سارسەنبى, 12 تامىز 2020
COVID-19 قازاقستاندا. جۇقتىرعاندار — 100164. جازىلعاندار — 73702. قايتىس بولعاندار — 1269
ساڭلاق 1709 10 پىكىر 30 قازان, 2018 ساعات 11:14

يليا يلين ۇلكەن سپورتتان كەتۋى مۇمكىن

قازاقستاندىق اتاقتى اۋىر اتلەت يليا يلين جاراقاتىنا بايلانىستى ۇلكەن سپورتتاعى مانسابىن اياقتاۋى مۇمكىن.

دوپينگ داۋىنا بايلانىستى ۇزاق ۋاقىت جارىستاردان شەتتەتىلگەن يليا بيىل ماۋسىم ايىنان باستاپ جاتتىعۋعا قايتا ورالعان. ءارى قىركۇيەك ايىنىڭ باسىندا تالدىقورعاندا وتكەن قازاقستان چەمپيوناتىندا توپ جاردى.

ءوزىنىڭ بۇرىنعى اتاقتارىن قايتارىپ الۋعا بىلەك سىبانا كىرىسكەن اتلەت وسىدان كەيىن اشحابادتا وتەتىن الەم چەمپيوناتىنا قاتىسۋدى كوزدەگەن. الايدا الەم بىرىنشىلىگى جاقىنداعان تۇستا يليانىڭ اشحابادتاعى الەمدىك دوداعا باپكەردىڭ كومەكشىسى رەتىندە باراتىنى بەلگىلى بولدى.

بۇعان جەڭىلىپ كورمەگەن اۋىر اتلەتتىڭ ومىرتقاسىنداعى جاراقاتى سەبەپ بولىپ وتىر. بۇل جاراقات 2016 جىلى پايدا بولعان. 8 اي بۇرىن دارىگەرلەر ومىرتقا اراسىنداعى جارىقتاردى بايقاعان ەكەن.

يليانىڭ ءوزى ەگەر دارىگەرلەر رۇقسات بەرسە 2019 جىلعى ازيا چەمپيوناتىندا باق سىناعىسى كەلەتىنىن ايتىپ ءجۇر. ەگەر رۇقسات بەرىلمەسە، سپورتتاعى مانسابىن ءبىرجولا اياقتايتىن بولادى.

Abai.kz

10 پىكىر