جۇما, 29 ناۋرىز 2024
ساڭلاق 4520 4 پىكىر 22 اقپان, 2019 ساعات 12:19

باپكەرىن اۋىستىرعان قازاقستان قۇراماسى مولدوۆانى جەڭدى

كەشە قازاقستان ۇلتتىق قۇراماسى تۇركيانىڭ انتاليا قالاسىندا مولدوۆا فۋتبولشىلارىمەن جولداستىق ماتچ وتكىزىپ، 1:0 ەسەبىمەن جەڭىسكە جەتتى.

بيىل قاڭتاردا قازاقستان فۋتبول فەدەراتسياسى ۇلتتىق قۇرامانى ءبىر جىلعا جۋىق ۋاقىت باپتاعان بولگاريالىق مامان ستانيمير ستويلوۆپەن كەلىسىمشارتتى بۇزىپ، چەحيادان ميحال بيلەك دەگەن باپكەردى شاقىرعان بولاتىن.

جاڭا باپكەردى ناۋرىز ايىندا ۇلكەن سىناق كۇتىپ تۇر. 21 ناۋرىزدا 2020 جىلعى ەۋروپا چەمپيوناتىنا ىرىكتەۋ ءتۋرنيرى باستالادى. ءبىزدىڭ قۇرامانىڭ العاشقى قارسىلاستارى شوتلانديا جانە رەسەي فۋتبولشىلارى. وسى ىرىكتەۋ كەزەڭىنە دايىندىق رەتىندە مولدوۆامەن جولداستىق كەزدەسۋ ءوتىپ وتىر.

بىراق بۇل FIFA كۇنتىزبەسىندە بەلگىلەنبەگەن جولداستىق ماتچ بولعاندىقتان قۇرامالاردىڭ رەيتينگىسىنە ەش اسەر ەتپەيدى. ەكى قۇراما دا ويىنعا نەگىزگى قۇرامداعى ويىنشىلارىن شىعارعان جوق. الاڭدا جاستار مەن بۇعان دەيىن قۇراماعا شاقىرتۋ الا الماي جۇرگەن فۋتبولشىلار ونەر كورسەتتى. ءتىپتى وسى ماتچقا «قايرات» كومانداسى بىردە-ءبىر ويىنشىسىن جىبەرمەي قويدى. قارجىنى قالا اكىمدىگىنەن ەمەس، ءوز دەمەۋشىلەرىنەن الاتىن الماتىلىق ۇجىمنىڭ بۇلاي ىستەۋگە تولىق مۇمكىندىگى بار.

بۇل كەزدەسۋ قوس قۇرامانىڭ باپكەرى ءۇشىن دە ۇلكەن سىناق الاڭىنا اينالدى. باس كومانداعا باستى كانديداتتار "ەمتيحان" تاپسىردى. جاس فۋتبولشىلارمەن قاتار ستويلوۆ كەزىندە ۇلتتىق قۇرامادان "قۋىلعان" ازات نۇرعاليەۆ تە قايتا ورالدى. ءتىپتى جاڭا كوماندانى جاسىل الاڭعا كاپيتان رەتىندە باستاپ شىقتى. ءبىزدىڭ بايقاۋىمىزشا، بولگاريالىق باپكەردىڭ كەزىندە كاپيتاندىق مىندەتتى اتقارعان دميتري شومكو جاڭا باپكەر ميحال بيلەكتىڭ قۇرمەتىنە بولەنە المايتىن سەكىلدى.

ورالحان ومىرتاەۆ

قازاقستان قۇراماسىنىڭ جەڭىس گولىن جاس شابۋىلشى ورالحان ومىرتاەۆ سوقتى. ەكىنشى تايمدا الاڭعا شىققان ورالحان الىستان كەرەمەت سوققى باعىتتاپ، كوزگە ءتۇستى. بۇل ونىڭ ۇلتتىق قۇراما ساپىندا قاتارىنان ەكىنشى ويىندا گول سوعۋى. ءارى ەكەۋىن دە قوسالقى قۇرامنان شىعىپ سوقتى. وتكەن جىلى "ۇلتتار ليگاسى" ءتۋرنيرىنىڭ سوڭعى تۋرىندا گرۋزيا قاقپاسىنان ساڭلاۋ تاپقان بولاتىن. 20 جاستاعى جاس شابۋىلشىنىڭ قادامى قازاق جانكۇيەرلەرىنە قۋانىش سىيلاپ وتىر.

قازاقستان – مولدوۆا – 1:0 (0:0)

گول: ومىرتاەۆ 61

ەسكەرتۋ: پەرتسۋح 43

قازاقستان: دميترو نەپوگودوۆ (ق) (يگور شاتسكي 46), تەمىرلان ەرلانوۆ (راۋان ورىنباسار 80), سەرگەي مالىي، ساعادات تۇرسىنباي (بەكزات شادمانوۆ 66), دميتري ميروشنيچەنكو (مارات بىستروۆ 46), دميتري شومكو، يۋري پەرتسۋح، ازات نۇرعاليەۆ (ك) (ەركىن تاپالوۆ 66), ماكسيم فەدين (رافكات اسلان 88), رومان مۋرتازاەۆ (ورالحان ومىرتاەۆ 46), باۋىرجان تۇرىسبەك (گەۆورگ نادجاريان 80).

باس باپكەر: ميحال بيلەك.

مولدوۆا: دميتري چەليادنيك (ق) (دوريان رەيليان 88), يون جاردان، دينۋ گراۋر، گەورگي انتون (دان تاراس 74), ۆياچەسلاۆ پوسماك (ك) (اندرەي ماكريتسكي 67), ارتەم روزگونيۋك، الەكساندر انتونيۋك، ۆلاديمير امبروس، نيكولاي ميلينچانۋ، كونستانتين ساندۋ، ياسەر تسۋركان.

باس باكەر: الەكساندر سپيريدون.

21.02.2019. انتاليا، تۇركيا. «تيتانيك» ستاديونى.

قۋانىش قاپپاس

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610