ەرمەك قارابالا. پروكۋروردىڭ جىرىن ايت!
«جۇرە بەرسەڭ - كورە بەرەسىڭ»، دەپتى دانا حالقىمىز. ينتەرنەتتى پاراقتاپ وتىرىپ، قاراعاندى وبلىستىق پروكۋراتۋراسىنىڭ ۆەب-سايتىنا كىرگەن ەدىك. سول جەردەن (مىنا سىلتەمە بويىنشا http://www.karaganda-prokuratura.kz/kaz/about.php?id=6&m=1) ەل پروكۋرورلارىنىڭ ءوز ءانۇراندارىنىڭ بار ەكەنىن بىلدىك!
ەلىمىزدىڭ زاڭدارىنا ساي ءاربىر قۇقىق قورعاۋ قۇرىلىمدارىنىڭ ءوز تۋى، رەسمي بەلگىلەرى بار ەكەنىن بىلەتىن ەدىك. الايدا، ەلىمىزدىڭ پاتريوت پروكۋرورلارى بارلىق ارىپتەستەرىن باسىپ وزىپ، وزدەرىنىڭ ءانۇراندارىن دا قابىلداپ ۇلگەرىپتى! قاي باسشى ەكەنى بەلگىسىز، ايتەۋىر ءبىر كەمەڭگەرىمىز «اندا-ساندا باس قوسقان كەزدە تەك قانا مەملەكەتتىك انۇرانمەن شەكتەلمەي، ىشكى كورپوراتيۆتىك رۋحتى كوتەرەتىن ءان شىرقاعانىمىز دۇرىس بولار» دەپ ۇيعارعان بولۋى كەرەك. ايتتى بولدى، تاپسىرىسقا ساي اقجۇرەك اقىن دا، ەلگەزەك كومپوزيتور دا تابىلىپتى.
«جۇرە بەرسەڭ - كورە بەرەسىڭ»، دەپتى دانا حالقىمىز. ينتەرنەتتى پاراقتاپ وتىرىپ، قاراعاندى وبلىستىق پروكۋراتۋراسىنىڭ ۆەب-سايتىنا كىرگەن ەدىك. سول جەردەن (مىنا سىلتەمە بويىنشا http://www.karaganda-prokuratura.kz/kaz/about.php?id=6&m=1) ەل پروكۋرورلارىنىڭ ءوز ءانۇراندارىنىڭ بار ەكەنىن بىلدىك!
ەلىمىزدىڭ زاڭدارىنا ساي ءاربىر قۇقىق قورعاۋ قۇرىلىمدارىنىڭ ءوز تۋى، رەسمي بەلگىلەرى بار ەكەنىن بىلەتىن ەدىك. الايدا، ەلىمىزدىڭ پاتريوت پروكۋرورلارى بارلىق ارىپتەستەرىن باسىپ وزىپ، وزدەرىنىڭ ءانۇراندارىن دا قابىلداپ ۇلگەرىپتى! قاي باسشى ەكەنى بەلگىسىز، ايتەۋىر ءبىر كەمەڭگەرىمىز «اندا-ساندا باس قوسقان كەزدە تەك قانا مەملەكەتتىك انۇرانمەن شەكتەلمەي، ىشكى كورپوراتيۆتىك رۋحتى كوتەرەتىن ءان شىرقاعانىمىز دۇرىس بولار» دەپ ۇيعارعان بولۋى كەرەك. ايتتى بولدى، تاپسىرىسقا ساي اقجۇرەك اقىن دا، ەلگەزەك كومپوزيتور دا تابىلىپتى.
«پروكۋرورلار ءانۇرانىنىڭ» ءسوزىن تانىمال اقىنىمىز ءشومىشباي ساريەۆ جازسا، ءانىن ۆلاديمير پيتەرتسەۆ دەگەن ازامات شىعارعان ەكەن. شومىشبايدىكى تۇسىنىكتى، وعان «ءشوپ تە ولەڭ، شوڭگە دە ولەڭ» دۇرىس-اق. پيتەرتسەۆكە اقىسىن بەرىپ، بوقىسىن شىعارتسا كەرەك. ءسويتىپ، جەكە ءانۇراندارى بولماعان سوڭ جۇمىسى جۇرمەي جاتقان قاراعاندىلىق پروكۋراتۋراسىنا قاتىرىپ تۇرىپ ءانۇران جازىپ بەرگەن ەكەن. بەيىمبەت ءمايليننىڭ زامانىنان بەرى «ءبارىن ايت تا، ءبىرىن ايت, كوللەكتيۆتىڭ جىرىن ايت» دەپ كەلە جاتقان حالىق ەمەسپىز بە! پروكۋرورلار دا ادام بالاسى عوي، ولارعا دا سالالىق پاتريوتتىق سەزىم كەرەك شىعار، قايتسىن ەندى، دەدىك.
ارينە، «ۆەدومستۆولىق ءانۇران» شىعارۋ ءبىزدىڭ ەلدىڭ موداسى ەمەس. كوبىنەسە مۇندايدى ءبىزدىڭ باسشىلار وزدەرىنىڭ رەسەيلىك ارىپتەستەرىنە قاراپ شىعاراتىنى بەلگىلى. نەگە دەسەڭىز، نەگەڭىزدىڭ نەسى دايىن. ول - قاراعاندىلىق پروكۋرورلاردا دا، باسقالاردا اسكەري شەندى رەسەيدىڭ «اتاسى» كەڭەس وكىمەتىنەن العان، سول كەزدە قىزىل اسكەردىڭ داڭعىل جولىمەن تايپالعان كىسىلەر. تاۋەلسىزدىك العاننان كەيىن قازاقستاننىڭ ساياسي باسشىلىعىنىڭ رەسەيدەن ىشكى ىرگەسى بولۋگە قيماستىق كورسەتكەنى الگى پروكۋرورلاردىڭ دا ايىن وڭىنان تۋدىرىپ، سۇيىكتى قوجاسىنىڭ ادال قۇلى رەتىندە ۇنەمى سول رەسەيلىك اكەريلەر نە ىستەسە سونى قايتالايدى. الايدا، قازاق پروكۋرورلارنىڭ ءانۇرانىنىڭ سوزدەرىن وقي وتىرىپ، ونى بەكىتكەن ازاماتتاردىڭ ويلاۋ جانە تالعاۋ قابىلەتتەرىنىڭ اسا ءماز ەمەس ەكەنىنە كوز جەتكىزگەندەي بولدىق. بۇل ەندى تۇسىنىكتى نارسە. كورشىسىنەن كوشىرمە جاساۋدى عانا مەڭگەرگەن قاراعاندى پروكۋرورلارىندا نەبىر وزىندىك وي-تالعام بولسىن... ءسويتىپ، اتىنا - زاتى ساي ءانۇران وسىنداي بولادى ەكەن دەپ قالدىق.
قازاقستان پروكۋرورلارىنىڭ ءانۇرانى
ءسوزىن جازعان: ءشومىشباي ساريەۆ
ءانىن جازعان: ۆلاديمير پيتەرتسەۆ
تاڭ اتادى - ازاماتقا جۇك ارتىپ،
قىسقا عۇمىر - كۇن باتادى مۇنارتىپ.
جەر بەتىندە، ادام - ادام بولعاسىن،
ار الدىندا، زاڭ الدىندا كىم ارتىق!؟
بار ادامعا ءبىر عانا تەك قۇداي بار،
حارامدار كوپ تۇنىعىڭدى ىلايلار،
ءبىز بولماساق - ادىلەتتى كىم ساقتار،
ءبىز بولماساق - ەلدىڭ جايىن كىم ويلار!؟
قايىرماسى:
ادامسىڭ با، ەل - حالقىڭا سور بولما،
ادامسىڭ با، ار الدىندا قور بولما،
ادىلەتتى زاڭ جولى بار - تۋرا جول،
كەلەدى ەلىم! تاۋەلسىزدىك سول جولدا!
كۇن نۇرى بار، بارشاعا ورتاق جايىپتى،
ادىلەت زاڭ! - جازالانار ايىپتى،
قۇداي بەرگەن بار عۇمىردى كەشۋگە،
ءاربىر ادام، ءاربىر جۇرەك لايىقتى.
ساناساتىن اقىل-ويمەن، سانامەن،
تەڭىز - تەرەڭ، تاۋلار بيىك،
دالا - كەڭ،
زاڭ الدىندا ءبىز ادىلەت ساقشىسى،
پروكۋرور دەپ ەسىم قويعان بار الەم!
قايىرماسى:
اقيقاتقا تۋرا كوزبەن قارايىق،
قىلمىسكەرگە - تاعىلادى سان ايىپ،
ادىلەتتى زاڭ جولىنىڭ مامانى،
بىزدەردى ەندى باسقاشا ۇقپا حالايىق.
تازالىق بار - اشقان كوڭىل سارايىن،
قياناتتىڭ - كوردى ءومىر تالايىن.
زاڭنىڭ جولى - تاپتاماسىن گۇلدەردى،
زاڭنىڭ جولى - سەنىڭ جولىڭ، اعايىن!
قايىرماسى.
P.S. وكىنىشكە وراي، ءبىز «قازاق ستان پروكۋرورلارىنىڭ ءانۇرانىنىڭ» اۋديونۇسقاسىن تابا المادىق. بىراق، سالىستىرۋ ءۇشىن وعان نەگىز بولعان «گيمن پروكۋراتۋرى روسسي» (پەرەد زاكونوم ۆسە راۆنى) ءانىنىڭ اۋديونۇسقاسىن قوسا بەرگەندى ءجون سانادىق. قالعانىن وزدەرىڭىز توپشىلاي بەرىڭىزدەر، اعايىن!
«اباي-اقپارات»
