اقپاراتتىق حابارلاما
اقپاراتتىق حابارلاما
قمگ ءبو ءوز كاسىپورىندارىنداعى نارازىلىق اكتسيالارى توڭىرەگىندەگى ارانداتۋشىلىقتاردى جوققا شىعارادى
استانا، 7 شىلدە 2011 ج. «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») «وزەنمۇنايگاز» ءوف («ومگ») جانە «قاراجانباسمۇناي» («قبم») اق-لارىندا بولىپ جاتقان نارازىلىق اكتسيالارى توڭىرەگىندە ارانداتۋشىلىق ارەكەتتەردىڭ جيىلەپ كەتۋىنە بايلانىستى تومەندەگىدەي مالىمدەمە جاساۋدى قاجەت دەپ سانايدى.
قازىرگى تاڭدا ومگ-دا جالپى 9000 جۇمىسكەردىڭ 13 %-ى عانا جۇمىسقا شىقپاي وتىر. نارازىلىق اكياسىنا قاتىسۋشىلاردىڭ باسىم بولىگى ۇڭعىمالاردى وڭدەۋ جانە جەراستى جوندەۋ جۇمىستارىن جۇرگىزۋگە قاجەتتى ارناۋلى تەحنيكالاردىڭ جۇرگىزۋشىلەرى. قبم-دا 60 %-دان 63 %-نا دەيىن جۇمىسكەر ۆاحتالىق ادىسپەن جۇمىس ىستەپ جاتىر، بۇل رەتتە جوسپاردان تومەن بولسا دا، تۇراقتى ءوندىرۋ دەڭگەيىن ۇستاپ تۇرۋ مۇمكىن بولىپ تۇر. وزەن جانە قاراجانباس كەنورىندارىندا جۇمىس توقتاعان جوق، مۇناي ءوندىرۋ توقتاتىلعان جوق.
اقپاراتتىق حابارلاما
قمگ ءبو ءوز كاسىپورىندارىنداعى نارازىلىق اكتسيالارى توڭىرەگىندەگى ارانداتۋشىلىقتاردى جوققا شىعارادى
استانا، 7 شىلدە 2011 ج. «قازمۇنايگاز» بارلاۋ ءوندىرۋ» اق («قمگ ءبو»، «كومپانيا») «وزەنمۇنايگاز» ءوف («ومگ») جانە «قاراجانباسمۇناي» («قبم») اق-لارىندا بولىپ جاتقان نارازىلىق اكتسيالارى توڭىرەگىندە ارانداتۋشىلىق ارەكەتتەردىڭ جيىلەپ كەتۋىنە بايلانىستى تومەندەگىدەي مالىمدەمە جاساۋدى قاجەت دەپ سانايدى.
قازىرگى تاڭدا ومگ-دا جالپى 9000 جۇمىسكەردىڭ 13 %-ى عانا جۇمىسقا شىقپاي وتىر. نارازىلىق اكياسىنا قاتىسۋشىلاردىڭ باسىم بولىگى ۇڭعىمالاردى وڭدەۋ جانە جەراستى جوندەۋ جۇمىستارىن جۇرگىزۋگە قاجەتتى ارناۋلى تەحنيكالاردىڭ جۇرگىزۋشىلەرى. قبم-دا 60 %-دان 63 %-نا دەيىن جۇمىسكەر ۆاحتالىق ادىسپەن جۇمىس ىستەپ جاتىر، بۇل رەتتە جوسپاردان تومەن بولسا دا، تۇراقتى ءوندىرۋ دەڭگەيىن ۇستاپ تۇرۋ مۇمكىن بولىپ تۇر. وزەن جانە قاراجانباس كەنورىندارىندا جۇمىس توقتاعان جوق، مۇناي ءوندىرۋ توقتاتىلعان جوق.
نارازىلىق اكياسىنا قاتىسۋشىلارعا بىرنەشە رەت اۋىزشا جانە جازباشا تۇردە ولاردىڭ تالاپتارىنىڭ زاڭسىز ەكەندىگى جانە ولاردى ورىنداۋدان كومپانيانىڭ باس تارتۋ سەبەپتەرى ءتۇسىندىرىلدى. مەملەكەتتىك جانە سوت ورىندارى نارازىلىق اكياسىنىڭ كەيبىر كوشباسشىلارىنىڭ زاڭنامانى دۇرىس تۇسىندىرمەي جۇرگەنىن بىرنەشە رەت ءتۇسىندىردى. وسىلايشا، مەملەكەتتىك ەڭبەك جانە حالىقتى الەۋمەتتىك قورعاۋ ورگاندارى وكىلدەرىنىڭ ارەكەتىنە شاعىمدانباق بولعان قبم كاسىپوداعىنىڭ بۇرىنعى زاڭگەرى ن. سوكولوۆانىڭ، قبم كاسىپوداعىنىڭ توراعاسى ە.قوسارحانوۆتىڭ تالاپ-ارىزى بويىنشا ءتۇرلى ينستانتسياداعى سوت ورىندارى ءۇش رەت سوت شەشىمدەرىن شىعارىپ، اتالعان تالاپتار زاڭناماعا سايكەس كەلمەيدى دەپ تانىلدى. جاڭاوزەن قالاسىنىڭ سوتى ومگ جۇمىسكەرى ك.ب.ايتەشوۆانىڭ تالاپ-ارىزى بويىنشا ەرەۋىلشىلەردىڭ تالاپتارىن نەگىزسىز جانە زاڭسىز دەپ تانىعان شەشىم شىعاردى.
قمگ ءبو جۇمىس بەرۋشىنىڭ كەلىسسوزدەردى جالعاستىرۋعا دايىن ەكەندىگىن ەسكەرە وتىرىپ، ەڭبەك داۋىن شەشۋدىڭ ىمىراشىل تاسىلدەرى تۇگەسىلگەن جوق دەپ سانايدى، الايدا بەلسەندىلەر كومپانياعا كۇش كورسەتۋ ءادىسىن قولدانۋدى دۇرىس دەپ تاپتى. ولار ومگ مەن قبم-دا سوت شەشىمىمەن زاڭسىز دەپ تانىلعان نارازىلىق اكيالارىن ۇيىمداستىردى. وسىلايشا، وسى اكتسيالاردى ۇيىمداستىرۋشىلار زاڭدى بۇزىپ قانا قويعان جوق، سونىمەن قاتار سوت ورىندارىنىڭ شەشىمىنە باعىنبادى. اتالعان زاڭسىز نارازىلىق اكتسياسىنا قاتىسۋشىلار وسىلايشا ەرەۋىل بارىسىندا لوكاۋتتاردى جۇرگىزۋگە تيىم سالۋ قورعانىسىنا جاتپايدى، ولار ەڭبەك ءتارتىبىن بۇزۋشىلار بولىپ تابىلادى جانە ەڭبەك كودەكسىنە سايكەس جۇمىستان شىعارىلادى. قازىرگى تاڭدا ومگ-دە جۇمىسقا شىقپاعانى ءۇشىن 267 ادام، ال قبم-دا 160 ادام جۇمىستان شىعارىلدى.
كومپانيا تاعى دا ومگ-دەگى وندىرىستىك جۇمىسكەرلەردىڭ ورتاشا ايلىق جالاقىسى شامامەن 300 مىڭ تەڭگەنى، ال قبم-دا شامامەن 257 مىڭ تەڭگەنى قۇرايتىنىن اتاپ وتەدى، بۇل قازاقستانداعى، ماڭعىستاۋ وبلىسىنداعى، سونداي-اق استانا جانە الماتىداعى ورتاشا ايلىق جالاقى دەڭگەيىنەن ايتارلىقتاي اسىپ تۇسەدى. كومپانيا بۇل رەتتە جالاقىنىڭ ورتاشا دەڭگەيى تۋرالى ايتىپ وتىر، ياعني ناقتى جۇمىسكەردىڭ ايلىق جالاقىسى ونىڭ لاۋازىمىنا، بىلىكتىلىگىنە جانە رازريادىنا بايلانىستى جانە ول ورتاشا دەڭگەيدەن جوعارى نەمەسە تومەن بولۋى مۇمكىن.
ودان بولەك، قوعامدىق پىكىرگە كەرى اسەر ەتۋگە تىرىسقان كەيبىر بەلسەندىلەر ايلىق جالاقىنىڭ تومەن دەڭگەيىنىڭ «دالەلى» رەتىندە كەيبىر ايلارداعى ەسەپ ايىرۋ قاعازدارىن ۇسىنۋدا، ولار جۇمىسكەردىڭ ناقتى جالاقىسى تۋرالى دۇرىس اقپارات بەرمەيدى (اتاپ ايتقاندا، بۇل جۇمىسكەر ەڭبەككە جارامسىز بولعان نەمەسە ەڭبەك دەمالىسىندا بولعان، وسى كەزدە جوسپاردىڭ ورىندالماۋىنا بايلانىستى سىياقى تولەنبەگەن كەزەڭدەرگە قاتىستى). قمگ ءبو كومپانيانىڭ ىسكەرلىك بەدەلىنە شىعىن كەلتىرۋى مۇمكىن ادەيى جالعان اقپاراتتاردى تاراتقانى ءۇشىن جاۋاپكەرشىلىك تۋرالى ەسكەرتەدى.
كومپانيا قبم جانە ومگ ەڭبەك ۇجىمدارىنىڭ وكىلى رەتىندە رەسمي سايلانعان كاسىپوداق كوشباسشىلارىمەن ديالوگ ورناتۋعا كۇش سالادى. اتاپ ايتقاندا، بۇعان دەيىن كومپانيا رەسمي تۇردە حابارلاعانداي، ماۋسىم ايىنىڭ ورتاسىندا قمگ ءبو ديرەكتورلار كەڭەسىنىڭ توراعاسى ا.س.ايدارباەۆ جانە قمگ ءبو باس ديرەكتورى ا.ق.بالجانوۆ ومگ كاسىپوداعىنىڭ وكىلدەرىمەن كەزدەستى. الايدا، قازىرگى تاڭدا ومگ كاسىپوداعىندا دا، قبم كاسىپوداعىندا دا جىككە بولىنۋشىلىك بايقالىپ، نارازىلىق اكتسياسىنا قاتىسۋشىلار كەزىندە ەڭبەك ۇجىمدارى رەسمي سايلاعان كاسىپوداق كوشباسشىلارىن مويىنداماي وتىرعاندىقتان ولارمەن كەلىسسوز جۇرگىزۋ قيىنداپ وتىر.
قمگ ءبو بۇرىنعىسىنشا نارازىلىق اكتسياسى تولىقتاي توقتاتىلعان جاعدايدا ومگ جانە قبم ەڭبەك ۇجىمدارىنىڭ وكىلەتتى وكىلدەرىمەن ديالوگ قۇرۋعا دايىن ەكەنىن اتاپ وتەدى.
سونىمەن بىرگە، كومپانيا جاريالىقتى قولدايتىنىن راستاي وتىرىپ قازاقستاندا جانە ودان تىسقارى جەرلەردە جۇمىس ىستەيتىن كەز-كەلگەن قوعامدىق ۇيىمدارعا جانە باق-قا جەدەل تۇردە دۇرىس اقپارات بەرۋگە دايىن.
قمگ ءبو حالىقارالىق ۇيىمدار مەن جاريا تۇلعالار مۇددەلى تاراپتىڭ تاراتقان اقپاراتتارىنا بايىپتى قاراپ، قانداي دا ءبىر جاريالى مالىمدەمە جاساماس بۇرىن وندا كەلتىرىلگەن دەرەكتەردىڭ دۇرىستىعىنا كوز جەتكىزەدى دەگەن سەنىمدە.
انىقتاما
قمگ ءبو مۇناي ءوندىرۋ كولەمى جاعىنان قازاقستاندا كوشباسشىلاردىڭ ۇشتىگىنە كىرەدى. كومپانيانىڭ ءوندىرۋ كولەمى «قازگەرمۇناي» بك جشس مەن CCEL («قاراجانباسمۇناي») «پەتروقازاقستان ينك.» جانە «نبك» جشس كومپانيالارىنداعى ۇلەستەردى ەسەپتەگەندە، 2010 جىلى 13,3 ملن. توننانى (تاۋلىگىنە 270 مىڭ باررەل) قۇرادى. قمگ ءبو-ءنىڭ مۇنايدىڭ دالەلدەنگەن جانە بولجامدى قورلارىنىڭ كولەمى 2010 جىلدىڭ سوڭىنداعى جاعداي بويىنشا 232 ملن. توننانى (1,7 ملرد. باررەلدى), ال ەنشىلەس كومپانيالارداعى ۇلەستى ەسەپتەگەندە 2,2 ملرد. باررەلدەن استامدى قۇرايدى. كومپانيانىڭ جاي جانە ارتىقشىلىقتى اكتسيالارى قازاقستان قور بيرجاسىندا، ال عالامدىق دەپوزيتارلىق قولحاتتارى - لوندوننىڭ قور بيرجاسىندا ليستينگتەن ءوتتى. 2006 جىلدىڭ قىركۇيەگىندەگى ءىرو كەزىندە كومپانيا 2 ميللياردتان استام اقش دوللارىن تارتتى. 2010 جىلدىڭ شىلدەسىندە حالىقارالىق Standard & Poor's اگەنتتىگى كومپانيانىڭ نەسيەلىك رەيتينگىن «ۆۆ+» دەڭگەيىندە، ال 2010 جىلدىڭ قاراشاسىندا «GAMMA-6» كورپوراتيۆتىك باسقارۋ رەيتينگىن راستادى.
بايلانىستىق اقپارات:
«قمگ ءبو» اق، جۇرتشىلىقپەن بايلانىس (+7 7172 97 7600)
داۋلەت ءجۇمادىل
e-mail: pr@kmgep.kz
«قمگ ءبو» اق، ينستيتۋتسيونالدىق ينۆەستورلارمەن بايلانىس (+7 7172 97 5433)
اسەل قاليەۆا
e-mail: ir@kmgep.kz
Pelham Bell Pottinger (+44 207 861 3147)
ەلەنا دوبسون
ە-mail: edobson@pelhambellpottinger.co.uk
بولاشاققا قاتىستى مالىمدەمە
وسى قۇجاتتا «بولاشاققا قاتىستى مالىمدەمە» بولىپ تابىلاتىن نەمەسە ەسەپتەلەتىن مالىمدەمە قامتىلعان. باسقالارىنىڭ اراسىنداعى «سانايدى»، «الدىن الا باعالاۋ بويىنشا»، «كۇتىپ وتىر»، «بولجام بويىنشا»، «ۇيعارىپ وتىر» ، «جوسپارلاپ وتىر»، «ۇيعاردى»، «بولادى» نەمەسە «بولۋى ءتيىس» دەگەن سوزدەردى قوسا العاندا بولاشاقتى سيپاتتاۋعا ارنالعان تەرمينولوگيا، نە، ءار جاعدايدا وسىعان ۇقساس نەمەسە پارا-پار تەرمينولوگيا، نە تالقىلاۋعا ارنالعان سىلتەمەلەر، بولاشاق وقيعانىڭ نەمەسە نيەتتىڭ جوسپارلارى، ماقساتتارى، مىندەتتەرى كەلەشەككە قاتىستى مالىمدەمەنى تۇسىندىرۋگە ارنالعان. بولاشاققا قاتىستى اتالعان مالىمدەمە تاريحي فاكتىلەر بولىپ تابىلمايتىن بارلىق مالىمدەمەلەردى قامتيدى. ولار نيەتتەر، پىكىرلەر تۋرالى مالىمدەمەلەردى جانە كومپانيانىڭ سولارمەن قاتار قىزمەتتىڭ ناتيجەلەرىنە، قارجىلىق جاعدايعا، كومپانيا جۇمىس ىستەپ وتىرعان ستراتەگيالار مەن سالالاردىڭ جويىلىمدىلىعىنا، پەرسپەكتيۆالارىنا، وسۋىنە قاتىستى كۇتۋلەرى تۋرالى مالىمدەمەلەردى شەكتەۋسىز قاميتدى. ءوز تۇرعىسىندا بولاشاققا قاتىستى وتىنىمدەر ولار بولۋى مۇمكىن كەلەشەكتەگى وقيعالار مەن جاعداياتتارعا قاتىستى بولعاندىقتان تاۋەكەلمەن جانە بەلگىسىزدىكپەن بايلانىستى. بولاشاققا قاتىستى مالىمدەمەلەر قىزمەتتىڭ بولاشاق ناتيجەلەرىنىڭ كەپىلدىگى بولىپ تابىلمايدى جانە كومپانيا قىزمەتىنىڭ ءىس جۇزىندەگى ناتيجەلەرى، قارجىلىق جاعدايى جانە قىزمەتىن توقتاتۋى جانە كومپانيا جۇمىس ىستەيتىن ەلدەر مەن سالالاردىڭ دامۋى وسى قۇجاتتا سيپاتتالعان نۇسقالاردان ايتارلىقتاي وزگەشە بولۋى نەمەسە وسى قۇجاتتا قامتىلعان بولاشاققا قاتىستى مالىمدەمەلەرگە سايكەس جۇزەگە اسۋى مۇمكىن. كومپانيا جاڭا اقپاراتتار الۋدىڭ، بولاشاق وقيعالاردىڭ نەمەسە قانداي دا ءبىر وزگە دە جاعدايدىڭ ناتيجەسىندە بولسا دا وسى قۇجاتتا قامتىلعان سالاعا قاتىستى قانداي دا بولماسىن اقپاراتتى نەمەسە بولاشاققا قاتىستى قانداي دا بولماسىن مالىمدەمەنى جاڭارتۋدى جوسپارلامايدى جانە ول جونىندە وزىنە مىندەتتەمە المايدى. كومپانيا بولاشاققا قاتىستى مۇنداي مالىمدەمەلەردە ايتىلعان ناتيجەلەرگە قول جەتكىزىلەتىندىگىنە قاتىستى ەشقانداي مالىمدەمە جاسامايدى، ەشقانداي راستاۋ بەرمەيدى جانە ەشقانداي بولجام جاريالامايدى.
