بەس بىردەي ءسابيدىڭ ءولىمى ەسڭگىرەتىپ تاستادى. ويىما ون شاقتى جىل بۇرىنعى ۇلكەن قاسىرەت ءتۇسىپ وتىر. استانالىق ەر ازامات ساپارعا كەتىپ قالعانىندا بۇكىل وتباسى-كەلىنشەگىن، ءۇش بالاسىن قانىشەرلەر ءولتىرىپ كەتكەن ەدى. تانىمايتىن ادامىم. سوندا دا بولسا مەكەن-جايىن تاۋىپ الىپ، كوڭىل ايتۋعا باردىم. كىسى قاراسى كوپ ەكەن. ءبىر ءسات قالا اكىمى يمانعالي تاسماعانبەتوۆ باستاعان توپ كەلدى. جىگىتكە قازاق سالتىمەن كوڭىل ايتتى. ازا تۇتقان ازاماتتى يمانعالي تاسماعانبەتوۆ تە تانىمايدى ەكەن. سونان سوڭ جانىنداعى قىزمەتكەرلەرىنە قايعى جۇتقان ازاماتتى جۇگىرتپەي جەرلەۋ راسىمدەرىن تۇگەلدەي ۇيىمداستىرۋدى تاپسىردى. جۇرتتىڭ كوزىنشە قالا ءىىد باستىعىنا وقيعانىڭ انىق-قانىعىن جۋرناليستەردى جيناپ، جاسىرماي ايتىپ بەرۋدى مىندەتتەدى. سول جەردە بىلگەنىمىز-كۇدىك وسى ۇيمەن ارالاسىپ جۇرگەن كارىس جىگىتىنە ءتۇسىپتى. 

راسىندا دا، كەشكىسىن ءىىد جۋرناليستەردىڭ باسىن قوسىپ، كارىس جىگىتتى قىلمىستى مويىنداعىنىن جانىندا ءبىر شەشەن جىگىتى بولعانىن، مۇنىڭ شەشەنستانعا قاشىپ ۇلگەرگەنىن حابارلادى.

ادەتتە شەت ەلدەن قىلمىستىنى قايتارۋ ۇزاققا سوزىلاتىن شارۋا. بۇل جولى ۇزاماي-اق شەشەن جىگىتتى استاناعا الىپ كەلگەنىن كورسەتتى. تەرگەۋمەن شۇعىلدانعان ىنىشەكتەردى تانۋشى ەدىم. جاي-جاپسارىن سۇرادىم. ەڭبەك يمانعاليدىكى ەكەن. شەشەن باسشىسى رامازان قادىروۆقا يمەكەڭنىڭ ءوزى تىكەلەي شىعىپ، قىلمىسكەردى ۇستاپ بەرۋدى تالاپ ەتىپتى. قاشقىننىڭ كىنالى ەكەنىنە ءوزى كەپىل بولىپتى. رامازان ء"سىز كۋالىككە جۇرسەڭىز، ءسىز وتىنسەڭىز ەش اڭگىمە جوق" دەپ تىعىلىپ جاتقان قانىشەردى ۇستاتىپ، بىزگە تاپسىرىپتى.
استاناداعى بەس ءسابيدىڭ قاسىرەتى وسى وقيعانى ەسكە ءتۇسىردى. سالىستىرىپ وتىرمىن. كىم، قانداي، ءوزى؟

كامال ءابدىراحماننىڭ facebook پاراقشاسىنان

Abai.kz