قر پارلامەنتى ءماجىلىسىنىڭ جالپى وتىرىسىندا دەپۋتات جاراسباي سۇلەيمەنوۆ قر سىرتقى ىستەر ءمينيسترى ەرجان قازىحانوۆقا بىلاي دەدى:

«بۇگىن، ءبارىمىز استانادا ءوز جۇمىسىن باستاعان دۇنيەجۇزى قازاقتارىنىڭ IV قۇرىلتايىنىڭ اشىلۋ سالتاناتىنا قاتىستىق. وعان تۇركىمەنستانداعى قازاق دياسپوراسىنىڭ جەتەكشىسى بيسەنعۇل وڭايۇلى بەگدەسىنوۆ تە دەلەگات رەتىندە قاتىسۋعا ءتيىس ەدى. الايدا ول تۇرىپ جاتقان ەلىنەن شىعا المادى. انىعىن ايتساق، شىعارمادى.

قر پارلامەنتى ءماجىلىسىنىڭ جالپى وتىرىسىندا دەپۋتات جاراسباي سۇلەيمەنوۆ قر سىرتقى ىستەر ءمينيسترى ەرجان قازىحانوۆقا بىلاي دەدى:

«بۇگىن، ءبارىمىز استانادا ءوز جۇمىسىن باستاعان دۇنيەجۇزى قازاقتارىنىڭ IV قۇرىلتايىنىڭ اشىلۋ سالتاناتىنا قاتىستىق. وعان تۇركىمەنستانداعى قازاق دياسپوراسىنىڭ جەتەكشىسى بيسەنعۇل وڭايۇلى بەگدەسىنوۆ تە دەلەگات رەتىندە قاتىسۋعا ءتيىس ەدى. الايدا ول تۇرىپ جاتقان ەلىنەن شىعا المادى. انىعىن ايتساق، شىعارمادى.

بەگدەسىنوۆ دەگەن كىم؟ قازاقستاندىق اقپارات قۇرالدارىنداعى دەرەك كوزدەرىنە سۇيەنسەك، بەگدەسىنوۆ تۇركىمەنستانداعى از قازاقتىڭ جوعىن جوقتاپ، مۇڭىن مۇڭداپ جۇرگەن كوزى اشىق، كوكىرەگى وياۋ ازامات. ونىڭ قىسىمعا ۇشىراپ، وسىنداي جاعدايعا دۋشار بولۋىنا تۇرىكمەنستاندا تۇرىپ جاتقان قازاقتاردىڭ مۇددەسىن قورعاۋداعى بەلسەندى ازاماتتىق ۇستانىمى سەبەپ بولىپ وتىرعان سياقتى. كەزىندە تۇركىمەنستاندا قازاق مادەني ورتالىعىن اشۋ جونىندە باستاما كوتەرىپ، وكىنىشكە وراي، تىركەۋگە كەلگەندە، جەرگىلىكتى بيلىكتىڭ رۇحساتىن الا الماعان ول كوشى-قون ماسەلەسىندە تىعىرىققا تىرەلگەن قانداستارىنا قول ۇشىن بەرىپ، جات جۇرتتا ءجۇرىپ جيعان-تەرگەندەرىن شاشپاي-توكپەي ەلگە ورالۋلارىنا كومەكتەسپەك بولعان. ويتكەنى، قازاقتار تۇركىمەنستاننان تاريحي وتانىنا ورالۋ ءۇشىن ءۇي-جايىن مەملەكەتكە تاستاپ كەتۋگە ءتيىس. وسىنىڭ ءوزى-اق اتاجۇرتقا  قونىس اۋدارۋدى اڭساعان قازاقتاردىڭ اياعىنا تۇساۋ بولىپ وتىر. بەگدەسىنوۆ رەسەيدە تۇراتىن تانىستارى ارقىلى ىقتيار حاتتار جاساپ، كوشۋگە بەل بايلاعان قازاقتاردىڭ ۇيلەرىن جەكەشەلەندىرۋگە كومەكتەسكەن. ونىڭ بار كىناسى - وسى.  سوعان قاراماستان، تۇركىمەنستاننىڭ زاڭ ورىندارى 2011 جىلدىڭ 11 ساۋىرىندە اشحابادتا بيسەنعۇل وڭايۇلى بەگدەسىنوۆتى الاياقتىق جاسادى جانە پارا الدى دەگەن ايىپپەن تۇتقىندادى. اقىرى، ءىس سوتقا جەتىپ، بيسەنعۇل بەگدەسىنوۆ وزىنە تاعىلعان ايىپتاردىڭ ءبىرى بويىنشا شارتتى تۇردە باس بوستاندىعىنان ايىرىلدى. تۇركىمەنستاننىڭ ۇلتتىق قاۋىپسىزدىك مينيسترلىگى  ونى قاماۋدان بوساتقانمەن، جەكە باسىن كۋالەندىرەتىن قۇجاتتارىنان ايىرىپ، ەلدەن شىعۋىنا تيىم سالىپ وتىر. ويتكەنى، سوتتىڭ شەشىمىنە سايكەس ول مەملەكەتكە ءوزى جەكەشەلەندىرۋگە كومەكتەسكەن، ءسويتىپ تۇركىمەنستان قازاقتارىنىڭ مەنشىگىنە اۋىسقان  ۇيلەردىڭ قۇنىن وتەۋگە ءتيىس. وسى ماسەلە شەشىلگەنگە دەيىن ول ەشقايدا شىعا المايدى.

قۇرمەتتى ەرجان حوزەۇلى، وسى جاعدايعا ارالاسىپ، شەتتە قىسىم كورىپ، قۋدالانىپ جاتقان بەيسەنعۇل وڭايۇلىنىڭ اراشا ءتۇسۋىڭىزدى، بيسەنعۇل بەگدەسىنوۆتىڭ جانە وتباسىنىڭ تەزىرەك ەلگە ورالۋىنا كومەكتەسۋىڭىزدى سۇرايمىن. بەگدەسىنوۆ - ءدال قازىر  تۇركىمەنستان ازاماتى بولعانمەن، ءتۇبى قازاق. الەمنىڭ تۇكپىر-تۇكپىرىنە تارىداي شاشىراعان قازاقتىڭ ءبىر عانا وتانى بار. ول - قازاقستان. سوندىقتان قازاقستان بار قازاققا قامقورشى بولۋعا، باستارىنا ءىس تۇسكەندە ولاردى قورعاۋعا ءتيىس».

قولداعاندار: قر ءماجىلىس دەپۋتاتتارى: مۇرات ابەنوۆ جانە ايگۇل سولوۆەۆا