جەكسەنبى, 21 شىلدە 2019
ايماق 1044 6 پىكىر 31 مامىر, 2019 ساعات 18:29

قىزىلوردالىقتار ساياسي قۋعىن-سۇرگىن جانە اشارشىلىق قۇرباندارىن ەسكە الدى

وبلىس ورتالىعىندا اشارشىلىق جانە ساياسي قۋعىن-سۇرگىن قۇرباندارىنا ارنالعان ەسكە الۋ شاراسى ءوتتى، - دەپ حابارلايدى اباي-اقپارت.

– 1992 جىلى وسى ماسەلەنى ارنايى زەرتتەگەن قازاقستان رەسپۋبليكاسىنىڭ جوعارعى كەڭەسى تورالقاسىنىڭ كوميسسياسى ءوزىنىڭ قورىتىندىسىندا: «قازاق ەلى اشتىقتان جانە سوعان بايلانىستى ىندەتتەردەن، سونداي-اق، تابيعي ءولىم دەڭگەيىنىڭ ۇدايى جوعارى بولۋىنان 2 ملن. 200 مىڭ ادامنان، ياعني، بارلىق قازاق حالقىنىڭ 48 پايىزىنان ايىرىلدى»، - دەپ جازدى. اشتىقتان، نەگىزىنەن، جاس بالالار مەن ايەلدەر قىرىلعاندىقتان قازاقتاردىڭ ءوسۋى قاتتى تەجەلدى. كەيىن بۇل اشتىق «قىزىل قىرعىن»، «گولوششەكيندىك گەنوتسيد» دەگەن اتاۋعا يە بولدى. گولوششەكيندىك زۇلماتتىڭ قازاق حالقىنا الىپ كەلگەن شىعىنى الەم تاريحىندا گيتلەرشىلدەردىڭ ەۆروپاداعى ەۆرەيلەرگە جاساعان سويقانىمەن پارا-پار كەلىپ، كامپۋچياداعى «قىزىل كحمەرلەر» زاردابىنان اسىپ ءتۇستى. بۇل زۇلمات حح عاسىرداعى ادامزات بالاسىنا قارسى جاسالعان ەڭ ورەسكەل قىلمىستىڭ ءبىرى بولىپ سانالادى، - دەدى قىزىلوردا وبلىسىن اكىمى قىرىمبەك كوشەرباەۆ.

سونداي-اق، شارا بارىسىندا قۇربانداردى ەسكە الۋ ماقساتىمەن ءبىر مينۋتتىق ۇنسىزدىك جاريالانىپ، ەسكەرتكىشكە گۇل شوقتارى قويىلدى.

Abai.kz

6 پىكىر