دجوزەف تسيگلەر بىرنەشە باعدارلامالىق شەشىمدەردى دايىنداۋشى، DoubleClick Dart ازىرلەۋگە قاتىسقان. ول قازاقستاندا Astana Hub اياسىندا ستارتاپ-جوبالار سالاسىندا اكادەميالىق جۇمىستى دامىتۋعا نيەت بىلدىرۋدە.
«مەن مۇندا قازاقستان ەكوجۇيەسىن قۇرۋعا كومەكتەسۋ ءۇشىن كەلدىم. ءبىز وسىندا ەكوجۇيەنى قۇرۋعا جاردەمدەسەتىن، تاجىريبەسى بار تالانتتى شەتەلدىك مامانداردى تارتۋدان باستايمىز. ءبىز كوپ نارسە ىستەۋىمىز كەرەك: ۆەنچۋرلىق كاپيتال جۇيەسىن قۇرىپ، تەحنولوگيالاردى دامىتىپ، پايدالى ءارى قىزىقتى مانساپقا جەتۋ ءۇشىن جاستاردى تارتۋ كەرەك. ءىس جۇزىندە، ءبىز بۇكىل ەكونوميكانى ىلگەرى جىلجىتىپ، ونى يدەيالار مەن كاسىپكەرلەرگە نەگىزدەلەتىن ەتىپ جاساۋدى قالايمىز. بۇل جەردە مەن وسىمەن اينالىسامىن جانە جۇمىسىمدى ۇلكەن ىقىلاسپەن ورىندايمىن»، — دەدى دجوزەف تسيگلەر.
ساراپشى قازاقستاندا يننوۆاتسيالاردى دامىتۋ بويىنشا ءوز كوزقاراسىمەن ءبولىستى.
«ادامدار كرەمني القابىن قايتالاعىسى كەلەدى. دەگەنمەن، ءبىز ونى كوشىرمەيمىز. قازاقستاندا بار ارتىقشىلىقتار نەگىزىندە ءوزىمىزدىڭ دەربەس نۇسقامىزدى قۇرۋدى كوزدەيمىز. كرەمني القابى وتە ەرتەدە دامىدى، قورعاۋ جۇيەلەرىنەن بۇل مۇلدەم باسقا جۇيە. ءبىز وسىندا وزىمىزدە بار ارتىقشىلىقتاردى پايدالانا وتىرىپ، بىرەگەي، قازاقستاندىق يننوۆاتسيالىق جۇيەنى دامىتامىز. ماسەلەن، بىزدە قور بيرجاسى، جاس ءبىلىمدى ۇرپاق، رەسۋرستار سالاسىندا كوپتەگەن يننوۆاتسيالار بار، سوندىقتان دا بۇل قازاقستاننىڭ كرەمني القابى بولادى»، — دەپ ناقتىلادى دجوزەف تسيگلەر.
سونداي-اق، ول حالىقارالىق اۋقىمدا وسىعان ۇقساس فورۋمداردى وتكىزۋدىڭ قاجەتتىگىن اتاپ ءوتتى.
«بۇل فورۋم ەكى ماسەلەنى شەشەدى. ءبىرىنشىسى، ول ءبىر-بىرىمەن جانە اۋديتوريامەن پىكىر الماساتىن ساراپشىلاردى تارتادى. ەكىنشىسى، مەن ءۇشىن بۇل – الداعى ۋاقىتتا بىرگە جۇمىس ىستەۋگە بولاتىن ادامدارمەن بايلانىس ورناتۋ. مىسالى، ءبىز Startup Genome Ranking وكىلدەرىمەن بايلانىس ورناتتىق. ولار بىزگە قازاقستاندىق ەكوجۇيەنى جەتىلدىرۋگە جانە سول ارقىلى ولاردىڭ رەيتينگىندەگى ءبىزدىڭ پوزيتسيامىزدى كوتەرۋگە كومەكتەسەدى، تۇرلى ەكوجۇيەلەر رەيتينگتەرىن قۇراستىرادى. سونداي-اق، ءبىز سالىق مەكتەپتەرىمەن جانە باسقا دا كومپانيالارمەن سويلەستىك، نارىقتاردى كەڭەيتۋ بويىنشا فورۋم وتكىزە الامىز. سوندىقتان دا مەن وسىنداي مۇمكىندىكتەردىڭ بولعانىنا وتە قۋانىشتىمىن»، — دەپ تۇيىندەدى دجوزەف تسيگلەر.
Abai.kz
