داريعا نازارباەۆا سەنات ءتورايىمى قىزمەتىنە سايلاندى، - دەپ حابارلايدى اباي-اقپارات.

سەنات دەپۋتاتتارى اراسىندا قۇپيا داۋىس بەرۋ ناتيجەسىندە وسىنداي شەشىم شىقتى.

داريعا نازارباەۆا قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى قىزمەتىندە بولعان ەدى.

داريعا نۇرسۇلتانقىزى 1963 جىلى 7 مامىردا قاراعاندى وبلىسىنىڭ تەمىرتاۋ قالاسىندا دۇنيەگە كەلگەن. 1980-1983 جىلدارى م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ تاريح فاكۋلتەتىندە وقىعان. 1983-1985 جىلدارى - س.م. كيروۆ اتىنداعى قازاق مەملەكەتتىك ۋنيۆەرسيتەتىنىڭ تاريح فاكۋلتەتىنىڭ ستۋدەنتى. 1985-1987 جىلدارى - م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى تاريح فاكۋلتەتىنىڭ تاعىلىمدامادان ءوتۋشى-زەرتتەۋشىسى. 1987-1990 جىلدارى - م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ اسپيرانتى. ساياساتتانۋ عىلىمىنىڭ دوكتورى، تاريح عىلىمىنىڭ كانديداتى.

1992-1994 جىلدارى - «بوبەك» بالالار قايىرىمدىلىق قورىنىڭ ۆيتسە- پرەزيدەنتى.

1994-1995 جىلدارى - «قازاقستاننىڭ تەلەۆيدەنيە جانە راديو» رەسپۋبليكالىق كورپوراتسياسىنىڭ ۆيتسە-پرەزيدەنتى، «حابار» ۇلتتىق تەلەۆيزيا اقپاراتتىق اگەنتتىگىنىڭ ديرەكتورى.

1995-1998 جىلدارى - قازاقستان رەسپۋبليكاسى ۇكىمەتىنىڭ «حابار» اگەنتتىگى» رەسپۋبليكالىق مەملەكەتتىك كاسىپورنىنىڭ باس ديرەكتورى.

1998-2001 جىلدارى - «حابار» اگەنتتىگى» جاق-نىڭ پرەزيدەنتى.

2001-2004 جىلدارى - «حابار» اگەنتتىگى» جاق-نىڭ ديرەكتورلار كەڭەسىنىڭ ءتورايىمى.

2004-2007 جىلدارى - ءىىى سايلانعان قازاقستان رەسپۋبليكاسى پارلامەنتى ءماجىلىسىنىڭ رەسپۋبليكالىق «اسار» پارتياسىنىڭ ءتىزىمى بويىنشا سايلانعان دەپۋتاتى، «ايماق» دەپۋتاتتىق توبىنىڭ جەتەكشىسى.

2007-2012 جىلدارى - «قازاقستان رەسپۋبليكاسى تۇڭعىش پرەزيدەنتىنىڭ قورى» قوعامدىق قورىنىڭ ديرەكتورى.

2012 جىلعى 20 قاڭتاردان باستاپ قازاقستان رەسپۋبليكاسى پارلامەنتى ءماجىلىسى الەۋمەتتىك-مادەني دامۋ كوميتەتىنىڭ ءتورايىمى. «نۇر وتان» حدپ ساياسي كەڭەسىنىڭ مۇشەسى.

2001 جىلدان باستاپ ەۋرازيالىق مەديافورۋمىنىڭ ۇيىمداستىرۋشىسى جانە ۇيىمداستىرۋ كوميتەتىنىڭ ءتورايىمى.

2014 جىلدىڭ ءساۋىر ايىنان باستاپ قر پارلامەنتى ءماجىلىسى توراعاسىنىڭ ورىنباسارى، "نۇر وتان" فراكتسيانىڭ باسشىسى.

بۇگىنگە دەيىن قر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتورايىمى قىزمەتىندە بولدى.

Abai.kz