استانا. 12 مامىر. قازاقپارات - بۇگىن ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ توراعاسى ەرلان نىعماتۋلين نيۋ-يوركتە ءوتىپ جاتقان بۇۇ تۇراقتى دامۋ جونىندەگى كوميسسياسىنىڭ 19-سەسسياسىنىڭ جۇمىسىندا بايانداما جاسادى.

ول جوعارى دەڭگەيدەگى سەگمەنتتىڭ اشىلۋىندا قازاقستاننىڭ 1992 جىلى قابىلدانعان يوحاننەسبۋرگ جوسپارىنىڭ شەشىمدەرىن ىسكە اسىرۋ بويىنشا قابىلداعان شارالارى تۋرالى ايتتى. قازاقستاننىڭ ن.ا.نازارباەۆتىڭ باسشىلىعىمەن  الەمنىڭ يادرولىق قارۋسىز دامۋ پرينتسيپتەرىن مۇلتىكسىز ۇستاناتىنىن، اتاپ ايتقاندا سەمەي پوليگونىنىڭ جابىلۋىن جانە تۇراقتى دامۋ  پرينتسيپتەرى مەن باستامالارىنىڭ ءبىرىزدى جۇزەگە اسىرىلۋىن اتاپ ءوتتى. سونىمەن قاتار ول قاتىسۋشىلاردى قازاقستانداعى تۇراقتى دامۋ، ەنەرگيا جانە رەسۋرس ۇنەمدەۋ سالاسىنداعى باعدارلامالىق قۇجاتتارمەن، سونداي-اق ەلىمىزدىڭ ەۋروپالىق جانە  ازيالىق ىنتىماقتاستىق ۇدەرىستەرىن  جاقىنداستىرۋ  جونىندەگى شارالارىمەن جانە باستامالارىمەن تانىستىردى.

ە.نىعماتۋلين سەسسيادا كوتەرىلگەن ماسەلەلەر بويىنشا ەكىجاقتى كەزدەسۋلەر مەن ينتەراكتيۆتى جارىسسوزدەرگە قاتىستى.

استانا. 12 مامىر. قازاقپارات - بۇگىن ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىنىڭ توراعاسى ەرلان نىعماتۋلين نيۋ-يوركتە ءوتىپ جاتقان بۇۇ تۇراقتى دامۋ جونىندەگى كوميسسياسىنىڭ 19-سەسسياسىنىڭ جۇمىسىندا بايانداما جاسادى.

ول جوعارى دەڭگەيدەگى سەگمەنتتىڭ اشىلۋىندا قازاقستاننىڭ 1992 جىلى قابىلدانعان يوحاننەسبۋرگ جوسپارىنىڭ شەشىمدەرىن ىسكە اسىرۋ بويىنشا قابىلداعان شارالارى تۋرالى ايتتى. قازاقستاننىڭ ن.ا.نازارباەۆتىڭ باسشىلىعىمەن  الەمنىڭ يادرولىق قارۋسىز دامۋ پرينتسيپتەرىن مۇلتىكسىز ۇستاناتىنىن، اتاپ ايتقاندا سەمەي پوليگونىنىڭ جابىلۋىن جانە تۇراقتى دامۋ  پرينتسيپتەرى مەن باستامالارىنىڭ ءبىرىزدى جۇزەگە اسىرىلۋىن اتاپ ءوتتى. سونىمەن قاتار ول قاتىسۋشىلاردى قازاقستانداعى تۇراقتى دامۋ، ەنەرگيا جانە رەسۋرس ۇنەمدەۋ سالاسىنداعى باعدارلامالىق قۇجاتتارمەن، سونداي-اق ەلىمىزدىڭ ەۋروپالىق جانە  ازيالىق ىنتىماقتاستىق ۇدەرىستەرىن  جاقىنداستىرۋ  جونىندەگى شارالارىمەن جانە باستامالارىمەن تانىستىردى.

ە.نىعماتۋلين سەسسيادا كوتەرىلگەن ماسەلەلەر بويىنشا ەكىجاقتى كەزدەسۋلەر مەن ينتەراكتيۆتى جارىسسوزدەرگە قاتىستى.

حالىقارالىق قاتىسۋشىلار تاراپىنان قازاقستاننىڭ تۇراقتى دامۋ پرينتسيپتەرى مەن مودەلدەرىن قوعامدىق ءومىردىڭ بارلىق سالالارىنا ەنگىزۋ بويىنشا قابىلداعان شارالارىنا وڭ باعا بەرىلدى. اسىرەسە، 2010 جىلى قابىلدانعان، ەكولوگيالىق  تازا، قالدىقسىز جانە رەسۋرس ۇنەمدەيتىن تەحنولوگيالاردى ەنگىزۋگە باعىتتالعان قارقىندى يندۋستريالىق-يننوۆاتسيالىق دامۋ جونىندەگى مەملەكەتتىك باعدارلاما ۇلكەن قىزىعۋشىلىق تۋعىزدى.

ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتى توراعاسىنىڭ سەسسيا بارىسىندا ۇسىنعان اقپاراتى حالىقارالىق قوعامداستىققا قازاقستاننىڭ  ۇلتتىق شارالاردى جۇزەگە اسىرۋدا، سونداي-اق تۇراقتى دامۋدى قامتاماسىز ەتۋ ماقساتىنداعى حالىقارالىق ىنتىماقتاستىق سالاسىندا تۇراقتى دامۋ پرينتسيپتەرىن ۇستاناتىنىن كورسەتتى.