سەيسەنبى, 23 شىلدە 2024
3103 0 پىكىر 29 قاراشا, 2018 ساعات 10:19

استانا ۇكىمەتتىك ەمەس ۇيىمداردىڭ بىرىڭعاي ەلەكتروندى تىزبەسىن جاساماق

قازاقستان پرەزيدەنتى نۇرسۇلتان نازارباەۆ ۇكىمەتتىك ەمەس ۇيىمداردى (ۇەۇ) قارجىلاندىرۋ ءراسىمى اشىق ءارى تۇسىنىكتى بولۋ كەرەك دەپ، ۇكىمەتكە ۇەۇ-نى انىقتاۋدىڭ بىرىڭعاي ەلەكتروندى ءتىزىلىمىن قۇرۋدى تاپسىردى.

استانادا وتكەن كەزەكتى ازاماتتىق فورۋمدا پرەزيدەنت نازارباەۆ ۇەۇ-دى قارجىلاندىرۋ ءۇشىن، ولاردىڭ رەيتينگىسى جاساقتالۋ جوسپارلانىپ جاتىر دەپ مالىمدەدى. نازارباەۆتىڭ سوزىنشە، بۇگىنگى كۇنى مەملەكەتتىك الەۋمەتتىك تاپسىرىستى قارجىلاندىرۋ 20 ملرد تەڭگەدەن اسادى.

2015 جىلدىڭ سوڭىندا قازاقستاندا كوممەرتسيالىق ەمەس ۇيىمدارعا جىل سايىن ءتيىستى ورگاندارعا ەسەپ بەرۋ ءتارتىبى ەنگىزىلگەن. بيلىك ءوزى تۋرالى تولىق مالىمەت بەرمەگەن ۇەۇ مەملەكەت تاراپىنان گرانتتار بايقاۋىنا قاتىسا المايدى دەپ شەشكەن. بيىل جازدا ءتيىستى زاڭعا ۇكىمەتتىك ەمەس ۇيىمدارعا جىل سايىن وتكىزەتىن ەسەپ بەرۋ قۇجاتتارىنىڭ سانىن قىسقارتۋ جونىندە وزگەرىستەر ەنگىزىلگەن. رەسمي مالىمەت بويىنشا، 2016 جىلى "ۇەۇ تۋرالى مالىمەتتەرگە" 16 مىڭ كوممەرتسيالىق ەمەس ۇيىم ەنبەي قالعان.

ۇكىمەتتىك ەمەس ۇيىم وكىلدەرى مەن مەملەكەتتىك ورگاندار اراسىندا ديالوگتى دامىتۋ ماقساتىندا قۇرىلعان ازاماتتىق فورۋم استانادا جىلىنا ەكى رەت ءوتىپ تۇرادى.

ۇيىمداستىرۋشىلاردىڭ ايتۋى بويىنشا، فورۋم اياسىندا 2019-2025 جىلدارعا ارنالعان ازاماتتىق قوعامدى دامىتۋ تۇجىرىمداماسىنىڭ جوباسى قابىلدانباق.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1376
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2167
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2195