ءباسپاسوز رەليزءى

استانا ق.                                                                                                                   22.04.11

ءباسپاسوز رەليزءى

استانا ق.                                                                                                                   22.04.11

قازاقستان مەن ەستون ەلدەرى  اراسىندا مۇراعات ءىسى  سالاسىنداعى ىنتىماقتاستىق كەلىسىمىنە  قول قويىلدى.

قازاقستان رەسپۋبليكاسىنىڭ بايلانىس جانە اقپارات ءمينيسترى اسقار جۇماعاليەۆ مەملەكەت باسشىسى نۇرسۇلتان نازارباەۆتىڭ تاللينگە مەملەكەتتىك ساپارى اياسىندا ۇلتتىق مۇراعات باسشىسى، مەملەكەتتىك مۇراعاتشى پريت پيرسكومەن كەزدەستى. كەزدەسۋ بارىسىندا قر بايلانىس جانە اقپارات مينيسترلىگى مەن  ەستون  ۇلتتىق  مۇراعاتى اراسىندا  مۇراعات ءىسى  سالاسىنداعى ىنتىماقتاستىق كەلىسىمىنە  قول قويىلدى.

تاراپتار اتالعان قۇجات  مۇراعات ءىسى سالاسىندا ەكى جاقتى ىنتىماقتاستىقتى  كەڭىنەن دامىتا تۇسۋگە  جول اشپاق دەپ اتاپ ءوتتى.

كەلىسىم مۇراعات قۇجاتتارىمەن تانىسۋدى  جانە ونى پايدالانۋدى،  مۇراعات ءىسى تۋرالى ادەبيەتتەرمەن ءبولىسۋدى، ارحەوگرافيا  مەن قۇجاتتاردى جۇرگىزۋ جانە قازاقستان مەن ەستون ەلدەرىنىڭ ءوزارا قىزىعۋشىلىعىن تۋدىراتىن  ماقالالارمەن ءبولىسۋدى كوزدەيدى.

ەكى ەلدىڭ  ۆەدومستۆو باسشىلارى قازاقستان مەن ەستونيانىڭ  مەملەكەتتىك  مۇراعاتتارىندا  ساقتاۋلى  تۇرعان قۇجاتتىق  مۇرالارمەن  تانىسۋدا بىرىگىپ جۇمىس ىستەۋ تۋرالى ورتاق شەشىمگە كەلدى. وسىلايشا، مۇراعات قورىنا، عىلىمي-انىقتامالىق اپپاراتقا، ۇلتتىق زاڭناماعا سايكەس جاريالانعان نەمەسە جاريالانباعان ماتەريالدارعا ەكى جاقتى قول جەتكىزۋ مۇمكىندىگىنە يە بولامىز.

«اتالعان  كەلىسىم  ۇلتتىق مۇراعات قورلارىمىزدى  قازاقستان جانە ەستون ەلدەرىنىڭ  تاريحى مەن مادەنيەتىنە قاتىستى قۇندى قۇجاتتارمەن تولىقتىرا تۇسەتىن بولادى.»- دەپ اتاپ ءوتتى اسقار جۇماعاليەۆ كەزدەسۋدەن كەيىن ءوزىنىڭ Twitter-دەگى جەكە شاعىن بلوگىندا.

قر بام ءباسپاسوز قىزمەتى

7172-741004

mci.gov@gmail.com

www.mci.gov.kz