«ورتاق ماقسات، ورىندى تىلەكتەر توعىستى» - رەسپۋبليكالىق باسىلىمدارعا شولۋ
استانا. 26 مامىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 26 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
كەشە استاناداعى تاۋەلسىزدىك سارايىندا دۇنيەجۇزى قازاقتارىنىڭ IV قۇرىلتايى ەلباسى نۇرسۇلتان نازارباەۆتىڭ قاتىسۋىمەن سالتاناتتى تۇردە اشىلدى. وسىعان وراي «ەگەمەن قازاقستان» گازەتىنىڭ بۇگىنگى سانىندا «ورتاق ماقسات، ورىندى تىلەكتەر توعىستى» دەگەن تاقىرىپپەن ماقالا جاريالاندى. «بۇل قۇرىلتايعا الەمنىڭ 35 ەلىندە تۇراتىن قانداستارىمىزدىڭ اراسىنان 400-گە جۋىق وكىلدەر كەلگەن ەكەن. ال استانا مەن وبلىستاردان كەلگەن قوناقتاردىڭ ءبارىن قوسقاندا، دەلەگاتتار سانى 700-گە جۋىق بولدى. 4-ءشى قۇرىلتايدىڭ ەرەكشە ماڭىزى سول - ول قازاقستان تاۋەلسىزدىگىنىڭ 20 جىلدىعى قارساڭىندا بولىپ وتىرعان اسا ءىرى، ۇلان-اسىر ۇلتتىق شارا بولدى. جينالعان حالىقتىڭ ءبارىنىڭ دە ءجۇزى جارقىن، ءبىر-بىرىمەن قۋانىشتى كوڭىلمەن قاۋىشۋدا. اينالاڭنىڭ بارىنەن تەك قازاق ءتىلى عانا ەستىلگەنىن كورۋ دە ءبىر ءمارتەبە ەكەن. وسىنىڭ ءوزى-اق كوڭىلدى كوك اسپانعا كوتەرگەندەي. بۇل دا ءبىزدىڭ تاۋەلسىزدىگىمىزدىڭ ۇلى جەتىستىكتەرىنىڭ ءبىرى»، - دەلىنگەن ماقالادا. قۇرىلتايدا كوتەرىلگەن وزەكتى ماسەلەلەر تۋرالى اتالمىش ماقالادان ەگجەي-تەگجەيلى بىلە الاسىزدار
استانا. 26 مامىر. قازاقپارات - قازاق اقپارات اگەنتتىگى رەسپۋبليكالىق باسىلىمداردا 26 مامىر، بەيسەنبى كۇنى شىققان وزەكتى ماتەريالدارعا شولۋدى ۇسىنادى.
***
كەشە استاناداعى تاۋەلسىزدىك سارايىندا دۇنيەجۇزى قازاقتارىنىڭ IV قۇرىلتايى ەلباسى نۇرسۇلتان نازارباەۆتىڭ قاتىسۋىمەن سالتاناتتى تۇردە اشىلدى. وسىعان وراي «ەگەمەن قازاقستان» گازەتىنىڭ بۇگىنگى سانىندا «ورتاق ماقسات، ورىندى تىلەكتەر توعىستى» دەگەن تاقىرىپپەن ماقالا جاريالاندى. «بۇل قۇرىلتايعا الەمنىڭ 35 ەلىندە تۇراتىن قانداستارىمىزدىڭ اراسىنان 400-گە جۋىق وكىلدەر كەلگەن ەكەن. ال استانا مەن وبلىستاردان كەلگەن قوناقتاردىڭ ءبارىن قوسقاندا، دەلەگاتتار سانى 700-گە جۋىق بولدى. 4-ءشى قۇرىلتايدىڭ ەرەكشە ماڭىزى سول - ول قازاقستان تاۋەلسىزدىگىنىڭ 20 جىلدىعى قارساڭىندا بولىپ وتىرعان اسا ءىرى، ۇلان-اسىر ۇلتتىق شارا بولدى. جينالعان حالىقتىڭ ءبارىنىڭ دە ءجۇزى جارقىن، ءبىر-بىرىمەن قۋانىشتى كوڭىلمەن قاۋىشۋدا. اينالاڭنىڭ بارىنەن تەك قازاق ءتىلى عانا ەستىلگەنىن كورۋ دە ءبىر ءمارتەبە ەكەن. وسىنىڭ ءوزى-اق كوڭىلدى كوك اسپانعا كوتەرگەندەي. بۇل دا ءبىزدىڭ تاۋەلسىزدىگىمىزدىڭ ۇلى جەتىستىكتەرىنىڭ ءبىرى»، - دەلىنگەن ماقالادا. قۇرىلتايدا كوتەرىلگەن وزەكتى ماسەلەلەر تۋرالى اتالمىش ماقالادان ەگجەي-تەگجەيلى بىلە الاسىزدار
«ەگەمەن قازاقستان» گازەتىنىڭ جازۋىنشا، 24 مامىردا ەلىمىزدىڭ بەلگىلى مەملەكەت قايراتكەرى، پارلامەنت سەناتىنىڭ بۇرىنعى توراعاسى، قازىرگى تاڭدا بۇۇ باس حاتشىسىنىڭ ورىنباسارى، جەنەۆاداعى ەۋروپا بولىمشەسىنىڭ باس ديرەكتورى قاسىم-جومارت توقاەۆ قارۋسىزدانۋ كونفەرەنتسياسىنىڭ باس حاتشىسى - بۇۇ باس حاتشىسىنىڭ قارۋسىزدانۋ كونفەرەنتسياسىنداعى جەكە وكىلى قىزمەتىنە رەسمي تۇردە كىرىستى. «قارۋسىزدانۋ كونفەرەنتسياسىنىڭ قالىپتاسقان ەرەجەسىنە ءسايكەس اتالعان جاۋاپتى قىزمەتكە بۇۇ باس حاتشىسىنىڭ ۇسىنىسى نەگىزىندە جانە قارۋسىزدانۋ كونفەرەنتسياسى مۇشەلەرىنىڭ تولىق قولداۋىمەن تاعايىندالاتىنى بەلگىلى»، دەپ جازادى باسىلىم.
***
«بۇعان دەيىن ەل باسشىلىعىنىڭ «ونداي بولمايتىندىعىنا» سەندىرىپ باققاندىعىنا قاراماستان، سەيسەنبى كۇنى بەلورۋسسيادا دەۆالۆاتسيا جاسالدى: كەزىندە «زايچيكتىڭ» ورنىن باسقان جەرگىلىكتى رۋبل ءبىر-اق تۇندە ەلدى ەستەن تاندىرارلىقتاي كۇرت قۇنسىزدانىپ، دوللارعا قاتىستى 56 پايىزدان ارتىق ارزانداعان! وسى وقيعانىڭ قارساڭىندا «باتكو» قازاقستانعا ۇشىپ كەتتى. وسى ساپارى بارىسىندا بەلارۋس پرەزيدەنتى ا.لۋكاشەنكو ەلدەگى ءتيىستى قۇرىلىمدىق رەفورمالاردى سوناۋ 90-جىلداردىڭ باسىندا-اق جۇرگىزگەن ەلباسىنىڭ اقىل-كەڭەسىن تىڭداپ، قازاقستاننىڭ جاعدايىمەن ءۇش كۇن بويى جاتا-جاستانا تانىسقان دەسەدى»، - دەپ جازادى «ايقىن» گازەتى. مارتەبەلى مەيماننىڭ ەلىمىزگە جاساعان ساپارى جايىندا تولىعىراق «ماعان قازاقستان پرەزيدەنتىنىڭ ۇسىنىسى ۇنايدى» دەگەن ماقالادان بىلە الاسىزدار.
***
حالىق قالاۋلىلارى دۇنيەجۇزى قازاقتارى قۇرىلتايى قارساڭىندا ەرەكشە سىي جاسادى. كەشە پارلامەنت ءماجىلىسىنىڭ جالپى وتىرسىندا كوپتەن بەرى قوعامنىڭ نازارىن وزىنە اۋدارىپ كەلە جاتقان «حالىقتىڭ كوشى-قونى تۋرالى» زاڭ جوباسى ەكىنشى وقىلىمدا ماقۇلداندى. تورتكۇل دۇنيەنىڭ تۇپكىرىنە جايىلعان الاش بالاسىنىڭ باسى قوسىلعان جيىننان كوڭىلدى ورالعان دەپۋتاتتار زاڭ جوباسىن ەشقانداي ۋ-شۋسىز قابىلداپ جىبەردى. وسى جايت ارقاۋ بولعان ماقالا «الاش ايناسى» گازەتىنىڭ بەيسەنبىلىك سانىندا «كوشى-قون تۋرالى» زاڭ جوباسى قابىلداندى» دەگەن تاقىرىپپەن بەرىلدى.
وسى باسىلىمنىڭ تۇراقتى «دات!» ايدارىندا اۋىل شارۋاشىلىعى عىلىمىنىڭ كانديداتى قادىرباي تاجيەۆپەن اراداعى سۇحبات «2015 جىلدارعا قاراي قازاقستان ءۇشىن استىق ەكسپورتىنان ەت ەكسپورتى تيىمدىرەك بولادى» دەگەن تاقىرىپپەن بەرىلگەن. باسىلىم ءتىلشىسىنىڭ بارلىق ساۋالدارىنا تۇششىمدى جاۋاپ بەرگەن ول: «قازاقتى جالقاۋ، ەنجار دەگەنگە مەن كەلىسپەيمىن. ەگەر قازاق جالقاۋ، ەنجار بولاتىن بولسا، ەۋروپالىقتاردان 80 ەسە ارتىق كۇش جۇمساپ، تىرشىلىك كەشۋدەن الدەقاشان ءتۇڭىلىپ كەتەر ەدى. سوندىقتان ءبىزدىڭ حالىقتىڭ وزگە ەلدەرمەن باسەكەگە قابىلەتتى بولۋعا قارىمى دا، قابىلەتى دە جەتكىلىكتى»، - دەيدى.
***
«اقوردادا مەملەكەت باسشىسى نۇرسۇلتان نازارباەۆتىڭ توراعالىعىمەن رەسپۋبليكانىڭ قاۋىپسىزدىك كەڭەسىنىڭ كەزەكتى وتىرىسى ءوتتى»، - دەپ جازادى «كازاحستانسكايا پراۆدا» گازەتى. باسىلىمنىڭ اتاپ وتۋىنشە، وتىرىستا ەلىمىزدىڭ اقپاراتتىق قاۋىپسىزدىگىن قامتاماسىز ەتۋ مەن قىلمىستىق-اتقارۋ جۇيەسىن دامىتۋ ماسەلەلەرى قارالدى. سونداي-اق جەكەلەگەن مەملەكەتتىك ورگانداردىڭ جەتەكشىلەرىنىڭ ۇلتتىق قاۋىپسىزدىكتىڭ وسى ماڭىزدى سالاسىن قۇرايتىن ەل پرەزيدەنتىنىڭ اكتىلەرى مەن تاپسىرمالارىنىڭ ورىندالۋ بارىسى تۋرالى اقپاراتتارى تىڭدالدى.
