استانا. 26 ءساۋىر. قازاقپارات /گۇلميرا الياكپاروۆا/ - باتىس قازاقستان وبلىسىندا كوكتەمگى سۋ تاسقىنىنىڭ زارداپتارىن جويۋ جۇمىستارى جالعاستىرىلۋدا، جالپى جاعداي تۇراقتالدى.

بۇل تۋرالى قر تجم-نان حابارلادى.

25 ءساۋىر كۇنگى ساعات 21.00-دەگى جاعداي بويىنشا، ورال قالاسىنداعى گيدرولوگيالىق بەكەتتە جايىق وزەنىنىڭ دەڭگەيى 607 سانتيمەتردى قۇراپ وتىر، ءبىر تاۋلىكتە ول 6 سانتيمەترگە ازايدى; چۋۆاشينسكوە اۋىلىنداعى گيدرولوگيالىق بەكەتتە شاعان وزەنىنىڭ دەڭگەيى 643 سانتيمەتر بولدى، تاۋلىك ىشىندە ول 35 سانتيمەترگە تومەندەدى; قايىڭدى كەنتىندەگى گيدرولوگيالىق بەكەتتە ۇلكەن وزەن وزەنى ءبىر تاۋلىكتە 14 سانتيمەترگە ازايىپ، قازىر ونىڭ دەڭگەيى 522 سانتيمەتردى قۇراپ وتىر.

بايلانىس، ەنەرگيا جانە گازبەن قامتۋ جۇيەلەرىن اپاتتى-قايتا قالپىنا كەلتىرۋ جۇمىستارى جالعاستىرىلۋدا.

كومەككە ءزارۋ بارلىق 1109 ادام 5 ەۆاكۋاتسيالىق بەكەتكە ورنالاستىرىلىپ، ءبىرىنشى قاجەتتىلىكتەگى زاتتارمەن قامتاماسىز ەتىلۋدە.

اۋداندىق اكىمدىكتەر جانىندا سۋ تاسقىنىنان كەلگەن شىعىنداردى ەسەپتەۋ بويىنشا كوميسسيالار جۇمىس ىستەپ جاتىر.

وسى كۇنى «مەمماترەزەرۆ» جانە باسقا دا قۇرىلىمدار بقو مەن ورال قالاسىندا تاسقىندى سۋلاردان زارداپ شەككەندەرگە ازىق-تۇلىك، ديزەلدى وتىن، كورپەلەر، ءبىرىنشى قاجەتتىلىكتەگى زاتتار تۇرىندەگى گۋمانيتارلىق كومەكتى تاراتىپ بەردى.

استانا. 26 ءساۋىر. قازاقپارات /گۇلميرا الياكپاروۆا/ - باتىس قازاقستان وبلىسىندا كوكتەمگى سۋ تاسقىنىنىڭ زارداپتارىن جويۋ جۇمىستارى جالعاستىرىلۋدا، جالپى جاعداي تۇراقتالدى.

بۇل تۋرالى قر تجم-نان حابارلادى.

25 ءساۋىر كۇنگى ساعات 21.00-دەگى جاعداي بويىنشا، ورال قالاسىنداعى گيدرولوگيالىق بەكەتتە جايىق وزەنىنىڭ دەڭگەيى 607 سانتيمەتردى قۇراپ وتىر، ءبىر تاۋلىكتە ول 6 سانتيمەترگە ازايدى; چۋۆاشينسكوە اۋىلىنداعى گيدرولوگيالىق بەكەتتە شاعان وزەنىنىڭ دەڭگەيى 643 سانتيمەتر بولدى، تاۋلىك ىشىندە ول 35 سانتيمەترگە تومەندەدى; قايىڭدى كەنتىندەگى گيدرولوگيالىق بەكەتتە ۇلكەن وزەن وزەنى ءبىر تاۋلىكتە 14 سانتيمەترگە ازايىپ، قازىر ونىڭ دەڭگەيى 522 سانتيمەتردى قۇراپ وتىر.

بايلانىس، ەنەرگيا جانە گازبەن قامتۋ جۇيەلەرىن اپاتتى-قايتا قالپىنا كەلتىرۋ جۇمىستارى جالعاستىرىلۋدا.

كومەككە ءزارۋ بارلىق 1109 ادام 5 ەۆاكۋاتسيالىق بەكەتكە ورنالاستىرىلىپ، ءبىرىنشى قاجەتتىلىكتەگى زاتتارمەن قامتاماسىز ەتىلۋدە.

اۋداندىق اكىمدىكتەر جانىندا سۋ تاسقىنىنان كەلگەن شىعىنداردى ەسەپتەۋ بويىنشا كوميسسيالار جۇمىس ىستەپ جاتىر.

وسى كۇنى «مەمماترەزەرۆ» جانە باسقا دا قۇرىلىمدار بقو مەن ورال قالاسىندا تاسقىندى سۋلاردان زارداپ شەككەندەرگە ازىق-تۇلىك، ديزەلدى وتىن، كورپەلەر، ءبىرىنشى قاجەتتىلىكتەگى زاتتار تۇرىندەگى گۋمانيتارلىق كومەكتى تاراتىپ بەردى.

ال استانا قالاسىنان جەتكەن گۋمانيتارلىق كومەك ۆەدومستۆودان حابارلاعانداي،  بقو-نىڭ زەلەنوۆ اۋدانىنا، اقتوبە قالاسىنىڭ جاردەمى تاسقالا اۋدانىنا ۇلەستىرىلدى.

قازىرگى ۋاقىتتا وڭىردە توتەنشە جاعدايدى جويۋمەن بارلىعى 246 ادام، 63 تەحنيكا، 18 قايىق پەن 1 تىكۇشاق اينالىسۋدا.