بۇل تۋرالى VIII ازاماتتىق فورۋمدا قازاقستان رەسپۋبليكاسى دەنساۋلىق ساقتاۋ ءمينيسترى ەلجان ءبىرتانوۆ «قازاقستان رەسپۋبليكاسى دەنساۋلىق ساقتاۋ مينيسترلىگى مەن ۇەۇ حالىقتىڭ دەنساۋلىعىن ساقتاۋ ماسەلەلەرى بويىنشا ءوزارا ءىس-قيمىلى» تاقىرىبىندا ءسوز سويلەۋ كەزىندە مالىمدەدى.

مينيستر ۇەۇ بارلىق وكىلدەرىن ەلىمىزدىڭ ازاماتتارىنىڭ دەنساۋلىعىن نىعايتۋعا بەلسەندى قاتىسقانى ءۇشىن جەكە ريزاشىلىعىن ءبىلدىردى جانە رەسمي دەرەكتەر بويىنشا 4 مىڭنان اسا ۇەۇ-نىڭ  6% (259 ۇەۇ) ازاماتتاردىڭ دەنساۋلىعىن قورعاۋ باعىتتارى بويىنشا جۇمىس ىستەيتىنىن اتاپ ءوتتى. ۇەۇ مينيسترلىكتىڭ كونسۋلتاتسيالىق-كەڭەسشى ورگاندارىنىڭ جۇمىسىنا بەلسەندى قاتىسادى: بۇل قوعامدىق كەڭەستىڭ، مەديتسينالىق قىزمەتتەردىڭ ساپاسى جونىندەگى بىرلەسكەن كوميسسيانىڭ، فورمۋليارلىق كوميسسيانىڭ، بيزنەس كەڭەستىڭ، تسيفرلاندىرۋ جونىندەگى ساراپتاما كەڭەسىنىڭ جۇمىسى. سونداي-اق فورمۋليارلىق كوميسسيانىڭ قىزمەتىنە بەلسەندى قاتىسادى، ونىڭ 20 وتىرىسىندا ۇەۇ ساتىپ الىناتىن دارىلىك زاتتار مەن مەديتسينالىق ماقساتتاعى بۇيىمداردىڭ ءتىزىمى، شەكتى باعاسىن قالىپتاستىرۋ جانە بەلگىلەۋ ماسەلەلەرىن قارادى.

بۇدان باسقا، ۇەۇ وكىلدەرى «سك-فارماتسيا» جشس دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ جونىندەگى كونكۋرستىق كوميسسياسىنىڭ قۇرامىنا ەنگىزىلدى. ونىڭ ناتيجەسىندە دارىلىك زاتتاردى ساتىپ الۋ تىزىمىنە قوسۋ پروتسەسىنىڭ اشىقتىعى قامتاماسىز ەتىلدى، دارىلەردىڭ باعاسى 23% (175 اتاۋ) تومەندەدى، ءوتو-مەن جاسالعان شارتتار سانىنىڭ 2 ەسەگە وسكەنىن اتاپ وتۋگە بولادى» دەپ تولىقتىردى ول.

سونىمەن قاتار، ەلجان ءبىرتانوۆ مينيسترلىكتىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قر كودەكسىنىڭ جاڭا رەداكتسياسىندا بىرقاتار زاڭنامالىق باستامالاردىڭ كوزدەيتىنىن حابارلادى. ونىڭ نەگىزگى باعىتتارى: مەديتسينالىق كومەك كورسەتۋدىڭ ءۇش دەڭگەيلى جۇيەسىن ورناتۋدى; مەديتسينالىق قىزمەت كورسەتۋ ساپاسىن باقىلاۋدى كۇشەيتۋدى; جەكەلەگەن جاعدايلارعا (انا ءولىمى، اسا قاۋىپتى ينفەكتسيالار، رەزونانستى جاعدايلار) تەرگەۋ جۇرگىزۋدى; كلينيكالىق پراكتيكاعا رۇقسات بەرۋ جۇيەسىن وزگەرتۋ جانە مىندەتتى ليتسەنزيالاۋ ينستيتۋتىن ەنگىزۋ; مەديتسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋدى ەنگىزۋدى; 2019 جىلدان باستاپ وقىتۋشىلاردى، بىتىرۋشىلەردى مىندەتتى تاۋەلسىز باعالاۋدى زاڭنامامەن بەكىتۋدى; -انالاردىڭ ەگۋلەردەن، باس تارتۋى ءۇشىن جاۋاپكەرشىلىگىن، ونىڭ ىشىندە اكىمشىلىك جاۋاپكەرشىلىگىن كۇشەيتۋدى; قوعامدىق ورىنداردا تەمەكى شەگۋگە شەكتەۋ قويۋدى جانە تەمەكى ونىمدەرىن ساۋدا ورىندارىندا شىعارىپ قويۋعا تىيىم سالۋدى; 16 جاسقا تولماعان ادامدارعا ولاردىڭ زاڭدى وكىلدەرىنىڭ كەلىسىمىمەن مەديتسينالىق قىزمەت كورسەتۋدى كوزدەيدى.

ءوزىنىڭ ءسوزىن قورىتىندىلاي كەلە ەلجان ءبىرتانوۆ مينيسترلىكتىڭ ۇەۇ-مەن ىنتىماقتاستىعىنىڭ ارىپتەستىك قاتىناستارعا نەگىزدەلگەنىن جانە سەكتورارالىق جانە سالالارالىق ماسەلەلەردى شەشۋگە جانە ءاربىر ادامنىڭ ءوزىنىڭ دەنساۋلىعى مەن قوعامنىڭ دەنساۋلىعى ءۇشىن ىنتىماقتى جاۋاپكەرشىلىگىن ارتتىرۋعا ىقپال ەتەتىنىن، مەملەكەتتىك ورگانداردىڭ كۇشتەرىن ازاماتتىق قوعام ينستيتۋتىمەن بىركىتىرمەي ەلىمىز ءۇشىن ستراتەگيالىق ماڭىزى بار ءبىر دە ءبىر رەفورما تابىستى جانە تولىق ىسكە اسپايتىنىن اتاپ ءوتتى».

Abai.kz