سارسەنبى, 18 قىركۇيەك 2019
انىق 1642 7 پىكىر 5 شىلدە, 2019 ساعات 13:43

مينيستر: جەر شەتەلدىكتەرگە ساتىلمايدى

قر اۋىل شارۋاشىلىعى ءمينيسترى ساپارحان وماروۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا جەردىڭ شەتەلدىكتەرگە ساتىلمايتىنىن ايتتى. 

«شەتەلدىكتەرگە جەر ساتىلا ما؟» دەگەن سۇراققا جاۋاپ بەرگەن مينيستر جەردىڭ شەتەلدىكتەرگە ساتىلمايتىنىن ءارى ۋاقىتشا قولدانىسقا دا بەرىلمەيتىنىن مالىمدەدى.

- شەتەلدىكتەرگە جەر ساتىلا ما؟» دەگەن سۇراق قويىلدى.  «شىنىندا دا، سوڭعى ۋاقىتتا ينتەرنەتتە شەتەلدىكتەرگە جەردىڭ ساتىلۋى تۋرالى قاۋەسەت تارادى. بىردەن ايتقىم كەلەدى، قازىرگى ۋاقىتتا شەتەلدىكتەردىڭ جەكە مەنشىگىنە جەر ساتىلمايدى. ۋاقىتشا قولدانىسقا دا بەرىلمەيدى. الداعى ۋاقىتتا دا شەتەلدىكتەرگە جەر بەرىلمەيدى، - دەدى س. وماروۆ.

بۇعان دەيىن قر پرەزيدەنتى قاسىم-جومارت توقاەۆ تا جەردىڭ شەتەلدىكتەرگە ساتىلمايتىنىن ايتقان ەدى.

- جەر شەتەلدىكتەرگە ساتىلمايدى. بۇل مەنىڭ پرەزيدەنت رەتىندەگى بەرىك ۇستانىمىم!، - دەگەن بولاتىن مەملەكەت باسشىسى قوستاناي وبلىسىندا اۋىل شارۋاشىلىعى ماماندارىمەن وتكەن كەزدەسۋدە.

ءبارمىز بىلەتىندەي، 2016 جىلى ەلىمىزدە ۇلكەن جەر داۋى ورىن الدى. كوپشىلىك جەردىڭ شەتەلدىكتەرگە ساتىلماۋىن، جالعا بەرىلمەۋىن تالاپ ەتتى. Cول جىلدىڭ 24 ساۋىرىندە اتىراۋ قالاسىندا باستالعان نارازىلىق اكتسيالارى ەلىمىزدىڭ وزگە وڭىرلەرىندە دە جالعاسىپ، مامىر ايىنىڭ باسىندا تۇڭعىش پرەزيدەنت نۇرسۇلتان نازارباەۆ جەر كودەكسىندەگى رەزونانس تۋدىرعان زاڭ باپتارىنا موراتوري جاريالاعان ەدى.

ال جەر رەفورماسىن حالىقپەن بىرگە تالقىلاۋ ءۇشىن ۇكىمەت جانىنان قۇرىلعان ارنايى كوميسسيا اتالعان ءموراتوريدىڭ مەرزىمىن 2021 جىلدىڭ سوڭىندا دەيىن ۇزارتۋدى ۇسىندى. وسى ۇسىنىسقا ساي پرەزيدەنت نازارباەۆ 19 تامىزدا شەتەلدىكتەرگە جەردى جالعا بەرۋ تۋرالى زاڭعا 2021 جىلعا دەيىن موراتوري جاريالادى.

Abai.kz

7 پىكىر