قازاقستاندا جىل سوڭىنا دەيىن سالىق قارىزى تۋرالى SMS-حابارلاما تاراتۋ جۇيەسى ىسكە قوسىلادى. بۇل تۋرالى قارجى ءمينيسترى ءاليحان سمايىلوۆ مالىمدەدى، دەپ حابارلايدى Tengrinews.kz. 

"سالىق قارىزى تۋرالى SMS-حابارلاما تاراتۋ جۇيەسىن جىل سوڭىنا دەيىن ەنگىزۋدى جوسپارلاپ وتىرمىز. بىراق، بۇل ازاماتتاردىڭ دەر ۋاقىتىندا سالىق تولەيتىنى تۋرالى كەپىلدىك بەرمەيدى", - دەدى ۆەدومستۆو باسشىسى ماجىلىستە ۇكىمەت ساعاتىندا. ءاليحان سمايىلوۆ شەكارا اسىپ بارا جاتقان تۇلعالار ءۇشىن سالىقتى سول جەردە (اۋەجايدا) تولەۋ مۇمكىندىگى پايدا بولعانىن ايتتى.  "تولەم جاسالعانى تۋرالى مالىمەت ءاپ-ساتتە كەلەدى. ۇكىمەتتىڭ ەلەكتروندى شليۋز ارقىلى بانكتەرمەن تىكەلەي جۇمىس ىستەيمىز. بۇل تولەمىنىڭ جاسلاعانى تۋرالى مالىمەتتى ءبىر، ەكى مينۋتتا كورۋگە مۇمكىندىك بەرەدى. سول سەبەپتى، شەكارادن اسۋ كەزىندە مۇنداي ماسەلەلەر تۋىندامايدى", - دەدى مينيستر دەپۋتاتتارعا.

دەرەككوز: turkystan.kz

Abai.kz