1936 جىلى رەسپۋبليكا ستاتۋسىن العانىمىز راس، بىراق ونى الۋعا ميرزوياننىڭ ءۇش قايناسا سورپاسى قوسىلمايدى. ءستاليننىڭ ساياسي ويىنداعى شەشىمى سولاي بولدى. ءبىتتى.

تەاتر اشقانى، جازۋشىلار سەزىن وتكىزگەنى شىندىق. بىراق سول تەاتردا جۇمىس اتقارۋعا ءتيىس ونەر مايتالماندارىن، شىندىقتى ايتقان جازۋشىلار مەن زيالى قاۋىمدى قىرىپ سالعانى ودان اسىپ تۇسەر اقيقات.

ستالين باستاپ، ەجوۆ قوستاعان قان قاساپتا ءدال وسى ميرزويان قازاق زيالىلارىن اتۋعا ەرەكشە قاتىسقان-دى. ءتىپتى ەكى مارتە ادام اتۋ كۆوتاسىن كوبەيتۋدى سۇراپ، قۇپيا حات جازعانى بار.

ول قازاقتىڭ زيالى قاۋىمىن قىرىپ قانا قويماي، قازاقتىڭ جەر-سۋ اتتارىن دا تارتىپ الماق بولدى. حان-ءتاڭىرى شىڭىن "ميرزويان شىڭى" دەپ وزگەرتتى. تارازدىڭ 1936-38 جىلدارى "ميرزويان" دەپ اتالعانى تاعى بار. اۋداندار مەن كوشەلەر، كولحوزدار مەن سوۆحوزداردى ءوز اتىمەن اتادى.ءسال بولماعاندا قازاقستاندى "ميرزويان" دەپ وزگەرتەر ما ەدى، كىم ءبىلسىن. جەكە باسقا تابىنۋدى قاتىرعان ەدى. ءتىپتى ول ىسىنە ءستاليننىڭ ءوزى تاڭدانعان دەسەدى.

وسىنداي ارەكەتكە بارعان ميرزوياننىڭ اتىن وشىرسەك ايىپ پا؟! بيلىك ميرزويان اتىنداعى ءبىراز كوشەنى جويىپ، ەسكەرتكىشىن الىپ تاستاعانىن بىلەمىن. قوس قولداپ قولدايمىن. سوندىقتان ارميان باسىلىمدارى بۇل تۇلعاعا قاتىستى وتىرىك بايبالام كوتەرمەسىن.

اسحات قاسەنعاليدىڭ facebook پاراقشاسىنان

Abai.kz