«اق جول» پارتياسى شەنەۋنىكتەرگە قىزمەتتىك باسپانا بەرۋدى رەتكە كەلتىرۋدى تالاپ ەتتى – ءتيىستى دەپۋتاتتىق ساۋالدى ءماجىلىستىڭ پلەنارلىق وتىرىسىندا مەرۋەرت قازبەكوۆا مالىمدەدى.

قازاقستان رەسپۋبليكاسىنىڭ
پرەمەر-ءمينيسترى
ب.ءا. ساعىنتاەۆقا

قۇرمەتتى باقىتجان ءابدىرۇلى!

«اق جول» فراكتسياسى بۇدان بۇرىن ارانى اشىلعان شەنەۋنىكتەردىڭ شەكتەۋسىز تابەتى مەن ولاردىڭ ءسان-سالتاناتقا دەگەن قۇشتارلىعىنا بىرنەشە مارتە نازار اۋدارعان بولاتىن. نەلىكتەن ول سالىق تولەۋشىلەردىڭ ەسەبىنەن تولەنۋى ءتيىس ەكەن.

ماسەلەن، اكىمدىكتەردى ايتپاعاندا، جەرگىلىكتى جەرلەردە «كىشىگىرىم» باستىقتار، كوللەدج نەمەسە وبلىستىق فيلارمونيا ديرەكتورىنا دەيىن قىمبات دجيپ پەن سەدان مىنەدى.

ارىدەن سوڭ، بيىلعى جىلى مەملەكەت ەسەبىنەن قىمبات پاتەر العاندار تۋرالى اقپارات بىرىنەن سوڭ ءبىرى شىعىپ جاتىر.

ءبىر اپتا بۇرىن عانا پاۆلوداردا اۋماعى 230 شارشى مەتر، قۇنى 50 ميلليون تەڭگەنى قۇرايتىن قىزمەتتىك پاتەرگە قاتىستى داۋ تۋعان ەدى. سونداي-اق، جالپى قۇنى 226 ميلليون تەڭگەنى قۇرايتىن بەس پاتەر ساتىپ الىنعان.

بەلگىلى بولعانداي، بۇل العاش تىركەلىپ وتىرعان فاكتى ەمەس، «ايسبەرگتىڭ شىڭى» عانا.

ۇستىمىزدەگى جىلعى قىركۇيەكتە اتىراۋ قالاسىنىڭ اكىمدىگى 58 ميلليون تەڭگەگە جيھازىمەن قوسا 5 بولمەلى تۇرعىن ءۇي ساتىپ العان.

ال وسكەمەندە ەكى ەليتالىق تۇرعىن ءۇي نىسانىنا 82 ميللليون تەڭگە جۇمسالدى. ونىڭ ءبىر توپتاماسى – بۇل توبەسى ءتورت مەتر بيىكتىككە جەتەتىن، اۋدانى 260 شارشى بولاتىن قۇنى 45,3 ميلليون تەڭگەلىك بەس بولمەلى پاتەر بولسا، ەكىنشىسى – 210 شارشىنى قۇرايتىن 37 ميلليونعا باعالانعان ءتورت بولمەلى پاتەر.

شىمكەنتتىڭ تۇرعىن ءۇي جانە تۇرعىن ءۇي ينسپەكتسياسى باسقارماسى «اسا» جايلى 5 قىزمەتتىك پاتەر ساتىپ الۋ تۋرالى حابارلاندىرۋ بەرگەن. ءار پاتەرگە 43 ميلليون تەڭگەدەن ءبولىنىپ وتىر.

كوكشەتاۋدا اكىمدىك 40 ميلليون تەڭگەگە اۋماعى 145 شارشى مەتر 4 بولمەلى پاتەر ساتىپ الدى.

ال باتىس قازاقستان وبلىسىنىڭ اقساي قالاسىندا اۋدان اكىمىنىڭ ءزاۋلىم سارايىن جوندەۋگە بيۋدجەتتەن 24 ميلليون تەڭگە بولىنگەن.

تاعى ءبىر اكىم، ەندى الماتى وبلىسى جامبىل اۋدانىنىڭ, كەڭ پاركينگى بار، اۋماعى 180 شارشى مەتر باسپانانى 35 ميلليون تەڭگەگە ساتىپ الۋدى جوسپارلاعان. ال جۋرناليستەردىڭ اقپاراتىنا سۇيەنسەك، سول ۇزىناعاش ەلدى-مەكەنىندەگى ەڭ قىمبات كوتتەدج 20 ميلليون تەڭگەدەن اسپايدى

بۇل تەك ءباسپاسوز بەن قوعامعا عانا بەلگىلى بولعان فاكتىلەر.

ەلىمىزدەگى بارلىق قالاسى مەن اۋدانىندا مۇنداي دەرەكتەردىڭ قانشا ەكەنىن تەك بولجاۋعا بولادى. سول نىسانداردىڭ قايسىسى ءوز باعاسىمەن ساتىپ الىنعانىن، ال قايسىسىنىڭ جوعارىلاتىلعان باعامەن قىمقىرۋ ءۇشىن پايدالانىلعانىن كىم ءبىلسىن.

وسى ورايدا، مىڭداعان قاراپايىم ازامات يپوتەكاسىن ۋاقىتىندا تولەۋ ءۇشىن كۇن-ءتۇن دەمەي ەڭبەكتەنىپ، كوپ نارسەدەن باس تارتىپ جاتقاندا، ءتىپتى «7-20-25» باعدارلاماسىنىڭ ءوزى پاتەرلەردىڭ قۇنى بويىنشا شەكتەۋلەر مەن تولەم مىندەتتىلىگىن جۇكتەيدى، ساۋلەتتى تۇرمىسقا ۇمتىلعان، ىسىراپشىلدىق پەن استامشىلىققا جول بەرگەن شەنەۋنىكتەردىڭ سىنعا ىلىگۋى ورىندى.

ونىڭ ۇستىنە، مۇنداي وبەكتىلەردى كەيىننەن جەكەشەلەندىرۋىن ولاردا تۇراتىن شەنەۋنىكتەر، سونداي-اق وزدەرى بەلگىلەگەن تالاپتارعا ساي جەڭىلدىكپەن تۇراتىنداردى ەسەپتەن الىپ تاستاۋعا بولمايدى.

«اق جول»  فراكتسياسى مەملەكەتتىڭ اقشاسىنا شەنەۋنىكتەرگە قىزمەتتىك باسپانا اپەرۋدى باعا پارامەترلەرىمەن جانە باسپانا اۋماعىمەن رەتتەۋ كەرەك دەپ سانايدى. بۇل ولاردىڭ ءوز قالاۋى بويىنشا ىسكە اسىرىلماۋعا ءتيىس.

ماسەلەن، «7-20-25» باعدارلاماسى بويىنشا ءدال سول پاۆلوداردا باسپانانىڭ ەڭ جوعارى باعاسى 15 ميلليون تەڭگە بولىپ بەكىتىلگەن. ال اكىمدىك پاتەردى وزىنە ءۇش ەسە قىمبات باعاعا ساتىپ العان.

باياندالعاندى نەگىزگە الا وتىرىپ, قۇرمەتتى باقىتجان ءابدىرۇلى، «اق جول» فراكتسياسى كەلەسى شارالاردى قابىلداۋىڭىزدى سۇرايدى:

• ساتىپ الىناتىن قىزمەتتىك باسپانانىڭ قاراپايىم عانا ادەپتىلىكتى ۇستانا وتىرىپ، بيۋدجەت قاراجاتىن ۇقىپتى پايدالانۋعا ساي كەلەتىنىن انىقتاۋ ءۇشىن مەملەكەتتىك ورگاندار مەن بيۋدجەتتىك ۇيىمدارعا تەكسەرىس جۇرگىزۋ. مۇنداي باسپانانى جەكە پايدالانۋعا بەرۋدە جەكەشەلەندىرۋ جاعدايى مەن تالاپتارىن دا قوسا ەسكەرگەن ءجون. تەكسەرىس قورىتىندىسىنان پارلامەنت پەن قوعام دا حاباردار ەتىلسىن;
• زاڭ مەن ەتيكا تالاپتارى ساقتالماعان زاڭ بۇزۋشىلىق فاكتىلەرى انىقتالسا كىنالىلەردى جاۋاپقا تارتۋ;
• مەملەكەتتىك قىزمەتشىلەردى قىزمەتتىك باسپانامەن قامتاماسىز ەتۋدىڭ قاتاڭ كريتەريلەرىن بەكىتۋ. ماسەلەن، «7-20-25» باعدارلاماسىنىڭ پارامەترلەرىن نەگىزگە الا وتىرىپ نەمەسە ءار وتباسى مۇشەسىن تۇرعىن ءۇي اۋماعىمەن قامتۋ ستاندارتتارىن ەسكەرە وتىرىپ;
• ىڭعايلى جانە كەڭ تۇرعىن ءۇي العىسى كەلگەن مەملەكەتتىك قىزمەتشىلەردىڭ دە قۇقىعى قاراستىرىلسىن، مۇنداي جەكە قالاۋلارى ءوز قاراجاتى ەسەبىنەن ىسكە اسىرىلسىن.

قۇرمەتپەن,
«اق جول» فراكتسياسىنىڭ دەپۋتاتتارى

Abai.kz