بارلىعىمىز وتكەن اپتادا، اياقاستىنان الەۋمەتتىك جەلىدە شەنەۋىكتەردىڭ اككاۋنت اشۋ كەزەڭىنە تاپ بولدىق.

شەنەۋىكتىڭ اككاۋنتى ەكەندىگىن بىردەن بىلۋگە بولاتىن ءوز بەلگىسى بار.
ولار مىندەتتى تۇردە گالستۋك، كاستيۋم-شالبارمەن تۇسەدى، سودان كەيىن، قاباقتارى ءتۇيۋلى، نەمەسە، مۇلدەمگە ەموتسيا جوق.

ەلىمىزدىڭ تۋى مەن گەربىنە جابىسىپ تۇرادى. ونىڭ قانداي ءمانى بار ەكەندىگىن تۇسىنبەدىك. الدە، "ەلدەگى بيلىك ۇلكەندى-كىشىلى، ءبىزدىڭ قولدا، بيلىكتى ولسەك تە بەرمەيمىز" دەگەن سۇس پا،الدە اسىرە پاتريوتيزم بە، ازىرشە تۇسىنبەدىك.
اقجارقىن، كۇلىپ تۇرعان، پەيىل كورسەتكەن فون از.

بۇل شەنەۋىكتەردىڭ قوعاممەن، ازاماتتارمەن، حالىقپەن جاقىنداسۋعا ءالى دە دايىن ەمەس ەكەندىگىن كورسەتسە كەرەك.
ارينە، باسشىلاردىڭ اراسىندا اككاۋنتتارىن، دوڭگەلەتىپ، اينالدىرىپ الىپ كەتكەن، جەلىدە جۇمىسىن كورسەتىپ جۇرگەن ازاماتتار دا بار. ولار قوعام مەن بيلىكتىڭ وسىناۋ بايلانىس قۇرالى وتە وڭتايلى ەكەندىگىن تۇسىنگەن وزىق اكىم دەۋگە بولادى.

ال ەندى، اكىم-قارانىڭ باسىم كوپشىلىگىنە كەلسەك، اككاۋنت قوعاممەن بايلانىستىڭ جاقسى قۇرالى.
الەۋمەتتىك جەلى ارقىلى كوپتەگەن الەۋمەتتىك ماسەلەلەردى شەشىپ قانا قويماي، اۋىل، اۋدان، وبلىستاعى ءتۇيىندى پروبلەمالار جونىندە ەلدىڭ تامىرىن باسىپ وتىرۋعا بولادى.

اۋىلداعى مەديتسينا، بايلانىس، مادەنيەت، مەكتەپتەردىڭ جاعدايى جونىندە اقپارات.
اۋىلداعى الەۋمەتتىك جاعدايى ناشار، كومەككە جۇقتاج جانۇيالار جونىندەگى اقپارات جيۋدىڭ ءادىسى رەتىندە پايدالانۋعا بولارى ءسوزسىز.
مۇمكىن، اكىمدەرگە الەۋمەتتىك جەلىنى قالاي پايدالانۋ جونىندە وقۋ-پراكتيكالىق سەمينارلار وتكىزۋ قاجەت بولار. ول سەميناردىڭ باعدارلاماسىن دا جاساۋعا بولادى.
جەلى تەك مىندەت ەمەس، الەۋمەتتىك بايلانىس ورناتۋدىڭ وراسان-زور مۇمكىنشىلىگى.

مەنىڭ ويىمشا، اكىم-قارالار الەۋمەتتىك جەلىمەن نە ىستەرىن بىلمەي وتىرعان ءتارىزدى. اككاۋنتتارىن اشىپ الدى دا، ءۇنسىز قالدى.

"جاڭا ءومىردىڭ جاڭا بەلەستەرى" دەگەنىمىز وسى.

ەرلان سايروۆتىڭ facebook پاراقشاسىنان

 Abai.kz