سەيسەنبى, 19 قازان 2021
ساڭلاق 2649 0 پىكىر 14 قاراشا, 2018 ساعات 15:30

دانيار ەلەۋسىنوۆتىڭ كەلەسى قارسىلاسى بەلگىلى بولدى

قازاقستاندىق بوكسشى دانيار ەلەۋسىنوۆتىڭ (4-0, 2 كو) كاسىپقوي بوكستاعى بەسىنشى قارسىلاسى انىقتالدى.  

Matchroom Boxing پروموۋتەرلىك كومپانياسىنىڭ Twitter جەلىسىندە حابارلاۋىنشا، دانيار 24 قاراشادا مونتە-كارلودا (موناكو) جەكپە-جەك وتكىزبەك. قارسىلاسى - نيكاراگۋالىق ماركوس موحيكا  (16-2-2, 12 كو).

اۋەسقوي بوكستا تولاعاي تابىسقا جەتىپ، وليمپيدا چەمپيونى (2016 جىل) اتانعان دانيار ەلەۋسىنوۆ بيىلدان باستاپ كاسىپقوي بوكستا باعىن سىناپ ءجۇر. العاشقى جەكپە-جەگىن اقپان ايىندا، ەكىنشى، ءۇشىنشى كەزدەسۋىن ماۋسىم جانە تامىز ايلارىندا وتكىزىپ، بارىندە جەڭىسكە جەتتى. العاشقى جەكپە-جەگى اقش ەلىندە، سوڭعى ەكەۋى ۇلىبريتانيا جەرىندە ءوتتى.

ال 20 قازان كۇنى بوستونداعى (اقش) TD Garden ارەناسىندا وتكەن ءتورتىنشى كەزدەسۋىندە امەريكالىق بوكسشى مەتت دوەرتيدى (8-6-1, 4 كو) بىرىنشى راۋندتا-اق تەحنيكالىق نوكاۋتپەن جەڭگەن بولاتىن.

 

Abai.kz

0 پىكىر