جۇما, 29 ناۋرىز 2024
3056 4 پىكىر 24 ماۋسىم, 2019 ساعات 10:54

"مەن وزگەردىم": گۇلنارا كاريموۆا شەتەلدىك بانكتەردەگى اقشاسىن قايتارۋعا دايىن

تۇرمەدە جازاسىن وتەپ جاتقان وزبەكستاننىڭ ەكس-پرەزيدەنتى يسلام كاريموۆتىڭ ۇلكەن قىزى گۇلنارا قازىرگى پرەزيدەنتتەن كەشىرىم سۇرادى. ول شەتەل بانكتەرىندە جاتقان 686 ملن دوللاردى قايتارۋعا دايىن ەكەنىن مالىمدەدى.

كاريموۆانىڭ بۇل ۋادەسىن ينستاگرامدا ونىڭ قىزى يمان كاريموۆا جاريالادى.

"وزبەكستان اۋماعىنداعى مەنىڭ بارلىق اكتيۆتەرىم قازىر وزىمە تيەسىلى ەمەس. 1,2 ملرد دوللار قاراجات رەسپۋبليكالىق بيۋدجەتكە قىزمەت ەتىپ جاتىر", - دەگەن كاريموۆا.

ول سونىمەن بىرگە شەتەلدەگى بانكتەردىڭ ەسەپ-شوتتارىنداعى اقشادان دا باس تارتۋعا دايىن ەكەنىن جازعان: "مەنىڭ ءوتىنىشىم بويىنشا ادۆوكاتتارىم 131 ملن جانە 555 ملن دوللاردى مەنشىگىمدە قالدىرۋ ارىزىمدى قايتارىپ الدى".

"قازىر مەن دەنساۋلىعىما الاڭدايمىن. ماعان ەكى بىردەي وپەراتسيا جاساۋ كەرەك. سول ءۇشىن پرەزيدەنتتەن كومەك سۇرايمىن",- دەيدى كاريموۆا.

شۆەيتساريالىق ادۆوكاتى گرەگۋار مانجە تۆيتتەرگە ونىڭ دەنساۋلىعى ناشارلاپ كەتتى دەپ جازعان.

كاريموۆا تاشكەنت تۇبىندەگى زانگياتا اۋدانىنداعى № 21 ايەلدەر كولونياسىندا جازاسىن وتەپ جاتىر. بيىل ناۋرىز ايىندا ونى ۇيقاماقتان تۇرمەگە اۋىستىرعان.

2015 جىلى كاريموۆاعا قارسى شۆەتسيادا، شۆەيتساريادا جانە اقش-تا ميللياردتاعان دوللار پارا الدى دەگەن ايىپپەن قىلمىستىق ءىس قوزعالعان. 2017 جىلدىڭ جەلتوقسان ايىندا وزبەكستاندا گۇلنارا كاريموۆانى 53 ملن دوللار شىعىن كەلتىردى دەگەن ايىپپەن 10 جىلعا سوتتاعان. بىراق اپەللياتسيالىق شاعىمنان كەيىن جازاسىن جەڭىلدەتىپ، 5 جىلعا ۇيقاماققا اۋىستىرعان. بىراق كەيىن ۇيقاماق ءتارتىبىن بۇزدى دەپ قايتا تۇرمەگە جاپقان.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606