24 جاستاعى نۇرالى قياسوۆ پەن تاعى ءبىر سوتتالۋشى ارمان قۇدايبەرگەنوۆكە "قاراقشىلىق" جانە "كىسى ءولىمى" باپتارى بويىنشا ايىپ تاعىلعان. سوتتالۋشى، 23 جاستاعى جانار تولىباەۆا "قىلمىستى حابارلامادى" دەپ ايىپتالىپ وتىر. قۇدايبەرگەنوۆ پەن تولىباەۆا 11 قاڭتاردا سوتتا وزدەرىنە تاعىلعان ايىپپەن كەلىسپەيتىنىنى مالىمدەپ، سوتتان ايىپتى وزگەرتۋدى سۇراعان.
دەنيس تەننىڭ ءولىمى بويىنشا نەگىزگى سوت پروتسەسى 3 قاڭتاردا باستالعان.
قازاقستاندىق مانەرلەپ سىرعاناۋشى، سوچي وليمپياداسىنىڭ قولا جۇلدەگەرى، ازيا ويىندارىنىڭ چەمپيونى دەنيس تەن بىلتىر 19 شىلدەدە الماتىدا پىشاقتالىپ، اۋرۋحانادا قازا تاپقان. سپورتشىنى قالا ورتالىعىندا كولىگىنىڭ جانىندا الدەكىمدەر پىشاقتاپ، اۋرۋحاناعا جەتكىزىلگەن سوڭ قايتىس بولعان. ول كولىگىنىڭ ايناسىن ۇرلاعان ادامداردى توقتاتپاق بولعان كەزدە جارالانعان.
Abai.kz
