسى ورنالاسقان ورتا ازيا­داعى جالعىز قالا. مەن مۇندا 2004 جانە 2008 جىلدارى بولعان ەدىم. قالا سونداي تارتىمدى، قايتا اينالىپ كەلە بەرگىڭ كەلەدى، وسى جەردە جۇمىس ىستەۋگە ءمۇم­كىندىك تۋعانىنا قۋانىشتىمىن. مەن الماتىدا ۇلكەن وڭ وزگە­رىستەردىڭ بولعانىن كوردىم، جاياۋ جۇرگىنشىلەر ءۇشىن جاقسى ينفرا­قۇرىلىم جاسالىپتى، قوعامدىق كەڭىستىك بارىنشا اشىلا تۇسكەن»، – دەدى ەريك مايەر.

ايتا كەتەرلىگى، الماتىدا قازىرگى كەزدە تەلەكوممۋنيكاتسيا، قارجى، ساۋدا جانە باسقا سالا­لاردا امەريكاندىق كاپيتالمەن 168 كومپانيا جۇمىس ىستەيدى. الماتى مەن اقش اراسىنداعى تاۋار اينالىمى وتكەن جىلى 400 ميلليوننان استام دوللاردى قۇرادى.

Abai.kz