ماسەلە شاڭقىلداعان شاقار شالدا (سماتۋللادا) ەمەس. ونىڭ شارۋاسىن «تىندىرا» سالۋدىڭ ب...تان وڭاي ەكەنىن كورىپ وتىرسىڭدار. بىراق، قارعا بويلى شالدۋار قارتتان سونشالىق شوشىعاندارىڭ، ولە قورىققاندارىڭ - كۇلكىلى بولدى. ەندى مىنە، ودان قورعانسىز ادام جوق ەكەن. بىراق، قارتتان قۇبىجىق جاساپ، بۇكىل جۇرتتى «قىرىپ سالعاندارىڭ» جانە وعان قاتىسى جوق جۋرناليستەردى قوسىپ وتىرىك-شىنى ارالاس دۇمبىلەز فيلم كورسەتكەندەرىڭ ءتىپتى ايانىشتى كورىندى.

ايتپاعىم فيلم جايلى ەمەس. ماسەلە، سول قيقۋدىڭ استىندا قۇل قوجا احمەت ياسساۋي مۇراسىنىڭ جۇرتقا قورقىنىشتى كورىنىپ قالۋىندا. ال، شىن مانىندە مەملەكەتتىگىمىزدىڭ رۋحاني ىرگەسى كەمەڭگەر ياسساۋي، شالقار شاكارىم الەمىندە جاتىر. وسى ۋاققا دەيىن جۇمباق كورىنگەن ياسساۋي لۇعاتىنىڭ سىرى اشىلىپ، وسيەتىن تۇسىنە باستادىق. بيىل ن. نازارباەۆ «ياسساۋي - قازاقتىڭ كونفۋتسيى» دەپ جاريالادى.

ەڭسەگەي بويلى ەر ەسىم ءياسساۋيدىڭ تابالدىرىعىن قۇشىپ جاتۋدى التىن باسىنا قۇرمەت ساناپتى. ارۋاقتى ابىلاي، قانجىعالى بوگەنباي، سوندا جاتقان ءۇش ءجۇزدىڭ يگى-جاقسىلارى قاتال زاماندا قاندى تارتىسقا تۇسكەنى ءۇشىن ءياسساۋيدىڭ شاپانىنىڭ شالعايىن ماڭگىلىككە پانالاپتى. قازىرگى نازارباەۆ تا تاريحي تۇلعا! تۇڭعىش پرەزيدەنت سوقتىقپالى، سوقپاقسىز جەردە مەملەكەت قۇرۋعا تالپىندى. وعان دا وڭاي تيگەن جوق. ال، پەندەنىڭ بارار جەرى بەلگىلى. قازاق ساناسىندا ماڭگىلىك جاسايتىن قىلاۋسىز داڭق كەرەك بولسا، ونداي سايانى ءياسساۋيدىڭ قاسىنان عانا تابادى.

ماسەلە شاڭقىلداعان شاقار شالدا (سماتۋللادا) ەمەس. ونىڭ شارۋاسىن «تىندىرا» سالۋدىڭ ب...تان وڭاي ەكەنىن كورىپ وتىرسىڭدار. بىراق، قارعا بويلى شالدۋار قارتتان سونشالىق شوشىعاندارىڭ، ولە قورىققاندارىڭ - كۇلكىلى بولدى. ەندى مىنە، ودان قورعانسىز ادام جوق ەكەن. بىراق، قارتتان قۇبىجىق جاساپ، بۇكىل جۇرتتى «قىرىپ سالعاندارىڭ» جانە وعان قاتىسى جوق جۋرناليستەردى قوسىپ وتىرىك-شىنى ارالاس دۇمبىلەز فيلم كورسەتكەندەرىڭ ءتىپتى ايانىشتى كورىندى.

ايتپاعىم فيلم جايلى ەمەس. ماسەلە، سول قيقۋدىڭ استىندا قۇل قوجا احمەت ياسساۋي مۇراسىنىڭ جۇرتقا قورقىنىشتى كورىنىپ قالۋىندا. ال، شىن مانىندە مەملەكەتتىگىمىزدىڭ رۋحاني ىرگەسى كەمەڭگەر ياسساۋي، شالقار شاكارىم الەمىندە جاتىر. وسى ۋاققا دەيىن جۇمباق كورىنگەن ياسساۋي لۇعاتىنىڭ سىرى اشىلىپ، وسيەتىن تۇسىنە باستادىق. بيىل ن. نازارباەۆ «ياسساۋي - قازاقتىڭ كونفۋتسيى» دەپ جاريالادى.

ەڭسەگەي بويلى ەر ەسىم ءياسساۋيدىڭ تابالدىرىعىن قۇشىپ جاتۋدى التىن باسىنا قۇرمەت ساناپتى. ارۋاقتى ابىلاي، قانجىعالى بوگەنباي، سوندا جاتقان ءۇش ءجۇزدىڭ يگى-جاقسىلارى قاتال زاماندا قاندى تارتىسقا تۇسكەنى ءۇشىن ءياسساۋيدىڭ شاپانىنىڭ شالعايىن ماڭگىلىككە پانالاپتى. قازىرگى نازارباەۆ تا تاريحي تۇلعا! تۇڭعىش پرەزيدەنت سوقتىقپالى، سوقپاقسىز جەردە مەملەكەت قۇرۋعا تالپىندى. وعان دا وڭاي تيگەن جوق. ال، پەندەنىڭ بارار جەرى بەلگىلى. قازاق ساناسىندا ماڭگىلىك جاسايتىن قىلاۋسىز داڭق كەرەك بولسا، ونداي سايانى ءياسساۋيدىڭ قاسىنان عانا تابادى.

«قاسيەتتى قاراتاۋ، اسا الماعان سەنەن جاۋ!». دۋلات بابام ياسساۋي مەكەن ەتكەن كۇنگەي ولكەنى قازاق وركەنيەتىنىڭ شەگى دەپ بەلگىلەسە كەرەك. ەجەلگى يران-تۇران وركەنيەتتەرىنىڭ شارپىسۋىن، يران-تۇران (سالافيزم مەن قازاقى تانىم) ايقاسىنىڭ الدىڭعى شەبى! سول شەگارادا قازاققا كىم ەكەنىن ماڭگى ەسكەرتىپ، ۇلتتىق پانتەون تۇرماق!