جۇما, 29 ناۋرىز 2024
قىلقالام 4486 14 پىكىر 14 جەلتوقسان, 2018 ساعات 15:15

بەرىكبول سىددىق. ەستە قالعان ەتيۋدتەر  

ءبىز سول جىلى ۆ.ي.لەنين اتىنداعى پوليتەحنيكالىق ينستيتۋتتىڭ 2 كۋرسىندا وقۋشى ەدىك. ءبۇل وقۋ ورنى ورتالىق الاڭعا جاقىن ورنالاسقان.  سودان با ەكەن،سول كۇنگى ساياسي جاڭالىقتى دا العاشقىلاردىڭ ءبىرى بولىپ ەستىدىك. العاشقىلاردىڭ ءبىرى بولىپ الاڭنان تابىلدىق. مىنا جوعارىداعى سۋرەت سول كەزدەن قالىپتى. قاتارىمىزدىڭ كوبەيگەنىنە قۋانىپ تۇردىق،جۇبانىپ تۇردىق. ايتكەنمەن كوڭىلىمىز كۇپتى ەدى... بۇل ەرەۋىلىمىزبەن ەشتەڭە وزگەرتە المايتىنىمىزدى،ارتىنىڭ قىيىن بولاتىنىن الدەبىر تۇيسىكپەن سەزىنىپ تۇردىق. بىراق شىقپاۋعا بولمايتىن ەدى! كوز الدىمىزدا تاريح جاسالىپ جاتتى. سوڭىنان سوققى جەدىك،جابىلدىق،قۋىلدىق،شىعارىلدىق... اقتالدىق! سول ءبىر داڭقتى كۇندەردە جارق ەتىپ ەستە قالعان ساتتەر كوپ جىل وتكەن سوڭ ساعىنىش بولىپ،قاعاز بەتىنە ءتۇسىپ ەدى...

1986 جەلتوقسان. الماتى
ەستە قالعان ەتيۋدتەر
(32  جىل وتكەن سوڭ)

جانعا باتسا كىم قالعانداي ايانىپ،

جالىن-جاستار بەينە جەيحۋن-داريا.

جول شەتىندە اق تاياعىن تايانىپ،

جىلاپ تۇردى اق ساقالدى قاريا.

... امان با ەكەن اق باتالى ابىز-قارت؟..

 

بۋىرقانسا ەل ادىلەتتىك ىزدەگەن

ءبىر عانا الاڭ تارلىق ەتەر ءسىرا دا.

ءبىر اللادان مەدەت سۇراپ، مىنبەدەن

باتا بەردى اق جاۋلىقتى ءبىر انا.

... امان با ەكەن اق تىلەۋلى كەيۋانا؟..

 

ءبىر جاس ۇلان جارق ەتتى، ەلەڭ ەتكىزىپ،

داۋىسىمەن قايىرعانداي تۇندىكتى.

جەتى-اق سوزبەن ايتىپ جەتكىزىپ

جەتپىس جىلدا ايتىلماعان شىندىقتى.

... امان با ەكەن جانى جايساڭ ازامات؟..

 

جۇيرىكتەردىڭ جالدارىندا ويناعان،

جاۋعا شاپقان قىزدار از با، دالامدا؟

ءبىر جاس ارۋ جانارى وتتاي جايناعان

ءبىر توپ قىزدى باستاپ كەلدى الاڭعا.

... امان با ەكەن سول اياۋلى قارىنداس؟..

 

بابالارعا ارمان بولعان بۇل تاڭدار

بيىكتەرگە تىكتىك باقىت جالاۋىن.

بارىس جىلعى جەلتوقساننان وت العان

ماڭگى وشپەسىن ازاتتىقتىڭ الاۋى.

... امان بولعاي اق تىلەۋلى ەلىمىز!

بەرىكبول سىددىق

Abai.kz

14 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1571
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3565