ينتەرنەتتى قاراپ وتىرساق، ءماجىلىس دەپۋتاتى مۇرات ابەنوۆتىڭ تۆيتتەردەگى پاراقشاسىندا «ءزىلزالا بولجامى تۇرالى اكپارات قازاق تىلىندە نەگە جوق http://www.emer.kz/kz/index.php تج مينيستىرلىگى @KarimMassimov تاپسىرماسىن ورىندامادى» دەگەن جازباسىن وقىدىق. توتەنشە جاعدايلار جونىندەگى مينيسترلىك ۆەب-سايتىنىڭ كوپتەن بەرى «قازاق تىلىنەن شورقاق» دەپ سىنالىپ جۇرگەنى ەسكە ءتۇستى. 1-ءشى مامىرداعى الماتىداعى دۇربەلەڭنەن كەيىن بوجكو دا، ول باسقارىپ وتىرعان مينيسترلىك تە بيلىك تاراپىنان دا، قوعام تاراپىنان دا كوپ سىنالدى. بالكىم ەندى تۇزەلگەن بولار دەپ تاعى دا زەرتتەدىك. سويتسەك...

ينتەرنەتتى قاراپ وتىرساق، ءماجىلىس دەپۋتاتى مۇرات ابەنوۆتىڭ تۆيتتەردەگى پاراقشاسىندا «ءزىلزالا بولجامى تۇرالى اكپارات قازاق تىلىندە نەگە جوق http://www.emer.kz/kz/index.php تج مينيستىرلىگى @KarimMassimov تاپسىرماسىن ورىندامادى» دەگەن جازباسىن وقىدىق. توتەنشە جاعدايلار جونىندەگى مينيسترلىك ۆەب-سايتىنىڭ كوپتەن بەرى «قازاق تىلىنەن شورقاق» دەپ سىنالىپ جۇرگەنى ەسكە ءتۇستى. 1-ءشى مامىرداعى الماتىداعى دۇربەلەڭنەن كەيىن بوجكو دا، ول باسقارىپ وتىرعان مينيسترلىك تە بيلىك تاراپىنان دا، قوعام تاراپىنان دا كوپ سىنالدى. بالكىم ەندى تۇزەلگەن بولار دەپ تاعى دا زەرتتەدىك. سويتسەك...

توتەنشە جاعدايلار جونىندەگى مينيسترلىكتىڭ بىرنەشە جىلدان بەرى http://www.emer.kz/kz دەگەن ۆەب-سايتى حالىققا قىزمەت كورسەتەدى. الايدا، ەڭ وكىشىنىشتىسى، بۇل ۆەب-سايت قازاقشادان جۇرداي. ونى وقىپ وتىرىپ قازاقشا اقپارات الۋ تۇگىلى، تاۋەلسىز قازاقستاندا ەمەس، ءالى دە ورىستىڭ وتارىمىز دەپ ءتۇڭىلىپ كەتەدى ەكەنسىڭ. مىسالى، ۆەب-سايتتىڭ كۇندەلىكتى ومىرگە قاجەتتى «جاڭالىقتار» جانە «اقپارات» دەگەن تاراۋلارى مۇلدەم جاڭارماي وتىر. «جاڭالىقتار» تاراۋىنداعى جالعىز دا سوڭعى اقپارات مىناۋ:  «2011 جىلى 6 مامىردا ساعات  11.00-دە قر تجم «قۇلاگەر» سپورت كەشەنىندە جەڭىس كۇنىنە جانە تاۋەلسىزدىكتىڭ 20 جىلدىعىنا وراي  قر تجم مەملەكەتتىك ورتكە قارسى قىزمەت ورگانىنا جاڭا قابىلدانعان قىزمەتكەرلەر سالتاناتتى تۇردە انت قابىلدايدى». جۇرت دۇرلىگىپ جاتقان كەزدە نە دەگەن انت قابىلداۋ، اينالايىندار-اۋ! مينيسترلىكتىڭ قازاق تىلىندە رەسمي تۇردە تاراتقان سوڭعى ءباسپاسوز رەليزى 2007 جىلى ەلىمىزگە قۇلاعان ورىس زىمىرانى تۋرالى ەكەن! ودان بەرى جايباراقات وتىر ەكەنبىز! قالعان تاراۋلار مەن بولىمشەلەردىڭ بارلىعىن اشساڭىزدار، الدىڭىزدان «كەشىرىڭىز. ءبولىم قايتا قۇرۋ پروتسەسىندە» دەگەن جازۋ شىعادى!

سوندا ەلدە كۇندە بولىپ جاتقان توتەنشە جاعدايلاردان كىم حاباردار ەتۋى ءتيىس؟ جاقىندا بوجكو مىرزا 1-ءشى مامىرداعى «الماتىدا قىرۋار جەر سىلكىنىسى بولادى» دەپ ساسقان حالىقتى جۇباتۋدىڭ ورنىنا ءباسپاسوز بەن اقش-تىڭ سەيسمولوگيالىق قىزمەتتەرىن ايىپتاعانى ەسكە ءتۇستى. قىزىق! ەگەر ءوزىڭ قازاق قاۋىمىنا ءلام-ميم دەپ اۋىز اشپاساڭ، وعان ءباسپاسوز بەن شەتەلدىك قىزمەتتەر كىنالى بولۋى كەرەك پە؟ ەگەر ەلدە وسىنداي ءورت، سۋ تاسقىنى، جەر سىلكىنىسى بولۋى مۇمكىن، بولىپ جاتىر دەگەن قازاق تىلىندەگى اقپاراتتاردى تاراتپاساڭ، جۇرت ونى قايدان ىزدەۋى قاجەت؟ الدە باياعىنىڭ ۇردىسىنە سالىپ، بوجكو مەن ونىڭ قىزمەتكەرلەرى «قاجەت بولسا، ورىسشا وقىپ الىڭدار» دەگەنى مە؟ ال ورىسشا بىلمەيتىندەر، بىلگىسى كەلمەيتىندەر نە ىستەۋى قاجەت؟ كونستيتۋتسيا بويىنشا ازاماتتاردىڭ قۇقى تەڭ، بارلىعى دا اقپارات الۋعا تەڭ مۇمكىندىككە يە. بوجكو باستاعان مينيسترلىكتىڭ بۇل تىرلىگىنە قاراپ الدەبىرەۋلەر بىزگە، قازاق قاۋىمىنا «ورىستىلدىلەر قۇتىلىڭدار، قازاقتىلدىلەر قىرىلىڭدار» دەپ وتىرعانداي ەلەستەيدى ەكەن. بارلىق مەملەكەتتىك ورگاندار اقپاراتتى ەكى تىلدە تاراتۋى ءتيىس دەگەن زاڭي قاعيداتتار قايدا سوندا؟ ەلىمىزدىڭ تاۋەلسىزدىگىنىڭ جيىرما جىلدىعىن تويلايىن دەپ وتىرعان كەزدە بەلگىلى ءبىر مينيسترلىك پەن ونىڭ باسشىلىعىنىڭ قازاق تىلىنە وسىنداي كوزقاراسىن كورىپ امالسىز جاعاڭدى ۇستايدى ەكەنسىڭ! بۇل قازاق ءتىلىنىڭ مەملەكەتتىك دارەجەسىن مويىنداماۋ ما؟ ونى تۇتىنۋشىلاردى، مەملەكەتكە اتىن بەرگەن ۇلتتى قورلاۋ ما؟

وسى ماقالانى ۇكىمەت مۇشەلەرى دە، پارلامەنت دەپۋتاتتارى دا كورەدى دەپ ۇمىتتەنەمىز. سولاردىڭ بىرەۋى بوجكو مىرزاعا مينيسترلىگىندە بولىپ جاتقان ولقىلىقتار، زاڭ بۇزۋشىلىقتار تۋرالى وسى ماقالانى اۋدارىپ بەرەتىن شىعار دەپ سەنەمىز. ءوز كەزەگىندە بوجكو مىرزا دا ويلانار دەگەن ويدامىز. وعان ايتارىمىز: ەگەر ون كۇننىڭ ىشىندە توتەنشە جاعدايلار جونىندەگى منيسترلىكتىڭ ۆەب-سايتى، جالپى مينيسترلىكتىڭ حالىققا مەملەكەتتىك تىلدە قىزمەت كورسەتۋى، قازاق تىلىندە اقپاراتتاندىرۋ جانە قۇلاقتاندىرۋ جۇمىسى جونگە كەلمەسە، بىزدەر باسقا دا باسىلىمدار جانە زيالى قاۋىم وكىلدەرىمەن بىرىگىپ، مينيستر بوجكونىڭ وتستاۆكاعا كەتۋىن تالاپ ەتەمىز. جاي عانا تالاپ ەتپەيمىز، اقپارات الۋ جونىندەگى كونستيتۋتسيالىق قۇقىقتارىمىزدى تاپتادى دەپ سوتقا شاعىمداناتىن بولامىز!

وسى ۋلتيماتۋمدى ەلىمىزدىڭ بارلىق جۋرناليستەرى، جالپى بەلسەندى ازاماتتارى اشىق قولدايدى دەپ سانايمىز. قولدايمىن دەگەن ازاماتتار وسى حاتتىڭ استىنا قولدارىن قويۋلارىنا بولادى.

ويلانىڭىز، بوجكو مىرزا، ون كۇن قالدى!

«اباي-اقپارات»