پرەمەر-ءمينيستردىڭ ورىنباسارى – مادەنيەت جانە اقپارات ءمينيسترى ايدا بالاەۆا قاۋىپسىزدىك، ەكولوگيا جانە ينفراقۇرىلىم ساپاسىنا قويىلاتىن زاماناۋي تالاپتاردى ەسكەرە وتىرىپ، Almaty Superski جوباسىنىڭ قازاقستاننىڭ تۋريزم سالاسىن دامىتۋداعى ماڭىزىن اتاپ ءوتتى.

ايدا بالاەۆا بۇگىندە تۋريزم جۇمىسپەن قامتۋعا، شاعىن جانە ورتا بيزنەستىڭ دامۋىنا، ينۆەستيتسيا تارتۋعا، قىزمەت كورسەتۋ ساپاسىنا جانە ەلدىڭ حالىقارالىق يميدجىنە ىقپال ەتەتىن ستراتەگيالىق ماڭىزدى سالالاردىڭ بىرىنە  اينالعانىن اتاپ ءوتتى. 2024 جىلى قازاقستانعا 15,3 ملن ادام كەلگەن، ال ىشكى تۋريستەر سانى 10,5 ملن ادامدى قۇرادى. بۇل بىلتىرمەن سالىستىرعاندا 900 مىڭ ادامعا كوپ. مۇنداي كورسەتكىشتەر تۋريزم ەكونوميكانىڭ ناقتى ءوسىم نۇكتەسىنە جانە ەلدى حالىقارالىق دەڭگەيدە تانىتۋدىڭ ماڭىزدى قۇرالدارىنىڭ بىرىنە اينالعانىن كورسەتەدى.

سوڭعى جىلدارى تابيعي، ەكولوگيالىق جانە تاۋ ءتۋريزمى ەرەكشە قىزىعۋشىلىق تۋدىرۋدا. تەك 2024 جىلى عانا قازاقستاننىڭ ۇلتتىق پاركتەرىنە 2,8 ملن ادام كەلدى، بۇل 2023 جىلمەن سالىستىرعاندا 18% - عا ارتىق.

«ەگەر بۇرىن مۇنداي دەمالىستى ارنايى تۋريستەر مەن تاۋ شاڭعىسى اۋەسقويلارى ءجيى تاڭدايتىن بولسا، بۇگىندە تابيعي اۋماقتار جاپپاي باراتىن ورىنعا اينالادى. ادامدار ول جەرگە دەمالىس كۇندەرى جاياۋ ءجۇرۋ ءۇشىن، بەلسەندى دەمالىس جانە تابيعات اياسىنا قىسقا ۋاقىتقا شىعىپ قايتۋ ءۇشىن بارادى»، — دەپ اتاپ ءوتتى ايدا بالاەۆا.

Abai.kz