جۇما, 29 ناۋرىز 2024
ونەر 4914 0 پىكىر 29 قاڭتار, 2019 ساعات 09:32

ۇستازداردىڭ اۋىر ءحالى ونەر ساحناسىنا جول تارتتى...

30 قاڭتار كۇنى عابيت مۇسىرەپوۆ اتىنداعى قازاق مەملەكەتتىك بالالار جانە جاسوسپىرىمدەر تەاترىندا «قۇپيا» سپەكتاكلىنىڭ پرەمەراسى وتەدى، - دەپ حابارلايدى اباي-اقپارات. 

"قۇپيا" - قازىرگى ۇستازداردىڭ جاي-كۇيىن، ولاردىڭ ەل الدىنداعى بەدەلىنىڭ قالاي قۇلدىراعانىن ءھام قوعامنىڭ اششى شىندىعىن اشىپ كورسەتەتىن قويىلىم. شىڭعىس ايتماتوۆتىڭ ماڭگۇرتىنىڭ كەبىن كيگەن قازىرگى مۇعالىمدەردىڭ ىشكى ارپالىسى، ءبىلىم سالاسىنىڭ تىزگىنىن ۇستاعان دوكەيلەردىڭ ءداپ ءبىر قۇدايعا اينالعانداي استامسۋى اتالمىش قويىلىمنىڭ ايتار ويىن تۇيىندەيدى.

27 قاڭتار كۇنى "قۇپيا" قويىلىمىنىڭ كوركەمدىك كەڭەس الدىنداعى جابىق كورسەتىلىمى ءوتتى. پەسا اۆتورى، جاس دراماتۋرگ جانىبەك الكەننىڭ وتىنىشىمەن سول كورسەتىلىمدى Abai.kz اقپاراتتىق ءتىلشىسى دە كورىپ قايتتى.

"قۇپيا" جاس رەجيسسەر ەرلان كارىباەۆتىڭ العاشقى تۋىندىسى ەكەن. قويىلىمنىڭ بەرىلۋ ءتاسىلى سوزدەن گورى، ءىس-ارەكەتكە قۇرىلعان. كوپپەن بىرگە ماڭگۇرت-ۇستازعا اينالعىسى كەلمەگەن كەيىپكەردىڭ ىشكى بۇلقىنىسى قازىرگى كۇنى بۇكىل ۇستازدار قاۋىمىنىڭ پروبلەماسىن كوتەرىپ، شىرىلداپ جۇرگەن ايمان ساعيدوللا، ءومىر شىنىبەكۇلى، اياتجان احمەتجان سەكىلدى ازاماتتاردىڭ كەيپىن ەرىكسىز كوز الدىڭىزعا اكەلەدى.

كىشكەنە عانا كوللەدجدە بولىپ جاتقان وقيعالار ارقىلى بۇكىل مەملەكەتتىڭ ءبىلىم سالاسىنداعى بىلىقتارىن ايپاراداي اشىپ تاستاعان جاس دراماتۋرگ پەن رەجيسسەرگە تابىس تىلەيمىز...

ول تابىس كورەرمەننىڭ كوپ بولۋىمەن ولشەنەدى. سول سەبەپتى دە، پرەمەراعا اسىعىڭىز اعايىن!

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577