ولار تاراتقان قۇجاتتا اتالعان جۇيە نەگىزىنەن الەۋمەتتىك جەلىلەردەگى نارازى توپتى انىقتاۋمەن اينالىسادى ەكەن. Digital Revolution وكىلدەرى اتالعان جۇيەگە قازاقستاننىڭ دا تاپسىرىس بەرگەنىن اتاپ وتكەن. BBC مالىمەتىنشە، قازاقستاننىڭ اقپارات جانە كوممۋنيكاتسيالار مينيسترلىگى 4,3 ملن دوللار اقشا بولگەن.

بۇعان دالەل رەتىندە "كۆانت" سەرۆەرىندەگى ادمينيستراتورلار ءتىزىمىنىڭ سكرينشوتىن جاريالاعان. قازىرگى كەزدە "كۆانت" سەرۆەرىنىڭ سايتى مەن پوشتاسى ءسوندىرۋلى.

"كۆانت" ازىرلەپ جاتقان مونيتورينگ جۇيەسى نەيروندىق جەلى ارقىلى "ۆكونتاكتە", Facebook, "ودنوكلاسسنيكي" جانە Instagram سەكىلدى الەۋمەتتىك جەلىلەردەن اۆتوماتتى تۇردە پوسرتارعا تالداۋ جاسايدى. ولار رەسەيدىڭ وپپوزيتسيالىق ساياساتكەرى الەكسەي ناۆالنىيدىڭ اتى-ءجونى بويىنشا تەست جۇرگىزگەن.

ماسكەۋدىڭ حوۆرينو اۋدانىندا ورنالاسقان "كۆانت" جابىق ينستيتۋتى 1970 جىلى قۇرىلعان. 2008 جىلى ونى فسب باقىلاۋىنا العان. 2012–2014 جىلدارى "كۆانت" بىرنەشە شپيوندىق باعدارلامالار ساتىپ العان. Forbes مالىمەتىنشە، قاشىقتىقتان باقىلايتىن بۇل باعدارلامالار قۇرىلعىنىڭ ءىزىن كەسىپ، جاسىرىن كامەراعا ءتۇسىرىپ، جازبالارىن كوشىرىپ الا الادى.

2018 جىلى اقش "كۆانتقا" قارسى سانكتسيا ەنگىزگەن. اقش بيلىگى وسى جۇيە پرەزيدەنت سايلاۋى الدىندا حاكەرلىك شابۋىل جاساۋى مۇمكىن دەپ ەسەپتەيدى. Digital Revolution بيىل "ينتەرنەتتى تۇرمەگە اينالدىراتىنداردى" جازالاۋعا ۋادە بەرگەن.

Abai.kz